កញ្ញារូបស្រស់និស្សិតទើបបញ្ចប់ការសិក្សាក្រៅប្រទេសប្រគល់ផ្ទះជូនគ្រួសារទុរគតជន
ខេត្តសៀមរាប ៖ ផ្ទះមនុស្សធម៌ទី២៧ មានទំហំ៤ម៉ែត្រគុណ៦ម៉ែត្រ សង់ពីឈើ កម្ពស់ពីដី១,៦០ម៉ែត្រ ប្រក់ស័ង្កសី ក្រាលក្តារ ជញ្ជាំងក្ដារ
ខេត្តសៀមរាប ៖ ផ្ទះមនុស្សធម៌ទី២៧ មានទំហំ៤ម៉ែត្រគុណ៦ម៉ែត្រ សង់ពីឈើ កម្ពស់ពីដី១,៦០ម៉ែត្រ ប្រក់ស័ង្កសី ក្រាលក្តារ ជញ្ជាំងក្ដារ
ខេត្តសៀមរាប ៖ ផ្ទះមនុស្សធម៌ទី២៧ មានទំហំ៤ម៉ែត្រគុណ៦ម៉ែត្រ សង់ពីឈើ កម្ពស់ពីដី១,៦០ម៉ែត្រ ប្រក់ស័ង្កសី ក្រាលក្តារ ជញ្ជាំងក្ដារ ជាអំណោយរបស់កញ្ញា ឃឹម មុនីរត្នន៍ ជានិស្សិតទើបបញ្ចប់ការសិក្សានៅក្រៅប្រទេស ផ្តល់តាមរយៈសាខាកាកបាទក្រហមខេត្តសៀមរាបត្រូវបានលោកជំទាវ គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជាខេត្ត និងលោកជំទាវ ទោម ចន្ថា នូ ផល្លា សមាជិកាកិត្តិយសកាកបាទក្រហមកម្ពុជាខេត្ត និងសហការី ធ្វើការប្រគល់ជូនបងស្រី ប៉ាន់ សារិន អាយុ៤៨ឆ្នាំ ជាស្ត្រីមេម៉ាយក្រីក្រ នៅឃុំកំពង់ថ្កូវ ស្រុកក្រឡាញ់ ខេត្តសៀមរាប នៅព្រឹកថ្ងៃទី៣ សីហា នេះព្រមទាំងនាំមយកនូវគ្រឿងឧបភោគបរិភោគដែលជាអំណោយសប្បុរសធម៌របស់សាខាកាកបាទក្រហមកម្ពុជាខេត្ត ។
បន្ទាប់ពីអនុសាខាកាកបាទក្រហមស្រុកក្រឡាញ់ធ្វើកិច្ចស្វាគមន៍ និងសេចក្តីរាយការណ៍លោក ស៊ុំ សំអន នាយកប្រតិបត្តិសាខាកាកបាទក្រហមខេត្តបានគូសបញ្ជាក់អំពីប្រវត្តិរបស់ក្រុមគ្រួសារបងស្រី ប៉ាន់ សារិន អាយុ៤៨ ឆ្នាំជាស្ត្រីមេម៉ាយ មានកូនស្រីម្នាក់ ដើរធ្វើកម្មករសំណង់ដើម្បីបានប្រាក់ផ្គត់ផ្គង់គ្រួសារ ម្តាយវាយថ្មភ្នំលក់ ដែលមានទីលំនៅ ភូមិភ្នំទ្រង់បាត្រ ឃុំកំពង់ថ្កូវ ស្រុកក្រឡាញ់ ខេត្តសៀមរាប ។ ដោយមើលឃើញភាពទុក្ខលំបាកក្នុងទីជម្រកស្នាក់នៅក្រោមការយកចិត្តទុកដាក់របស់អាជ្ញាធរឃុំ ស្រុក សាខាកាកបាទក្រហមកម្ពុជាខេត្តក៏បានសាងសង់ផ្ទះមនុស្សធម៌ជូនដល់គ្រួសារបងស្រីឲ្យបានស្នាក់នៅបានសមរម្យហើយក៏ជាផ្ទះទី២៧ របស់សាខាកាកបាទក្រហមកម្ពុជា ខេត្តសៀមរាប និងជាផ្ទះទី៣ហើយនៅក្នុងស្រុកក្រឡាញ់នេះ ។
អំណោយដែលផ្តល់ជូនទាំងនោះរួមមាន អង្ករ៥០គីឡូក្រាម, ឃីត១កញ្ចប់, មី១កេស, ត្រីខ១យួរ, ទឹកត្រី១យួរ, ទឹកបរិសុទ្ធ៥យួរ, កន្ទេល១, សម្ភារផ្ទះបាយមួយចំនួន និងថវិកា២០ម៉ឺនរៀល ក្នុងនោះលោកជំទាវក៏បានផ្តល់នូវទូរទស្សន៍មួយគ្រឿងដល់ក្រុមគ្រួសារនេះផងដែរ ។ សូមបញ្ជាក់ថា ក្នុងនោះដែរសម្ភារដែលយកមកថ្ងៃនេះមានសម្រាប់លោកតា លោកយាយ និង ប្រជាពលរដ្ឋដែលបានអញ្ជើញ ចូលរួមក្នុងពិធីនេះផង ម្នាក់ៗទទួលបានថវិកា១ម៉ឺនរៀលផងដែរ ៕
ចែករំលែកព័តមាននេះ