ឆេះអគារខ្ពស់បំផុតនៃពិភពលោកយ៉ាងសន្ធោរសន្ធៅ
អគ្គិភ័យគួរឱ្យភ្ញាក់ផ្អើលមួយកើតមានកាលពីយប់ថ្ងៃទី៣ សីហា ក្នុងអគារខ្ពស់បំផុតមួយនៃពិភពលោកនៅក្រុងឌូបៃ ។
កាសែតអេមីរ៉ាត់ អារ៉ាប់រួម GULFEWS រាយការណ៍ថា
អេមីរ៉ាត់-អារ៉ាប់រួម ៖ អគ្គិភ័យគួរឱ្យភ្ញាក់ផ្អើលមួយកើតមានកាលពីយប់ថ្ងៃទី៣ សីហា ក្នុងអគារខ្ពស់បំផុតមួយនៃពិភពលោកនៅក្រុងឌូបៃ ។
កាសែតអេមីរ៉ាត់ អារ៉ាប់រួម GULFEWS រាយការណ៍ថា ភ្លើងបានឆាបឆេះអគារខ្ពស់ MARINA TORCH ដែលជាអគារយ៉ាងខ្ពស់មួយក្នុងចំណោមអគារខ្ពស់បំផុតទាំងឡាយនៃពិភពលោកមានកម្ពស់៣៤៨ម៉ែត្រ ស្ថិតនៅសង្កាត់ MARINA ក្រុងឌូបៃ ។
ផ្នែកសារព័ត៌មានក្រុងឌូបៃតាម TWITTER ថ្លែងថា ផ្នែកការពារស៊ីវិលបានជម្លៀសមនុស្សចេញអស់ ដោយជោគជ័យពីអគារនេះ ហើយខិតខំពន្លត់ភ្លើងដោយបញ្ជាក់ថា អគ្គិភ័យនេះពុំបណ្តាលឱ្យមានជនរងគ្រោះឡើយ ។
យោងតាមប៉ូលិសថា ភ្លើងចាប់ឆាបឆេះពីជាន់ទី៩ មុនពេលឆេះរាលដាលយ៉ាងលឿនទៅ បណ្តាជាន់ខាងលើ ។ ភ្លើងកំពុងតែឆេះខ្លាំងរាលដាលដល់៨០ជាន់ហើយ ។ សម្រាប់ពេលនេះនៅពុំទាន់មានតុល្យការណ៍ណាមួយនៅឡើយ ។
ក្រោយមកផ្នែកសារព័ត៌មានក្រុងឌូបៃប្រកាសថា ពួកអ្នកពន្លត់ភ្លើងអាចទប់ស្កាត់ភ្លើងបានហើយ ។ បណ្តាអ្នករងការប៉ះពាល់ដោយគ្រោះអគ្គិភ័យនេះនឹងត្រូវឱ្យស្នាក់នៅក្នុងអគារខ្ពស់ជាប់ជិតខាង PRINCESS TOWER ។
នេះជាអគ្គិភ័យធំលើកទី២ ហើយក្នុងអគារនេះរយៈពេលតែ២ឆ្នាំ ។ កាលពីយប់ថ្ងៃទី២០ ទៅ២១ កុម្ភៈ ឆ្នាំ២០១៥ អគ្គិភ័យយ៉ាងធំមួយកើតមាននៅកន្លែង២ នៃអគារខ្ពស់ TORCH នោះ បណ្តាលឱ្យមានការជម្លៀសមនុស្សចេញជាច្រើនរយនាក់ ។
ពេលបើកសម្ពោធកាលពីឆ្នាំ២០១១ អគារខ្ពស់ THE TORCH គឺជាអគារស្នាក់នៅដែលខ្ពស់ជាងគេបំផុតនៃពិភពលោក ។ បន្ទាប់មកអគារនេះ ធ្លាក់ដល់អគារខ្ពស់លំដាប់ទី៥វិញ ព្រោះអគារខ្ពស់ PARK AVENUE ក្រុងញូវយ៉កមានខ្ពស់ដល់៤៣២ម៉ែត្រ ។ អគារខ្ពស់លំដាប់ទី២ គឺអគារ PRINCESS TOWER (ឌូបៃ) អគារ២៣ MARINA (ឌូបៃ) និងអគារ ELITE RESIDENCE (ឌូបៃ) ៕
ចែករំលែកព័តមាននេះ