5យ៉ាងដែលអ្នកចង់មានផ្ទៃពោះគួរចៀសវាង
នៅពេលដែលអ្នកកំពុងតែចង់មានផ្ទៃពោះ អ្នកចាំបាច់ត្រូវផ្លាស់ប្តូរទម្លាប់មួយចំនួន ។ ខាងក្រោមនេះជារឿងទាំង៥ ដែលស្ត្រីកំពុងព្យាយាមមានកូនគួរចៀសវាង៖
នៅពេលដែលអ្នកកំពុងតែចង់មានផ្ទៃពោះ អ្នកចាំបាច់ត្រូវផ្លាស់ប្តូរទម្លាប់មួយចំនួន ។ ខាងក្រោមនេះជារឿងទាំង៥ ដែលស្ត្រីកំពុងព្យាយាមមានកូនគួរចៀសវាង៖
១-ជាតិកាហ្វេអីុនច្រើនពេក
អ្នកមិនចាំបាច់កាត់បន្ថយការទទួលទានកាហេ្វពេលព្រឹករបស់អ្នកទេ ប៉ុន្តែប្រសិនបើអ្នកទទួលទានច្រើនជាង២០០មីល្លីក្រាមនៃជាតិកាហ្វេអីុនក្នុងមួយថ្ងៃ អ្នកគួរតែកាត់បន្ថយបរិមាណនេះ ។ ការទទួលទានជាតិកាហ្វេអុីនច្រើនពេកមានការទាក់ទងជាមួយនឹងបញ្ហាមានកូន ។ លើសពីនេះទៅទៀត អ្នកនឹងមិនចង់ទទួលទានវាទេក្នុងអំឡុងពេលមានផ្ទៃពោះ (ព្រោះជាតិកាហ្វេអុីនរំខានដល់សមត្ថភាពរបស់អ្នកក្នុងការស្រូបយកជាតិដែក ធ្វើឲ្យអ្នកខ្សោះជាតិទឹក ហើយបើក្នុងកម្រិតខ្ពស់វាអាចបង្កើនហានិភ័យនៃការរលូតកូន និងការកើតកូនមិនគ្រប់ខែ) ដូច្នេះអ្នកគួរតែព្យាយាមកាត់បន្ថយវាចាប់ពីឥឡូវនេះ ។
២-ទឹកសូដា និងផ្លែឈើ
មានការផ្តល់ដំបូន្មានជាច្រើនទាក់ទងនឹងរបបអាហារបស់អ្នកមានឥទ្ធិពលដល់កូនក្នុងផ្ទៃ។ អ្វីដែលមនុស្សភាគច្រើនយល់ស្របដូចគ្នាគឺការចៀសវាងទទួលទានទឹកសូដា និងទឹកផ្លែឈើ ។ ពួកវាមានបរិមាណជាតិស្ករខ្ពស់ ដែលអាចបង្កើនជាតិស្ករក្នុងឈាមបានយ៉ាងឆាប់រហ័ស និងមានផលប៉ះពាល់អវិជ្ជមានលើការមានកូន ។
៣-កាត់បន្ថយគ្រឿងស្រវឹង
គ្រឿងស្រវឹងអាចមានការទាក់ទងទៅនឹងបញ្ហានៃការមានកូន និងការរលូតកូន ។ វាពិតជាប៉ះពាល់ដល់ការមានកូនប្រសិនបើអ្នកទទួលទានវាច្រើនពេក ប៉ុន្តែការទទួលទានមួយ ឬពីរកែវជាមួយអាហារពេលល្ងាចនៅចុងសប្តាហ៍ទំនងជាមិនមានឥទ្ធិពលច្រើនចំពោះការមានកូននោះទេ ។
៤-សម្រកទម្ងន់
ការមានជាតិខ្លាញ់ក្នុងរាងកាយច្រើនពេក ឬតិចពេកអាចបង្កឱ្យមានការបញ្ចេញពងអូវុ៉លមិនទៀងទាត់ ឬញឹកញាប់ពេក ។ ស្ត្រីដែលមានសន្ទស្សន៍ម៉ាស់រាងកាយ [BMI] រវាង២៤និង៣០ គឺល្អបំផុតចំពោះការមានផ្ទៃពោះ។
៥-ភាពតានតឹង
យើងទាំងអស់គ្នាសុទ្ធតែជួបប្រទះភាពតានតឹងនៅក្នុងជីវិតរបស់យើង ហើយអ្នកជំនាញមួយចំនួនមិនយល់ស្របទេថា ភាពតានតឹងអាចធ្វើឲ្យអ្នកមិនមានកូន ។ ប៉ុន្តែមានភស្តុតាងបង្ហាញថា ភាពតានតឹងរ៉ាំរ៉ៃខ្លាំងអាចប៉ះពាល់ដល់ប្រព័ន្ធបន្តពូជរបស់អ្នក ហើយបញ្ហានៃការមិនមានផ្ទៃពោះប្រហែលជាអាចបង្កឲ្យមានភាពតានតឹងដល់អ្នក ខ្លះៗផងដែរ ។ ដូច្នេះប្រសិនបើអ្នកមានអារម្មណ៍ថា កម្រិតនៃភាពតានតឹងរបស់អ្នកអាចប៉ះពាល់ដល់សុខភាព និងសមត្ថភាពក្នុងការមានផ្ទៃពោះរបស់អ្នក សូមទៅពិគ្រោះជាមួយគ្រូពេទ្យដើម្បីស្វែងរកវិធីដោះស្រាយ ៕
ចែករំលែកព័តមាននេះ