អគ្គិភ័យឆេះផ្ទះតៀមអស់មួយខ្នង ខណៈម្ចាស់មិននៅផ្ទះ
ខេត្តសៀមរាប ៖ ផ្ទះពលរដ្ឋឈ្មោះ ធឹម ហ៊ីម ភេទប្រុស អាយុ៣៤ឆ្នាំ មុខរបរបើកឡានដឹកភ្ញៀវ រស់នៅភូមិអញ្ចាញ សង្កាត់នគរធំ ក្រុងសៀមរាប
ខេត្តសៀមរាប ៖ ផ្ទះពលរដ្ឋឈ្មោះ ធឹម ហ៊ីម ភេទប្រុស អាយុ៣៤ឆ្នាំ មុខរបរបើកឡានដឹកភ្ញៀវ រស់នៅភូមិអញ្ចាញ សង្កាត់នគរធំ ក្រុងសៀមរាប
ខេត្តសៀមរាប ៖ ផ្ទះពលរដ្ឋឈ្មោះ ធឹម ហ៊ីម ភេទប្រុស អាយុ៣៤ឆ្នាំ មុខរបរបើកឡានដឹកភ្ញៀវ រស់នៅភូមិអញ្ចាញ សង្កាត់នគរធំ ក្រុងសៀមរាប ខណៈម្ចាស់ផ្ទះមិននៅត្រូវបានភ្លើងឆេះអស់ទាំងស្រុង កាលពីវេលាម៉ោង១រសៀល ថ្ងៃទី២៣ ខែកក្កដា ឆ្នាំ២០១៧ ស្ថិតនៅចំណុចភូមិអញ្ចាញ សង្កាត់នគរធំ ក្រុង/ខេត្តសៀមរាប។
តាមការបំភ្លឺពីសមត្ថកិច្ចកងរាជអាវុធហត្ថមូលដ្ឋានបានប្រាប់ថា មូលហេតុបង្កឡើង ដោយមានករណីអគ្គិភ័យមួយកើតឡើងបណ្តាលឱ្យឆេះផ្ទះតៀមជញ្ជាំងក្តារ ដំបូលសង្ក័សី ទំហំ៥គុណនឹង៨ម៉ែត្រ ដែលមានម្ចាស់ផ្ទះឈ្មោះ ធឹម ហ៊ីម ភេទប្រុស អាយុ៣៤ឆ្នាំ មុខរបរបើកឡានដឹកភ្ញៀវ ត្រូវបានឆេះអស់ទាំងស្រុង ខណៈម្ចាស់ផ្ទះចាក់សោរចោល ចេញទៅរកស៊ីដឹកភ្ញៀវ។ ប្រភពបានបន្តថា ករណីឆេះផ្ទះតៀមផ្ទាល់ដីនោះ ហើយមានការខូចខាតអស់ផ្ទះ១ខ្នង និងសម្ភារនៅក្នុងផ្ទះខូចខាតទាំងស្រុង មូលហេតុ ទុស្សេខ្សែភ្លើង។
សូមបញ្ជាក់ផងដែរថា ករណីឆេះនេះ ត្រូវបានរថយន្តពន្លត់អគ្គិភ័យរបស់កងរាជអាវុធហត្ថខេត្ត បានមកជួយពន្លត់ អស់ចំនួន១គ្រឿង ទើបធ្វើឱ្យរលត់ទាំងស្រុងនៅវេលាម៉ោង២រសៀល ថ្ងៃដដែល ដោយពុំមានការរាលដាលដល់ផ្ទះអ្នកជិតខាងឡើយ៕
ចែករំលែកព័តមាននេះ