ខេត្តក្រចេះ ៖ កុមារនៅខេត្តក្រចេះ ក៏ដូចជានៅតំបន់ភូមិភាគឥសាន្ត និងត្រូវទទួលបានការជួយសង្គ្រោះការវះកាត់ព្យាបាលត្រឹមត្រូវ តាមរយៈប្រព័ន្ធថែរក្សា ក៏ដូចជាព្យាបាល ដោយមានដំណើរការល្អ ពីគ្រូពេទ្យផ្នែកសល្យសាស្ត្រនៃមន្ទីរពេទ្យបង្អែកខេ្តតក្រចេះ ខណៈដែលកន្លងមានកុមារដែលប្រឈមនិងជង្ងឺធ្ងន់ធ្ងរ ត្រូវបានចាត់ស្វែងរកការជួយ សង្គ្រោះនៅមន្ទីពេទ្យជំនាញៗនៅរាជធានីភ្នំពេញ ។
ប្រធានមន្ទីសុខាភិបាលខេត្តក្រចេះ លោកឈ្នាង សុវត្ថា បានថ្លែងថា កន្លងមានមក កុមារភាគច្រើននៅខេត្តក្រចេះដែលប្រឈមនិងជម្ងឺទៅទូ ភាគច្រើនជម្ងឺរលាកផ្លូវដង្ហើម ជម្ងឺពោះវៀននិងជម្ងឺធ្ងន់ធ្ងរផ្សេងទៀតនោះ គឺចាំបាញ់ត្រូវបញ្ជូនទៅទទួលការវៈកាត់ ព្យាបាលនៅពេទ្យនានាក្នុងរាជធានីភ្នំពេញ។
ការដឹកបញ្ជូនកុមារទៅរកកន្លែងសង្គ្រោះបន្ទាន់ ចាំបាច់គឺប្រឈមនិងការចំណាយ ពេលយូរហើយការជួយសង្គ្រោះនៅលើរថយន្តសាម៉ុយពេលដឹកជញ្ជូន ធ្វើឲ្យកុមារទទួល បានក្តីសង្ឃឹមតិចតួចពីការសង្គ្រោះ ពិសេសការប្រើសោហ៊ុយច្រើនហើយក្រុមគ្រួសាររបស់ កុមារក្រីក្រមិនចង់បញ្ជូនទៅរកកន្លែងសង្គ្រោះបន្ត ធ្វើឲ្យកុមារមានភាពប្រឈមច្រើននិង អាយុជីវិត។
តែនៅពេលនេះកុមារនៅខេត្តក្រចេះ ក៏ដូចជានៅតំបន់ភូមិភាគឥសាន្តអាច ទទួលបានការជួយសង្គ្រោះដោយការវៈកាត់សល្យសាស្ត្រ ពីក្រុមគ្រូពេទ្យជំនាញនៅមន្ទីរ ពេទ្យខេត្តក្រចេះ បន្ទាប់ពីមានការផ្តល់ជំនួយពីមូលនិធិសម្រាប់ការអភិវឌ្ឍន៍និងជំនួយ សង្គ្រោះអន្តរ ជាតិហៅកាត់ថាFIDR ដែលបានទ្រទ្រង់ចំណេះដឹងបទពិសោធន៍ជំនាញ ដល់ក្រុមគ្រួពេទ្យផ្នែកសល្យសាស្ត្រ ក៏ដូចជាសម្ភារៈទំនើបៗដើម្បីជួយសម្រួលដល់ការវៈ កាត់ដល់កុមារ ។
ការថ្លែងដោយបានលើកឡើងបែបនេះ របស់ប្រធានមន្ទីរសុខាភិបាល គឺលោក ឈ្នាង សុវត្ថា បានធ្វើឡើងនៅក្នុងពិធីបើកជាផ្លូវការនៃដំណើរការគំរោងសល្យសាស្ត្រកុមារ ក្នុងខេត្តក្រចេះ ក្រោមមូលនិធិសម្រាប់ការអភិវឌ្ឍន៍និងជំនួយសង្គ្រោះអន្តរជាតិហៅកាត់ ថាFIDR នៅព្រឹកថ្ងៃទី៧ សីហា នៅមន្ទីរសុខាភិបាលខេត្តក្រចេះ។
ចែករំលែកព័តមាននេះ