ការបំបាត់ជំងឺគ្រុនចាញ់ អាចនឹងបរាជ័យនៅឆ្នាំ២០២៥
ខេត្តស្ទឹងត្រែង ៖ ជំងឺគ្រុនចាញ់ជាជំងឺមួយប្រភេទដែលតែងកើតលើមនុស្សគ្រប់វ័យ ហើយក៏ជាជំងឺមួយដែលគេកំពុងមានការព្រួយបារម្ភផងដែរ។
ខេត្តស្ទឹងត្រែង ៖ ជំងឺគ្រុនចាញ់ជាជំងឺមួយប្រភេទដែលតែងកើតលើមនុស្សគ្រប់វ័យ ហើយក៏ជាជំងឺមួយដែលគេកំពុងមានការព្រួយបារម្ភផងដែរ។
ខេត្តស្ទឹងត្រែង ៖ ជំងឺគ្រុនចាញ់ជាជំងឺមួយប្រភេទដែលតែងកើតលើមនុស្សគ្រប់វ័យ ហើយក៏ជាជំងឺមួយដែលគេកំពុងមានការព្រួយបារម្ភផងដែរ។ ទន្ទឹមនេះអាជ្ញាធរខត្តស្ទឹងត្រែងបានជំរុញឲ្យមន្ត្រីមន្ទីរសុខាភិបាលបង្កើនសកម្មភាពផ្សព្វផ្សាយសារអប់រំស្តីពីការបង្ការជំងឺគ្រុនចាញ់ ឲ្យបានទូលំទូលាយ ស្របពេលទិន្នន័យក្នុងឆមាសទី១ ឆ្នាំ២០១៧នេះ មានករណីកើនឡើង៦៥ករណី ជាសញ្ញាមួយអាចបញ្ជាក់ថាគម្រោងលប់បំបាត់ជំងឺនេះនៅឆ្នាំ២០២៥នឹងអាចបរាជ័យ។ របាយការណ៍សរុបលទ្ធផលកាងារសុខាភិបាលឆមាសទី១ លោក យង់ សុវឌ្ឍនា អភិបាលរងខេត្តស្ទឹងត្រែងបានលើកឡើងថា ជំងឺគ្រុនចាញ់នៅតែជាការព្រួយបារម្ភនៅឡើយដោយសារក្នុងឆមាសទី១ឆ្នាំ២០១៧នេះ ករណីជំងឺគ្រុនចាញ់កើតមានឡើងដល់ទៅ៦៧៦ករណី ដូច្នេះមន្ត្រីមន្ទីរសុខាភិបាលត្រូវបង្កើនការអប់រំដើម្បីចូលរួមធ្វើឲ្យវិធានការលុបបំបាត់ជំងឺគ្រុនចាញ់នៅឆ្នាំ២០២៥ឲ្យទទួលបានជោគជ័យ។
លោកអភិបាលរងបន្តថា ករណីកើនឡើងវាអាចធ្វើឲ្យប៉ះពាល់ដល់ផែនការយុទ្ធនាការរបស់ខេត្តយើងឲ្យស្របទៅតាមគម្រោងផែនការរបស់ថ្នាក់ជាតិ ដោយសារផែនការនេះយើងខំធ្វើសកម្មភាពបំបាត់ជំងឺគ្រុនចាញ់ឲ្យបានទាំងស្រុងក្នុងដើមឆ្នាំ២០១៧នេះ មានតួលេខកើនឡើងផ្ទុយទៅនឹងសកម្មភាពដែលយើងចង់បានទៅវិញ។ លោកបន្តថា ឆ្នាំ២០១៦ទិន្នន័យមានតែ៦១១ករណីប៉ុណ្ណោះ ប៉ុន្តែឆ្នាំ២០១៧កើតមាន៦៧១វាកើនឡើង ដូច្នេះមានន័យថាករណីកើនឡើងកម្មវិធីយើងនឹងបរាជ័យអ៊ីចឹងខាងកម្មវិធីគ្រុនចាញ់ ខាងមណ្ឌលសុខភាពត្រូវយកចិត្តទុកដាក់អប់រំប្រជាពលរដ្ឋធ្វើយ៉ាងណាឲ្យគាត់សម្រាកនៅក្នុងមុង និងចេះបង្ការខ្លួនពីជំងឺគ្រុនចាញ់។ លោក អ៊ុងសូវៀតប្រធានមន្ទីរសុខាភិបាលខេត្ត បានទទួលស្គាល់ថា នេះជាតួលេខមួយគួរឲ្យព្រួយបារម្ភមែន ដោយសារតែ ខេត្តស្ទឹងត្រែងជាភូមិសាស្ត្រដែលប្រជាពលរដ្ឋរស់នៅសម្បូរទៅដោយព្រៃភ្នំ ជ្រលងដងអូរ ជាពិសេសនៅស្រុកសៀមប៉ាង ស្រុកសៀមបូក និងស្រុកថាឡាបរិវ៉ាត់ជាដើម។
