ព្រឹទ្ធភិរម្យប្រាជ្ញ ឈួន បានទទួលផ្ទះថ្មី
ខេត្តតាកែវ ៖ លោកខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកស្រីទេព រង្សី ជាភរិយា កាលពីព្រឹកថ្ងៃទី៩ ខែសីហា ឆ្នាំ២០១៧ បានប្រគល់ផ្ទះមួយខ្នងនៅភូមិស្រម៉ក្រោម
ខេត្តតាកែវ ៖ លោកខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកស្រីទេព រង្សី ជាភរិយា កាលពីព្រឹកថ្ងៃទី៩ ខែសីហា ឆ្នាំ២០១៧ បានប្រគល់ផ្ទះមួយខ្នងនៅភូមិស្រម៉ក្រោម
ខេត្តតាកែវ ៖ លោកខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកស្រីទេព រង្សី ជាភរិយា កាលពីព្រឹកថ្ងៃទី៩ ខែសីហា ឆ្នាំ២០១៧ បានប្រគល់ផ្ទះមួយខ្នងនៅភូមិស្រម៉ក្រោម ឃុំខ្វាវ ស្រុកទ្រាំង ខេត្តតាកែវ ជូនលោកព្រឹទ្ធភិរម្យប្រាជ្ញ ឈួន វរសិល្បករចាប៉ីដងវែង ។
ផ្ទះមួយខ្នងនោះមានទទឹង៥ម៉ែត្រ បណ្ដោយ៧ម៉ែត្រ ចំណាយប្រាក់សាងសង់អស់ជិត១ម៉ឺនដុល្លារជាអំណោយផ្ទាល់របស់លោកខៀវ កាញារីទ្ធ និងភរិយា ។
នាឱកាសនោះលោករដ្ឋមន្ត្រីក្រសួងព័ត៌មានដែលអមដំណើរដោយមន្ត្រីមួយចំនួនរបស់ក្រសួង បាននាំការផ្តាំផ្ញើសាកសួរសុខទុក្ខពីសម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាចំពោះលោកតាប្រាជ្ញ ឈួន ។ កន្លងមកសម្តេចតេជោបានផ្តាំឱ្យលោករដ្ឋមន្ត្រីតាមដាន និងយកចិត្តទុកដាក់ចំពោះព្រឹទ្ធាចារ្យប្រាជ្ញ ឈួន ។
ក្រៅពីជូនផ្ទះដ៏ស្រស់ស្អាត លោកខៀវ កាញារីទ្ធ បានជូនលោកតាប្រាជ្ញ ឈួន ប្រាក់៥០០ដុល្លារ,ទូរទស្សន៍៤០អីុង បំពាក់ឌីធីវី និងសម្ភារជាច្រើនទៀត ។
លោកតាព្រឹទ្ធាចារ្យប្រាជ្ញ ឈួន និងក្រុមគ្រួសាររីករាយជាពន់ពេកចំពោះការបានទទួលការឧបត្ថម្ភទាំងនោះពីលោករដ្ឋមន្ត្រី ។
លោកតាព្រឹទ្ធាចារ្យប្រាជ្ញ ឈួន អាយុ៧៩ឆ្នាំ ។ គាត់មានជំងឺប្រចាំកាយមិនអាចដើរបានទេ អង្គុយតែលើរទេះរុញប៉ុណ្ណោះ ៕
ចែករំលែកព័តមាននេះ