ឃាត់ខ្លួនក្រុមជនសង្ស័យ០៨នាក់បញ្ជូនទៅតុលាការ
ខេត្តបន្ទាយមានជ័យ ៖ កម្លាំងកងរាជអាវុធហត្ថក្រុងប៉ោយប៉ែតសហការជាមួយកម្លាំងស្នាក់ការសន្តិសុខ៥៦៨
ខេត្តបន្ទាយមានជ័យ ៖ កម្លាំងកងរាជអាវុធហត្ថក្រុងប៉ោយប៉ែតសហការជាមួយកម្លាំងស្នាក់ការសន្តិសុខ៥៦៨ បានចេញល្បាតឆែកឆេរអាវុធជាតិផ្ទុះក្នុងភូមិសាស្ត្រក្រុងរហូតដល់ម៉ោង២នាទីយប់ឈានចូលថ្ងៃទី១១ សីហា ត្រង់ចំណុចផ្លូវដើមពុទ្រា ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត បានធ្វើការឃាត់ខ្លួនជនសង្ស័យជាបន្តបន្ទាប់បានចំនួន៨នាក់បញ្ជូនកាន់កាន់បញ្ជាការដ្ឋានអាវុធហត្ថ ។
លោកវរសេនីយ៍ត្រី ស្រៀន ចាន់តារា មេបញ្ជាការរងក្រុងប៉ោយប៉ែតបានឲ្យដឹងថា ជនសង្ស័យទាំង៨នាក់សមត្ថកិច្ចបានដកហូតវត្ថុតាង និងសម្ភាររួមមាន ម៉ូតូចំនួន០៦គ្រឿង, ទូរស័ព្ទដៃចំនួន០៩គ្រឿង, ចិញ្ចៀនលោហៈធាតុពណ៌លឿងចំនួន០៣វង់, នាឡិកាដៃចំនួន០២គ្រឿង, ប្រាក់ថៃចំនួន៤.១០០បាត, ប្រាក់ខ្មែរចំនួន៣១.៥០០រៀល, គ្រឿងញៀនប្រភេទមេតំហ្វេតាមីនចំនួន០២កូនថង់ ។
ក្រោយពីសាកសួររួចជនសង្ស័យទាំង០៨នាក់ រួមទាំងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យនៅព្រឹកថ្ងៃទី១១ សីហា នេះដើម្បីចាត់ការបន្តតាមនីតិវិធីផងដែរ ៕
ចែករំលែកព័តមាននេះ