លោកបន្ថែមថា បញ្ហាប្រឈមមួយទៀតប្រជាពលរដ្ឋយើងភាគច្រើននៅឆ្ងាយពីភូមិរដ្ឋបាលធ្វើឲ្យយុទ្ធនាការថ្នាក់ជាតិដូចជាកម្មវិធីរបស់មន្ទីរសុខាភិបាលលំបាកចុះទៅអប់រំ និងចែកមុងជ្រលក់ថ្នាំមិនបានគ្រប់គ្នាហើយប្រជាពលរដ្ឋខ្លះទៀតមិនបានដេកដាក់មុង ម្យ៉ាងទៀតពួកគាត់ទៅបង្កើតភូមិជាឧបសម្ពន្ធ ឬក៏ទៅបង្កើតជាសហគមន៍ កន្លែងនេះបន្តិច កន្លែងនោះបន្តិច ទាំងនេះហើយដែលមន្ត្រីយើងមិនដឹងចូលតាមផ្លូវណានេះហើយជាបញ្ហាប្រឈមពេលបច្ចុប្បន្ននេះ។ លោក ជួន សំនៀង ប្រធានមណ្ឌលសុភាពឃុំស្រែសំបូរ ស្រុកសៀមប៉ាងបានបញ្ជាក់ថា ភូមិសាស្ត្រស្មុគស្មាញនេះ នៅស្រុកសៀមប៉ាងពិតជាប្រឈមមែន ហើយប្រជាពលរដ្ឋក៏កើតមានជំងឺគ្រុនចាញ់ច្រើនដោយសារពួកគាត់ចូលព្រៃកាប់ឈើ និងមួយចំនួនទៀតគាត់ធ្វើការងារនៅពេលយប់ជាដើម។ លោកបន្តថា ទោះបីយ៉ាងណាក៏ដោយមន្ត្រីសុខាភិបាលនៅតាមមណ្ឌលសុខភាពតែងតែបានចុះអប់រំជាប្រចាំ និងផ្សព្វផ្សាយដល់ពួកគាត់ពេលមានជំងឺឈឺថ្កាត់ត្រូវមកមណ្ឌលសុខភាពជាចាំបាច់ ទើបយើងវិភាគរកឃើញជំងឺគ្រុនចាញ់នេះពិតប្រាកដ។
លោក រិន រ៉ាវុឌ្ឍន៍ ប្រធានការិយាល័យបច្ចេកទេស នៃមន្ទីរសុខាភិបាលបានបញ្ជាក់ថា ខាងកម្មវិធីកំចាត់ជំងឺគ្រុនចាញ់នៅតែបន្តទៅចែកមុងជ្រលក់ថ្នាំនេះសារជាថ្មីទៀតដល់ប្រជាពលរដ្ឋឲ្យបានគ្រប់ៗគ្នា ទោះបីគាត់ទៅនៅដល់ទីណាក៏ដោយ។ លោកថា គម្រោងនេះក្រសួងសុខាភិបាលបានសហការជាមួយនឹងអង្គការ(យូរណុក)ដោយអនុវត្តនៅក្នុងខែកញ្ញាខាងមុខនេះហើយ។ សូមបញ្ជាក់ថា នៅឆមាសទី១ ឆ្នាំ២០១៧ នៅផ្នែកសេវាសុខាភិបាលបានព្យាបាលជំងឺទូទៅបាន៤.០៤១លើក ក្នុងនោះមានជំងឺគ្រុនចាញ់៦៧៦លើក ពិគ្រោះជំងឺក្រៅបាន២.៨៩៤លើក និងផ្នែកវះកាត់អនុវត្តបាន៩១៦លើក៕
ចែករំលែកព័តមាននេះ