កីឡាករជើងខ្លាំងកម្ពុជា3រូបត្រៀមស្វាគមន៍កីឡាករឆ្លងដែន
រាជធានីភ្នំពេញ ៖ កម្មវិធីប្រកួតប្រដាល់អន្តរជាតិនៅលើសង្វៀនទូរទស្សន៍PNNរៀងរាល់ថ្ងៃចុងសប្ដាហ៍បានវិលមកជួបទស្សនិកជនសាជាថ្មីទៀតហើយនៅថ្ងៃអាទិត្យទី១៣ សីហា ដោយ
រាជធានីភ្នំពេញ ៖ កម្មវិធីប្រកួតប្រដាល់អន្តរជាតិនៅលើសង្វៀនទូរទស្សន៍PNNរៀងរាល់ថ្ងៃចុងសប្ដាហ៍បានវិលមកជួបទស្សនិកជនសាជាថ្មីទៀតហើយនៅថ្ងៃអាទិត្យទី១៣ សីហា ដោយ
រាជធានីភ្នំពេញ ៖ កម្មវិធីប្រកួតប្រដាល់អន្តរជាតិនៅលើសង្វៀនទូរទស្សន៍PNNរៀងរាល់ថ្ងៃចុងសប្ដាហ៍បានវិលមកជួបទស្សនិកជនសាជាថ្មីទៀតហើយនៅថ្ងៃអាទិត្យទី១៣ សីហា ដោយប្រកាសបើករេញឱ្យកីឡាករកម្ពុជា៣រូបនិងថៃ៣រូបប៉ះគ្នា ។
គូអន្តរជាតិទី១ កីឡាករ នន់ ជំនិត មកពីក្លិបនាគរាជមានជ័យត្រូវជួបប្រកួតជាមួយកីឡាករថៃឈ្មោះ ហ្វា សុរៈ ក្នុងប្រភេទទម្ងន់៦៩គីឡូក្រាម ។ កីឡាករថៃរូបនេះមិនធ្លាប់មកប្រកួតនៅស្រុកខ្មែរពីមុនមកទេ ទោះបីគេមិនដឹងពីប្រវត្តិប្រកួតច្បាស់លាស់ប៉ុន្តែអ្នករៀបចំកម្មវិធីបានអះអាងថា គេជាជើងខ្លាំងលំដាប់ជួរមុខមួយរូបនៅក្នុងពិភពប្រដាល់ថៃ។
ចំណែកនន់ ជំនិត កាលពីប៉ុន្មានឆ្នាំមុនគឺជាអ្នកប្រដាល់ជើងខ្លាំងម្នាក់ដែរ ប៉ុន្តែដោយសារតែបាត់មុខយូរពីលើសង្វៀនទើបគេមិនដឹងថាថ្វីដៃប្រកួតរបស់គេនៅខ្លាំងដូចមុនទៀតឬក៏អត់នោះទេ ។ កីឡាកររូបនេះមានស្នៀតកែងនិងជង្គង់ល្អពេលវាយចេញម្ដងៗបង្កគ្រោះថ្នាក់ខ្លាំងណាស់ ហើយអ្នកដែលជួបប្រកួតជាមួយគេ កម្រគេចផុតពីសន្លប់ណាស់ ។ ចាំមើលពេលជួបអ្នកប្រដាល់ជើងខ្លាំងថៃលើកនេះនឹងចេញលទ្ធផលយ៉ាងណា ។
គូអន្តរជាតិទី២ កីឡាករ ឡុង សំណាង មកពីក្លិបសាលវ័ន្ដកីឡា ត្រូវជួបប្រកួតជាមួយកីឡាករថៃឈ្មោះ ចេន សឹក ក្នុងប្រភេទទម្ងន់៦០គីឡូក្រាម ។ កីឡាករថៃរូបនេះក៏ជាជើងខ្លាំងម្នាក់ដែរនិងធ្លាប់មានវត្តមាននៅលើសង្វៀនស្រុកខ្មែរជាច្រើនលើកប៉ុន្តែមិនធ្លាប់ជួបប្រកួតជាមួយ ឡុង សំណាង ដែលគេចាត់ទុកជាខ្លាកំណាចនៅលើសង្វៀននោះទេ ។ ដូច្នេះសម្រាប់ការជួបគ្នារវាងកីឡាករទាំងពីរលើកនេះ ពិបាកវាយតម្លៃលទ្ធផលទុកមុនណាស់ ទើបអ្នករៀបចំកម្មវិធីទទួចឱ្យទស្សនិកជនរង់ចាំមើលការប្រកួតជាក់ស្ដែងនៅលើសង្វៀនទាំងអស់គ្នា។
គូអន្តរជាតិទី៣ដែលគូបើកឆាកកីឡាករកូនក្មេងយ៉ាន់ មុន្នីសុធីម មកពីក្លិបក្រុងប៉ោយប៉ែត ខេត្តបន្ទាយមានជ័យ ជួបប្រកួតជាមួកីឡាករកូនក្មេងថៃឈ្មោះសាយ លុម ក្នុងប្រភេទទម្ងន់២៧កីឡូក្រាម និងគូមិត្តភាពបិទគូទចុងក្រោយតម្រូវទៅលើកីឡាករ ថៃ រដ្ឋា មកពីក្លិបក្រុងប៉ោយប៉ែត ខេត្តបន្ទាយមានជ័យប្រកួតជាមួយកីឡាករ បឺត សង្ឃឹម មកពីក្លិបរ៉ាហាប់ស្វាយប៉ាកក្នុងប្រភេទទម្ងន់៥៧គីឡូក្រាម ៕
ចែករំលែកព័តមាននេះ