រាជធានីភ្នំពេញ៖ ដើម្បីកាត់បន្ថយការភាពណែនចង្អៀតនៅក្នុងពន្ធនាគារ ដោយសារឃុំខ្លួនបណ្តោះអាសន្ន ក្រសួងយុត្តិធម៌នឹងដាក់គម្រោងសាកល្បងមួយ ស្តីពីការដាក់ទោសសហគមន៍ ដោយការគាំទ្រពីឧត្តមស្នងការទទួលបន្ទុកសិទ្ធិមនុស្សប្រចាំនៅកម្ពុជា។ នេះបើតាមការឲ្យដឹងពីមន្ត្រីជាន់ខ្ពស់នៃក្រសួងយុតិ្តធម៌។
លោកជិន ម៉ាលីន អ្នកនាំពាក្យក្រសួងយុត្តិធម៌បានឲ្យដឹងក្នុងសន្នីសិទសារព័ត៌មានក្រោយជំនួបរវាងលោកស្រី រ៉ូណាស្មីត (RHONA SMRTH) អ្នករាយការណ៍ពិសេសរបស់អង្គការសហប្រជាជាតិ ប្រចាំនៅប្រទេសកម្ពុជា ជាមួយលោកអង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ នាថ្ងៃទី១០ ខែសីហា នៅទីស្តីការក្រសួងថា ក្នុងជំនួបលោក
ស្រីបានព្រួយបារម្ភចំពោះការឃុំខ្លួនបណ្តោះអាសន្នច្រើននៅកម្ពុជា។
លោកបន្តថា លោកស្រីចង់ឲ្យមានការដាក់ទោស «តែនៅក្រៅឃុំបណ្តោះអាសន្ន ឬការអនុវត្តទោសកុំដាក់ពន្ធនាគារ ដូចជាទោសសហគម ឬជំនួសទោសនៅក្រៅឃុំស្ថិតនៅក្រោមគ្រប់គ្រងរបស់តុលាការ ដើម្បីជៀសវាងការកកស្ទះអ្នកទោសនៅក្នុងពន្ធនាគារ និងចង់ឲ្យមានការឃុំខ្លួនបណ្តោះអាសន្នមានការថយចុះនៅក្នុងប្រទេស
កម្ពុជា»។
ចែករំលែកព័តមាននេះ