វិធីបង្ការរមាស់ស្បែកក្បាលដោយសារញើស
នៅពេលយើងបែកញើសច្រើនដោយសារអាកាសធាតុក្តៅ អាចធ្វើឱ្យយើងមានបញ្ហារមាស់ស្បែកក្បាល
នៅពេលយើងបែកញើសច្រើនដោយសារអាកាសធាតុក្តៅ អាចធ្វើឱ្យយើងមានបញ្ហារមាស់ស្បែកក្បាល
នៅពេលយើងបែកញើសច្រើនដោយសារអាកាសធាតុក្តៅ អាចធ្វើឱ្យយើងមានបញ្ហារមាស់ស្បែកក្បាល ប៉ុន្តែអាចបងា្ករបញ្ហារមាស់ស្បែកក្បាលបណ្តាលមកពីការបែកញើសតាមវិធីសាមញ្ញខាងក្រោម ។
១-ចៀសវាងការលាបប្រេងសក់
មនុស្សភាគច្រើនមានទម្លាប់លាបប្រេងលើសក់នៅរដូវក្តៅ រដូវរងា ឬរដូវវស្សា ។ ទោះជាយ៉ាងណាក្តី ឫសសក់របស់យើងផលិតជាតិប្រេងជាច្រើន ជាពិសេសនៅរដូវក្តៅដែលអាចនាំឱ្យមានបញ្ហារមាស់លើស្បែកក្បាល ។ លើសពីនេះវាក៏រំខានដល់ការកម្ចាត់កោសិកា ចាស់ៗ និងបង្កើនហានិភ័យនៃការកើតអង្គែ ។
២-កក់សក់ឱ្យបានទៀងទាត់
វាជាការសំខាន់ក្នុងការសំអាត ឬកម្ចាត់កោសិកាស្បែក ដែលងាប់ពីស្បែកក្បាលព្រោះវាអាចដើរតួនាទីជាថ្នាលបណ្តុះរបស់ពពួកផ្សិត ដែលនាំឱ្យមានការកើតអង្គែ និងឆ្លងមេរោគផ្សិត ។ ដូច្នេះត្រូវប្រាកដថាអ្នកកក់សក់របស់អ្នកឱ្យបាន២ទៅ៣ដងក្នុង១សប្តាហ៍ឱ្យបានទៀងពេល ។ ប្រសិនបើអ្នកបែកញើសច្រើន សូមកក់សក់របស់អ្នកជារៀងរាល់ថ្ងៃ ។
៣-កុំលាបក្រែមបន្ទន់សក់លើស្បែកក្បាល
នៅពេលដែលសក់ប៉ះពាល់ទៅនឹងកំដៅព្រះអាទិត្យ វាអាចស្ងួត និងសំពោង ដូច្នេះអ្នកគួរតែប្រើក្រែមបន្ទន់សក់ ។ ទោះជាយ៉ាងណាក្តី សូមកុំលាបក្រែមបន្ទន់សក់នៅលើស្បែកក្បាល ប៉ុន្តែគ្រាន់តែលាបនៅខាងចុងសក់ ឬសរសៃសក់បានហើយ ។ ប្រសិនបើលាបវានៅលើស្បែកក្បាល វានឹងបង្កើនហានិភ័យនៃការរមាស់ និងអង្គែលើស្បែកក្បាល ។
៤-ចៀសវាងការលាបពណ៌សក់
ពណ៌សក់មានសារធាតុគីមីជាច្រើនដែលមានហានិភ័យខ្ពស់ ក្នុងការធ្វើឱ្យអ្នកកើតបញ្ហារមាស់លើស្បែកក្បាល ប្រសិនបើអ្នកមានប្រតិកម្មជាមួយសារធាតុគីមីទាំងនេះ។ ដូច្នេះវាមានសុវត្ថិភាពជាងប្រសិនបើអ្នកអាចចៀសវាងការលាបពណ៌សក់ ។ ទោះជាយ៉ាងណាក្តី ប្រសិនបើអ្នកចង់ប្តូរពណ៌សក់ សូមរើសយកពណ៌សរីរាង្គ ឬពណ៌ដែលមិនមានសារធាតុដែលមានឈ្មោះថា PPD (Paraphenylenediamine) ៕
ចែករំលែកព័តមាននេះ