វីរបុរសទប់ទល់ការវាយប្រហារព័ត៌មានវិទ្យាជា HACKER
អាមេរិក ៖ អ្នកជំនាញការម្នាក់ខាងព័ត៌មានវិទ្យាមានឯកទេសខាងការពារសន្តិសុខព័ត៌មានវិទ្យាជាអ្នកដើរតួគន្លឹះក្នុងការកម្ទេចវីរុសព័ត៌មានវិទ្យា
អាមេរិក ៖ អ្នកជំនាញការម្នាក់ខាងព័ត៌មានវិទ្យាមានឯកទេសខាងការពារសន្តិសុខព័ត៌មានវិទ្យាជាអ្នកដើរតួគន្លឹះក្នុងការកម្ទេចវីរុសព័ត៌មានវិទ្យា «RANCONGICIEL WANNACRY» កាលពីខែឧសភា កន្លងទៅ បានត្រូវចាប់ខ្លួននៅសហរដ្ឋអាមេរិកពីបទ «HACKING» ។ ជនឈ្មោះ MARCUS HUTCHINS ដែលតាមធម្មតារស់នៅប្រទេសអង់គ្លេសត្រូវភ្នាក់ងារ FBI ចាប់ខ្លួននៅ ឡាស់វេហ្គាស កាលពីថ្ងៃទី២ សីហា ។ នេះជាការអះអាងកាលពីថ្ងៃទី៣ សីហា របស់អ្នកនាំពាក្យក្រសួងយុត្តិធម៌អាមេរិក ។
ប្រភពដដែលនេះនិយាយថា ជននេះត្រូវរកចាប់ខ្លួននៅរដ្ឋវីស្កុនស៊ីនពីបទប្រព្រឹត្តពីខែកក្កដា ឆ្នាំ២០១៤ ដល់ខែកក្កដា ឆ្នាំ២០១៥ ការចែកចាយ LOGICIEL ទុច្ចរិតហៅ «KRONOS» ដែលអាចចាប់បណ្តាទិន្នន័យនៃកាតធនាគារ ហើយទាញយកផលប្រយោជន៍ ។ វីរុស «KRONOS» បើតាមក្រសួងយុត្តិធម៌អាមេរិកថា មានសកម្មភាពខ្លាំងក្នុងប្រទេសជាច្រើន ក្នុងនោះមានអាល្លឺម៉ង់ កាណាដា បារាំង អង់គ្លេស និងប៉ូឡូញ ។
កាលពីខែឧសភា ការវាយប្រហារដោយវីរុស WANNACRY បានធ្វើឱ្យស្ទះដំណើរការរបស់កុំព្យូទ័រជាង២០០.០០០គ្រឿង ក្នុងប្រទេស១៥០ ដោយវាយប្រហារជាពិសេសបណ្តារោងចក្រ មន្ទីរពេទ្យ ខាងផ្នែកពាណិជ្ជកម្ម និងសាលារៀនលើពិភពលោក ។ គឺជនឈ្មោះ MARCUS HUTCHINS នេះ ហើយដែលល្បីនាពេលនោះថាជាអ្នកទប់ទល់នឹងវីរុស WANNACRY នេះដែលតាមពិតរូបគេជាអ្នកប្រើវាយប្រហារទារប្រាក់លោះសោះ ព្រោះបើចង់ឱ្យកុំព្យូទ័រដើរត្រូវបង់ប្រាក់ ៕
ចែករំលែកព័តមាននេះ