ទំពាំងគឺជាអាហារដែលមានប្រភព និងត្រូវបានគេបរិភោគនៅតាមបណ្តាប្រទេសអាស៊ីជាច្រើន ហើយក្នុងរយៈពេលប៉ុន្មានឆ្នាំ ថ្មីៗនេះវាក៏មានតម្រូវការជាច្រើននៅបណ្តាប្រទេសលោកខាងលិចផងដែរ ។ ទំពាំងត្រូវបានគេស្គាល់ដោយសារអត្ថប្រយោជន៍ចំពោះសុខភាពជាច្រើនរបស់វា ។
១-ជួយសម្រកទម្ងន់
ទំពាំងល្អសម្រាប់ការសម្រកទម្ងន់ ។ នៅពេលដែលយើងពិនិត្យមើលពីកាល់ឡូរី ជាតិកាបូអ៊ីដ្រាត និងជាតិស្ករដែលមាននៅក្នុងទំពាំង វាគឺជារឿងដ៏គួរឱ្យភ្ញាក់ផ្អើលដោយសារវត្តមានរបស់ពួកវាស្ទើរតែមិនមានក្នុងទំពាំង ។ កត្តានេះធ្វើឱ្យវាក្លាយជាអាហារដ៏ល្អសម្រាប់មនុស្សដែលចង់សម្រកទម្ងន់ ។
២-គ្រប់គ្រងកូឡេស្តេរ៉ូល
ការបរិភោគទំពាំងក៏មានប្រសិទ្ធភាពផងដែរក្នុងការបន្ថយកម្រិតកូឡេស្តេរ៉ូលមិនល្អ LDL ជាមួយនឹងកម្រិតជាតិស្ករក្នុងខ្លួនថេរ ។ វាបណ្តាលមកពីទំពាំងមានជាតិខ្លាញ់ និងកាឡូរីទាប ។
៣-ប្រឆាំងនឹងជំងឺមហារីក
ការសិក្សាស្រាវជ្រាវទៅលើទំពាំងបានបង្ហាញថាស្លឹកឫស្សីមានសារជាតិ phytosterol ដូចជា flavone, amylase និង chlorophyll ។ ក្នុងចំណោមសារធាតុទាំងនេះ សារធាតុ chlorophyll មានលក្ខណៈអាចគ្រប់គ្រងការប្រែប្រួលនៃហ្សែន និងជំងឺមហារីក ។
៤-ពង្រឹងប្រព័ន្ធការពាររាងកាយ
វីតាមីន និងសារធាតុរ៉ែនៅក្នុងទំពាំងល្អក្នុងការពង្រឹងប្រព័ន្ធភាពស៊ាំរបស់រាងកាយឲ្យមានភាពប្រសើរឡើង ។ វីតាមីន សារជាតិខនិជ និងសារធាតុប្រឆាំងអុកស៊ីតកម្មដែលមានវត្តមាននៅក្នុងទំពាំងមានសារសំខាន់ក្នុងការពង្រឹងរាងកាយពីខាងក្នុងមកខាងក្រៅ ។
៥-ប្រឆាំងនឹងការរលាក
ទំពាំងមានលក្ខណសម្បត្តិប្រឆាំងនឹងការរលាក និងការឈឺចាប់បានយ៉ាងមានប្រសិទ្ធភាព ។ វាក៏ជួយក្នុងការព្យាបាលជំងឺដំបៅក្រពះផងដែរ ។ ទឹកទំពាំងក៏អាចប្រើជាឱសថសម្រាប់របួសនៅខាងក្រៅ និងដំបៅ ៕
ចែករំលែកព័តមាននេះ