ឃាត់ខ្លួនជនសង្ស័យ២នាក់ ដែលបានឆក់កាបូបពីស្ត្រីម្នាក់
រាជធានីភ្នំពេញ ៖ ជនសង្ស័យ២នាក់ត្រូវកម្លាំងនគរបាលប៉ុស្តិ៍ឫស្សីកែវ ឃាត់ខ្លួន កាលពីវេលាម៉ោង១១ព្រឹក ថ្ងៃទី២៣ ខែកក្កដា ឆ្នាំ២០១៧ បន្ទាប់ពីធ្វើសកម្មភាពឆក់
រាជធានីភ្នំពេញ ៖ ជនសង្ស័យ២នាក់ត្រូវកម្លាំងនគរបាលប៉ុស្តិ៍ឫស្សីកែវ ឃាត់ខ្លួន កាលពីវេលាម៉ោង១១ព្រឹក ថ្ងៃទី២៣ ខែកក្កដា ឆ្នាំ២០១៧ បន្ទាប់ពីធ្វើសកម្មភាពឆក់ កាបូបស្ត្រីម្នាក់មិនបានសម្រេច នៅតាមបណ្តោយផ្លូវជាតិលេខ៥ ក្នុងភូមិសាមគ្គី សង្កាត់ឫស្សីកែវ ខណ្ឌឫស្សីកែវ។ ជនសង្ស័យដែលត្រូវឃាត់ខ្លួន ១-ឈ្មោះ ចាន់ វិសាល ភេទប្រុស អាយុ១៧ឆ្នាំ ស្នាក់នៅផ្ទះលេខ៥៥ ផ្លូវបេតុង ក្រុម១២ ភូមិបឹងសាឡាង សង្កាត់ឫស្សីកែវ និង២-ឈ្មោះ អេង សំបូរ ហៅបូរ ភេទប្រុស អាយុ២៧ឆ្នាំ ជាកម្មករ ស្នាក់នៅផ្ទះលេខ២៣ ផ្លូវលេខ២៩២ សង្កាត់បឹងកេងកង១ ខណ្ឌចម្ការមន។ ចំណែកម្ចាស់ កាបូបឈ្មោះ ម៉ម ស្រីរ័ត្ន ភេទស្រី អាយុ ២៤ឆ្នាំ ស្នាក់នៅផ្ទះលេខ១២៥ ផ្លូវបេតុង ក្រុម១៤ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ។
តាមប្រភពពីនគរបាលបានឲ្យដឹងថា នៅមុនពេលកើតហេតុ ជនរងគ្រោះបានជិះម៉ូតូ មួយគ្រឿង ម៉ាក SopcoyI ពណ៌ក្រហម គ្មានស្លាកលេខមួយគ្រឿង ធ្វើដំណើរចេញពីផ្ទះនៅក្នុងភូមិសាមគ្គី ក្នុងគោលបំណងទៅញុំាអីនៅផ្សារទំនើប អ៊ីអន។ នៅពេលធ្វើដំណើរចេញមកដល់ផ្លូវជាតិលេខ៥ ស្រាប់តែជនសង្ស័យ មានគ្នា២នាក់ជិះម៉ូតូ មួយគ្រឿង ម៉ាកនិច ពណ៌ស ពាក់ស្លាកលេខ ភ្នំពេញ 1GB-9189 មកពីក្រោយ ហើយធ្វើសកម្មភាពឆក់កាបូបបានសម្រេច រួចគេចខ្លួនបាត់។
តាមព័ត៌មានឲ្យដឹងទៀតថា ខណៈនោះត្រូវបានម្ចាស់ជិះម៉ូតូដេញតាម និងស្រែកចោរៗ ហើយត្រូវកម្លាំងនគរបាលប៉ុស្តិ៍ដេញឃាត់ខ្លួនបាននៅមុខ រោងចក្រទឹកដោះគោ ព្រមទាំងដកហូតបានកាបូបត្រលប់មកវិញ។ តាមនគរបាលបានឲ្យដឹងថា នៅក្នុងកាបូបមានប្រាក់ចំនួន ១៨៦ដុល្លារ ,លុយខ្មែរ ចំនួន ៤៥៥០០រៀល ត្រូវនគរបាលប្រគល់ឲ្យម្ចាស់វិញ។ ជនសង្ស័យទាំង២នាក់ត្រូវនគរបាលប៉ុស្តិ៍ឫស្សីកែវ បញ្ជូនទៅកាន់អធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងចាត់ការតាមច្បាប់៕
ចែករំលែកព័តមាននេះ