ពលរដ្ឋចំនួន៥០០គ្រួសារទទួលបានអំណោយពីអភិបាលខេត្តត្បូងឃ្មុំ
ខេត្តត្បូងឃ្មុំ ៖ ស្របពេលដែលប្រជាពលរដ្ឋដែលរងគ្រោះដោយទឹកជំនន់ពីទន្លេមេគង្គកំពុងតែខ្វះខាតអាហារសម្រាប់ទទួលទាននោះត្រូវបានអាជ្ញាធរគ្រប់លំដាប់ថ្នាក់
ខេត្តត្បូងឃ្មុំ ៖ ស្របពេលដែលប្រជាពលរដ្ឋដែលរងគ្រោះដោយទឹកជំនន់ពីទន្លេមេគង្គកំពុងតែខ្វះខាតអាហារសម្រាប់ទទួលទាននោះត្រូវបានអាជ្ញាធរគ្រប់លំដាប់ថ្នាក់
ខេត្តត្បូងឃ្មុំ ៖ ស្របពេលដែលប្រជាពលរដ្ឋដែលរងគ្រោះដោយទឹកជំនន់ពីទន្លេមេគង្គកំពុងតែខ្វះខាតអាហារសម្រាប់ទទួលទាននោះត្រូវបានអាជ្ញាធរគ្រប់លំដាប់ថ្នាក់បានគិតគូរយកអំណោយមកចែកជូនចំនួន៥០០គ្រួសារ ដែលបានធ្វើឡើងនៅព្រឹកថ្ងៃទី៣ សីហា នេះនៅទីទួលសវុត្ថិភាពឧកញ៉ាសេត នៅឃុំទន្លេបិទ ស្រុកត្បូងឃ្មុំ ។ ជាមួយនោះអាជ្ញាធរក៏បានសន្យានឹងបន្តចែកជូនដល់ពលរដ្ឋដែលមិនទាន់ទទួលបានអំណោយសម្រាប់គ្រួសារផ្សេងដែលមិនទាន់បាន ។
ស្ត្រីខ្មែរអ៊ីស្លាមឈ្មោះ យ៉ា សិបតៈ អាយុ៤៧ឆ្នាំ នៅភូមិព្រែកតូច ឃុំជីរោទ៏ទី១ ស្រុកត្បូងឃ្មុំប្រាប់ថា ផ្ទះរបស់គាត់ត្រូវបានទឹកឡើងមកលិចដល់ក្រោមផ្ទះដោយមិនហ៊ាននៅលើផ្ទះទេ គឺបាននាំកូនៗមករស់ទីទួលសុវត្ថិភពរបស់ឧកញ៉ាសេតនេះដោយធ្លាប់បានទទួលអំណោយចំនួន២លើកក្នុងនោះកាលពីលើកទី១បានដូចជា មី២៥កញ្ចប់ ទឹកស៊ីអ៊ីវ៣ដប ទឹកត្រី៣ដប ហើយមកដល់ព្រឹកថ្ងៃទី០៣ សីហា ទទួលបានអង្ករ១០គីឡូក្រាម មី១កេស និងទឹកបរិសុទ្ធ១យួរផងដែរ ។ គាត់លើកឡើងថា អាជ្ញាធរពិតជាបានគិតគូរពីបញ្ហារលំបាករបស់ប្រជាពលរដ្ឋដែលរងគ្រោះដោយទឹកជំនន់ដែលមានរហូតដល់ទៅរាប់រយគ្រួសារកំពុងតែជួបកង្វះខាតនោះ ។
លោក លី ឡេង អភិបាលនៃគណៈអភិបាលខេត្តមានប្រសាសន៏ឲ្យដឹងដែរថា ការគិតគូររបស់អាជ្ញាធរមិនមែនទើបតែនូវពេលនេះនោះទេដោយកន្លងមកក្រសួងធនធានទឹកបានជូនដំណឹងថា នៅក្នុងឆ្នាំ២០១៧នេះទឹកទន្លេមេគង្គនឹងឡើងមកលិចភូមិឋាននានានៅតាមដងទន្លេ ។ ហេតុដូច្នេះហើយទើបរូបលោកបានប្រជុំបែងចែកក្នុងនោះមាន កងកម្លាំងនគរបាលត្រូវទទួលភារកិច្ចបែងចែកទឹកស្អាតជូនពលរដ្ឋហើយមន្ត្រីសុខាភិបាល មានភារកិច្ចពិនិត្យ និងថែទាំងសុខភាព អ្នកមករស់នៅទីទួលសុវត្ថិភាព ។
លោក លី ឡេង អភិបាលខេត្តបានថ្លែងបន្តថា កន្លងទៅថ្មីៗនេះលោក ហាក់ សុខមករា អភិបាលរងខេត្តបានចុះមកចែកអំណោយម្តងជូនពលរដ្ឋចំនួន៣៥០គ្រួសារ នៅស្រុកត្បូងឃ្មុំនេះ ។ ជាមួយនោះប្រមុខរាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន បានឲ្យអាជ្ញាធរខេត្តត្រូវយកចិត្តទុកដាក់ចំពោះពលរដ្ឋរស់នៅតាមដងទន្លេមេគង្គដែលរងគ្រោះដោយទឹកជំនន់ ៕
ចែករំលែកព័តមាននេះ