អត្ថប្រយោជន៍យ៉ាងច្រើននៃទឹកដូង
ការរក្សាជាតិទឹកក្នុងរាងកាយអំឡុងពេលមានផ្ទៃពោះគឺសំខាន់ណាស់ ។ ទឹកចម្រោះគឺជាជម្រើសដ៏ល្អបំផុតមួយ ប៉ុន្តែទឹកដូងស្រស់ និងមានជាតិផ្អែម តិចៗក៏មានអត្ថប្រយោជន៍ផងដែរ ។
ការរក្សាជាតិទឹកក្នុងរាងកាយអំឡុងពេលមានផ្ទៃពោះគឺសំខាន់ណាស់ ។ ទឹកចម្រោះគឺជាជម្រើសដ៏ល្អបំផុតមួយ ប៉ុន្តែទឹកដូងស្រស់ និងមានជាតិផ្អែម តិចៗក៏មានអត្ថប្រយោជន៍ផងដែរ ។
ការរក្សាជាតិទឹកក្នុងរាងកាយអំឡុងពេលមានផ្ទៃពោះគឺសំខាន់ណាស់ ។ ទឹកចម្រោះគឺជាជម្រើសដ៏ល្អបំផុតមួយ ប៉ុន្តែទឹកដូងស្រស់ និងមានជាតិផ្អែម តិចៗក៏មានអត្ថប្រយោជន៍ផងដែរ ។
ស្ត្រីមានផ្ទៃពោះគួរតែមានទម្លាប់ទទួលទានទឹកដូងស្រស់១ទៅ២កែវជារៀងរាល់ថ្ងៃ ។ ទោះជាយ៉ាងណាក្តីអ្នកគួរចៀសវាងទឹកដូងកំប៉ុង ។ ទឹកដូងស្រស់គឺល្អសម្រាប់ខ្លួនអ្នកផ្ទាល់ ព្រមទាំងទារកព្រោះវាមិនមានផ្ទុកសារធាតុរក្សាចំណីអាហារ និងសារជាតិគីមី ផ្សេងៗទៀត ។
អត្ថប្រយោជន៍មួយចំនួននៃការទទួលទានទឹកដូងក្នុងអំឡុងពេលមានផ្ទៃពោះ ៖
១-បង្ការការទល់លាមក
ការទល់លាមកគឺជាបញ្ហាទូទៅក្នុងពេលមានផ្ទៃពោះ ។ វាអាចកើតឡើងដោយសារតែការកើនឡើងកម្រិតអ៊័រម៉ូនប្រូសេស្តេរ៉ូននៅក្នុងខ្លួន និងជាលទ្ធផលនៃការប្រើប្រាស់ថ្នាំគ្រាប់ជាតិដែក ។
ជាតិសរសៃនៅក្នុងទឹកដូងមានអត្ថប្រយោជន៍សម្រាប់ការព្យាបាលការទល់លាមកអំឡុងពេលមានផ្ទៃពោះ ។ ជាតិសរសៃជួយបង្កើនលាមក និងថែរក្សាពោះវៀនឲ្យស្អាត និងមានដំណើរការល្អ ។
២-បញ្ឈប់អាការក្រហាយទ្រូង
ក្រៅពីការទល់លាមក អាការក្រហាយទ្រូងក៏ជាបញ្ហាធម្មតាក្នុងអំឡុងពេលមានផ្ទៃពោះផងដែរដោយសារតែការផ្លាស់ប្តូរអ័៊រម៉ូន និងស្បូនដែលរីកលូតលាស់មានសម្ពាធលើក្រពះ ។
នៅពេលមានអាការក្រហាយទ្រូង ស្ត្រីមានផ្ទៃពោះមិនត្រូវគេណែនាំឲ្យប្រើថ្នាំទេ ដោយសារវាអាចមានផលប៉ះពាល់យូរអង្វែងចំពោះកូនក្នុងផ្ទៃ ។ អ្នកអាចប្រយុទ្ធប្រឆាំងនឹងបញ្ហានេះដោយទទួលទានទឹកដូង ។
ការទទួលទានទឹកដូងជួយបន្ថយកម្រិតអាស៊ីតនៅក្នុងក្រពះ ជាលទ្ធផលវាអាចជួយទប់ស្កាត់បញ្ហាទាក់ទងនឹងការរំលាយអាហារ និងអាការក្រហាយទ្រូង ។
៣-រក្សាថាមពលរបស់ស្ត្រីមានផ្ទៃពោះ
ទឹកដូងអាចមានអត្ថប្រយោជន៍ក្នុងការរក្សាថាមពលអំឡុងពេញមានផ្ទៃពោះ ។
ភេសជ្ជៈធម្មជាតិនេះសម្បូរអេឡិចត្រូលីត្រដែលជួយរក្សាកម្រិតថាមពលរបស់អ្នកឱ្យនៅខ្ពស់ ។ វាក៏ជួយស្តារថាមពលឡើងវិញដោយបង្កើនការរំលាយអាហារ និងបង្កើនមុខងាររបស់ក្រពេញទីរ៉ូអីុត ។
បរិមាណជាតិស្ករ ប្រូតេអ៊ីន និងសូដ្យូមក្នុងកម្រិតមធ្យមរបស់ទឹកដូងក៏ជួយរក្សាកម្រិតសារធាតុរាវនៅក្នុងខ្លួនស្ត្រីមានផ្ទៃពោះ ដែលមានសារសំខាន់សម្រាប់ការប្រយុទ្ធប្រឆាំងនឹងការអស់កម្លាំង ។
៤-ទប់ស្កាត់ការបាត់បង់ជាតិទឹក
ដោយសារតែមានបញ្ហាចាញ់កូន និងក្អួត ស្ត្រីមានផ្ទៃពោះមានហានិភ័យខ្ពស់ក្នុងការបាត់បង់ជាតិទឹក ។
អ្នកអាចបងា្ករការបាត់បង់ជាតិទឹកបានយ៉ាងងាយស្រួលជាមួយនឹងការទទួលទានទឹកដូង ដែលវាមានតួនាទីជួយបំពេញជាតិទឹកដល់រាងកាយ ។ ស្របគ្នានេះវាមានអាស៊ីតអាមីណូដែលល្អចំពោះសុខភាព និងអង់ស៊ីមដទៃទៀតដែលជួយប្រយុទ្ធប្រឆាំងនឹងការបាត់បង់ជាតិទឹក និងភាពហត់នឿយ ។
៥-គ្រប់គ្រងសម្ពាធឈាម
ការទទួលទានទឹកដូងជាប្រចាំអាចជួយគ្រប់គ្រងសម្ពាធឈាមរបស់អ្នក ។ ដោយសារតែសារធាតុប៉ូតាស្យូម និងម៉ាញ៉េស្យូមមានក្នុងទឹកដូង ។
សារធាតុប៉ូតាស្យូមភ្ជាប់ខ្លួនជាមួយជាតិអំបិល និងជួយបញ្ចេញវាពីរាងកាយ ។ កម្រិតសូដ្យូមទាបនៅក្នុងឈាមមានន័យថាសម្ពាធឈាមថយចុះ ។ ម្យ៉ាងទៀតវាក៏ជួយទប់ស្កាត់បញ្ហាកង្វះម៉ាញ៉េស្យូមនៅក្នុងរាងកាយដែលបញ្ហានេះមានទាក់ទងទៅនឹងជំងឺលើសឈាម ៕
ចែករំលែកព័តមាននេះ