រាជធានីភ្នំពេញ ៖ ក្រសួងធនធានទឹក និងឧតុនិយម បានចេញសេចក្តីជូនដំណឹងចុះថ្ងៃទី២៨ ខែកក្កដាថា បន្ទាប់ពីបានធ្វើការអង្កេតតាមដានលើស្ថានភាពអាកាសធាតុរួចមក ក្រសួងធនធានទឹកនិងឧតុនិយម សូមជម្រាបជូនដំណឹងដល់សាធារណជនឱ្យ
រាជធានីភ្នំពេញ ៖ ក្រសួងធនធានទឹក និងឧតុនិយម បានចេញសេចក្តីជូនដំណឹងចុះថ្ងៃទី២៨ ខែកក្កដាថា បន្ទាប់ពីបានធ្វើការអង្កេតតាមដានលើស្ថានភាពអាកាសធាតុរួចមក ក្រសួងធនធានទឹកនិងឧតុនិយម សូមជម្រាបជូនដំណឹងដល់សាធារណជនឱ្យបានជ្រាបថា ព្យុះទី៨ឈ្មោះសុនកា បានថយឥទ្ធិពលមកជាសម្ពាធទាប ខណៈជ្រលងសម្ពាធទាបខ្សោយអូសបន្លាយលើព្រះរាជាណាចក្រកម្ពុជា ។
នៅថ្ងៃទី២៦ ខែកក្កដា ឆ្នាំ២០១៧ ព្យុះទី៩ឈ្មោះនេសាទ បានកើតឡើងនិងកំពុងស្ថិតនៅលើមហាសមុទ្រប៉ាស៊ីហ្វិក ភាគឦសានប្រទេសហ្វ៊ីលីពីន ។ ឥទ្ធិពលរបស់ព្យុះនេះ នឹងធ្វើឱ្យព្រះរាជាណាចក្រកម្ពុជាទទួលរងនូវកូនរដូវប្រាំង ក្នុងមួយរយៈពេលខ្លី (ចាប់ពីថ្ងៃទី២៩ ខែកក្កដា ដល់ថ្ងៃទី៩ ខែសីហា ឆ្នាំ២០១៧ ។
លក្ខណៈបែបនេះ នឹងធ្វើឱ្យអាកាសធាតុនៅព្រះរាជាណាចក្រកម្ពុជា ចាប់ពីថ្ងៃទី២៩ ខែកក្កដា ដល់ថ្ងៃទី៩ ខែសីហា ឆ្នាំ២០១៧ មានស្ថានភាពដូចខាងក្រោម ៖ ១-រាជធានី-ខេត្តមួយចំនួនដូចជា រាជធានីភ្នំពេញ ខេត្តកំពត កែប តាកែវ កំពង់ស្ពឺ និងខេត្តកណ្តាល នឹងមានភ្លៀងធ្លាក់តិចតួច ។ ២-បណ្តាខេត្តដទៃទៀតនៅតំបន់វាលទំនាប និងតំបន់ខ្ពង់រាប នឹងមានភ្លៀងធ្លាក់ពីតិចទៅមធ្យម។៣-តំបន់មាត់សមុទ្រ នឹងមានភ្លៀងធ្លាក់ពីមធ្យមទៅច្រើន ។
អាស្រ័យ ដូចបានជម្រាបជូនដំណឹងខាងលើ សូមសាធារណជនជ្រាបជាព័តត៌មាន ពិសេសបងប្អូនប្រជាកសិករនៅរាជធានីភ្នំពេញ ខេត្តកំពត កែប តាកែវ កំពង់ស្ពឺ និងខេត្តកណ្តាល សូមយកចិត្តទុកដាក់ថែរក្សាទឹកទុកឱ្យបានល្អ ៕
ចែករំលែកព័តមាននេះ