ក្នុងកែបម៉ូតូក៏មាន ជាប់ខ្លួនក៏មានអត់មានញញើតសមត្ថកិច្ចបន្តិចសោះ(មានវីដេអូ)
ខេត្តបន្ទាយមានជ័យ ៖ ដើម្បីឲ្យភូមិ-ឃុំមានសុវត្ថិភាពលោកឧត្តមសេនីយ៍ទោ អាត់ ខែម
ខេត្តបន្ទាយមានជ័យ ៖ ដើម្បីឲ្យភូមិ-ឃុំមានសុវត្ថិភាពលោកឧត្តមសេនីយ៍ទោ អាត់ ខែម
ខេត្តបន្ទាយមានជ័យ ៖ ដើម្បីឲ្យភូមិ-ឃុំមានសុវត្ថិភាពលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានដាក់ចេញនូវវិធានការកម្លាំងសរុប និងមធ្យោបាយសរុបក្នុងការស្រាវជ្រាវរកមុខសញ្ញាជួញដូរ និងប្រើប្រាស់គ្រឿងញៀន ធ្វើយ៉ាងណាឲ្យដូចជាភ្លៀងរលឹម ។ ជាលទ្ធផលថ្ងៃទី១២ សីហា កម្លាំងនគរបាលជំនាញការិយាល័យជំនាញប្រឆាំងគ្រឿងញៀនបានរៀបចំសំណុំរឿងបញ្ជូនជនសង្ស័យជួញដូរ និងប្រើប្រាស់គ្រឿងញៀនចំនួន១១នាក់ ក្នុងនោះស្រី២នាក់ ទៅសាលាដំបូងខេត្តបន្ទាយមានជ័យ ។
លោកវរសេនីយ៍ត្រី ង៉េង សុជា នាយការិយាល័យនគរបាលប្រឆាំងគ្រឿងញៀនបានឲ្យដឹងថា ជនសង្ស័យទាំង១១នាក់ ស្រី២នាក់នេះ គឺមានមុខសញ្ញាចែកចាយចំនួន៣នាក់ត្រូវបានកម្លាំងនគរបាលចរាចរណ៍ត្រួតពិនិត្យច្បាប់ចរាចរណ៍ឆេកឆេររកឃើញថ្នាំញៀន១កូនថង់តូចនៅក្រោមកែបម៉ូតូ និងដាវសាម៉ូរ៉ៃ១ដើមលាក់ទុកនឹងខ្លួន ។ បន្ទាប់ពីកម្លាំងនគរបាលចរាចរណ៍ត្រួតពិនិត្យរកឃើញថ្នាំញៀន ហើយនោះ ក៏ប្រគល់ជនសង្ស័យទាំង២នាក់រួមទាំងវត្ថុតាងទៅមន្ត្រីនគរបាលជំនាញដើម្បីធ្វើការសាកសួរ បន្ទាប់មកបានឈានដល់ការបង្ក្រាបចាប់មុខសញ្ញាចែកចាយម្នាក់ទៀតឈ្មោះ យុត សុបិន ហៅចិន ភេទប្រុស អាយុ២៥ឆ្នាំ នៅភូមិសឹង្ហ ឃុំសឹង្ហ ស្រុកអូរជ្រៅ ខេត្តបន្ទាយមានជ័យ រៀនធ្វើជាងម៉ូតូ និងចាប់ឃាត់ខ្លួនមុខសញ្ញាប្រើប្រាស់ប្រុសស្រីចំនួន៨នាក់ទៀត រួមទាំងវត្ថុតាងសម្ភារមួយចំនួន ។
លោកនាយការិយាល័យបានបញ្ជាក់ទៀតថា មុខសញ្ញាជួញដូរចំនួន៣នាក់ និងអ្នកប្រើប្រាស់ ចំនួន៨នាក់ ស្រី២នាក់ ត្រូវបានបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់ថ្ងៃនេះដែរ ៕
ចែករំលែកព័តមាននេះ