ដំណោះស្រាយនៅពេលកើតមានស្ត្រេស
ស្ត្រេសជាលទ្ធផលកើតចេញពីប្រតិកម្មរវាងអារម្មណ៍ និងសេរីរាង្គកាយដែលធ្វើឱ្យមានការតានតឹងក្នុងចិត្តដែលបណ្តាកមកពីបរិស្ថាន ការទាក់ទងនឹងការងារ និងសង្គមជាដើម ។
ស្ត្រេសជាលទ្ធផលកើតចេញពីប្រតិកម្មរវាងអារម្មណ៍ និងសេរីរាង្គកាយដែលធ្វើឱ្យមានការតានតឹងក្នុងចិត្តដែលបណ្តាកមកពីបរិស្ថាន ការទាក់ទងនឹងការងារ និងសង្គមជាដើម ។
ស្ត្រេសជាលទ្ធផលកើតចេញពីប្រតិកម្មរវាងអារម្មណ៍ និងសេរីរាង្គកាយដែលធ្វើឱ្យមានការតានតឹងក្នុងចិត្តដែលបណ្តាកមកពីបរិស្ថាន ការទាក់ទងនឹងការងារ និងសង្គមជាដើម ។ លោកសាស្ត្រាចារ្យវេជ្ជបណ្ឌិតយឹម សុបុត្រា ឯកទេសវិកលវិទ្យា នៃមន្ទីរសម្រាកព្យាបាលផ្លូវចិត្ត សាន់រ៉ាយ ឱ្យដឹងថា ស្ត្រេសគឺជាបញ្ហាមួយដែលកើតមានឡើងស្ទើរតែគ្រប់បុគ្គលទាំងអស់ មិនថាស្ត្រី បុរស អ្នកមាន អ្នកក្រ អ្នកជនបទ អ្នកទីក្រុងនិងមិនថាពេលណាទេ នៃដំណើរជីវិតរស់នៅរបស់មនុស្សយើងគ្រប់រូប ។
បញ្ហាស្ត្រេសនាំឲ្យមានផលប៉ះពាល់ទាំងសុខភាពផ្លូវចិត្ត និងផ្លូវកាយ ហើយស្ត្រេសគឺមាន២ប្រភេទ អវិជ្ជមាន និងវិជ្ជមាន៖
-អវិជ្ជមាន៖ ការបាត់បង់ការងារ គ្មានការងារធ្វើ ឬការលំបាក និងភាពស្មុគស្មាញក្នុងផ្ទះសម្បែង ក្នុងសាលា ឬក៏ក្នុងការិយាល័យធ្វើការ។
-វិជ្ជមាន៖ ការមានបុត្រដំបូង អាពាហ៍ពិពាហ៍ ឬក៏ការមានផ្ទះសម្បែងថ្មីជាដើម ។
នៅពេលដែលមានបញ្ហាតានតឹងក្នុងចិត្ត ស្ត្រេសក៏បានកើតមានឡើង និងត្រូវបានស្តែងចេញតាមរយៈសញ្ញាមួយចំនួនដូចជា៖
១-ការបម្រែបម្រួលរាងកាយមានដូចជា៖ បេះដូងដើរញាប់, ចង្វាក់ដង្ហើម ខ្លីៗ, ឈឺក្បាល,វិលមុខ, ត្រជាក់ចុងដៃជើង,រសេះរសោះអស់កម្លាំង,ល្ហិតល្ហៃ,ឈឺចុកចាប់ក្នុងក្រពះ, ចង្អោរ ឬរកកល់ចង់ក្អួត, នោមញឹក ។
២-បម្រែបម្រួលអារម្មណ៍មានដូចជា៖ តានតឹងក្នុងចិត្ត, ព្រួយចិត្ត ឬធ្លាក់ទឹកចិត្ត, ព្រួយបារម្ភ, ឆេវឆាវ ឬខឹងច្រើន ។
៣-បម្រែបម្រួលអាកប្បកិរិយាមានដូចជា៖ ញុំាមានការប្រែប្រួល, មិនចង់ចូលរួមកិច្ចការក្នុងសង្គម, មានវិបត្តិដំណេក, មានវិបត្តិផ្លូវភេទ ។
៤-បម្រែបម្រួលលើគំនិតមានដូចជា៖ ការចងចាំ និងមានផ្ចង់គំនិតថយចុះ,ពិបាកក្នុងការសម្រេចចិត្ត, អស់សង្ឈឹម ។
លោកសាស្ត្រាចារ្យវេជ្ជបណ្ឌិតយឹម សុបុត្រាប្រាប់ឲ្យដឹងអំពីវិធីសាស្ត្រ ងាយៗក្នុងការគ្រប់គ្រងស្ត្រេសផងដែរ ។ វិធីសាស្ត្រមាន៤៖
១-ការកំណត់សញ្ញាស្ត្រេសឱ្យឃើញតាំងពីដំបូង ។
២-ការវិភាគឱ្យឃើញនូវប្រភព ឬមូលហេតុស្ត្រេស ។
៣-ឆ្លើយតបដោយវិធីសាស្ត្រដ៏មានប្រសិទ្ធភាព ឬដោះស្រាយនូវរាល់ប្រភពនៃស្ត្រេសទាំងនោះ៖
-ការចំណាយពេលវេលាលំហែខាងក្រៅផ្ទះ ឬការិយាល័យ ។
-ប្រើវិធីសាស្ត្រនៃការដកដង្ហើមនៅពេលដែលមានការតានតឹងក្នុងចិត្ត ។
-ប្រើវិធីសាស្ត្របែបសម្រាកសាច់ដុំជាដំណាក់កាលៗ ។
៤-កាពារនូវស្ត្រេស ថ្មីៗ ផ្សេងទៀតដែលអាចនឹងកើតមាន ។ បើសិនជាអនុវត្តបែបនេះហើយនៅមិនមានប្រសិទ្ធភាពទៀតនោះ ចូរអនុវត្តវិធី ផ្សេងៗទៀតមានដូចជា៖
-លេងសើចសប្បាយឲ្យបានជាប្រចាំ ជាមួយអ្នករួមការងារ មិត្តភក្តិ និងក្រុមគ្រួសារ ។
-កម្សាន្តតាមរមណីយដ្ឋាននានាដោយធ្វើដំណើរដោយថ្មើរជើង ឬធាក់កងទៅទីកន្លែងដែលមានខ្យល់បរិសុទ្ធ ដូចជាឡើងភ្នំជាដើម ។
-ការព្យាលបែបបុរាណដោយការម៉ាស្សា ការសមាធិ វិបស្សនា យោហ្គាជាដើម ។
ប្រការចាំបាច់គួរតែធ្វើ៖
-ការធ្វើលំហាត់ប្រាណដោយទៀងទាត់ និងជាប្រចាំ ។
-ការញ៉ាំដោយមានតុល្យភាពរវាងសាច់, បន្លែ ផ្លែឈើ និងគ្រាប់ធញ្ញជាតិ ។
ប្រការដែលមិនគួរធ្វើ៖
-ពិសាស្រា ។
-ការសេពគ្រឿងញៀន ។
-ពិសាកាហ្វេ, បារី ការស្វែងរកការប្រឹក្សានិងព្យាបាលពីអ្នកជំនាញតាំងពីដំបូងវាមានសារសំខាន់បំផុត ៕
ចែករំលែកព័តមាននេះ