នគរបាលស្រុកអង្គស្នួល ឃាត់ខ្លួនអ្នកប្រើប្រាស់គ្រឿងញៀ.ន២នាក់
ខេត្តកណ្ដាល ៖ យុវជនសង្ស័យដែលជាអ្នកប្រើប្រាស់គ្រឿងញៀ.ន២នាក់ ត្រូវបានកម្លាំងនគរបាលស្រុកអង្គស្នួលធ្វើការចាប់ខ្លួន និងដកហូតបានគ្រឿងញៀ.នចំនួនកញ្ចប់
ខេត្តកណ្ដាល ៖ យុវជនសង្ស័យដែលជាអ្នកប្រើប្រាស់គ្រឿងញៀ.ន២នាក់ ត្រូវបានកម្លាំងនគរបាលស្រុកអង្គស្នួលធ្វើការចាប់ខ្លួន និងដកហូតបានគ្រឿងញៀ.នចំនួនកញ្ចប់
ខេត្តកណ្ដាល ៖ យុវជនសង្ស័យដែលជាអ្នកប្រើប្រាស់គ្រឿងញៀន២នាក់ ត្រូវបានកម្លាំងនគរបាលស្រុកអង្គស្នួលធ្វើការចាប់ខ្លួន និងដកហូតបានគ្រឿងញៀនចំនួនកញ្ចប់ រួមជាមួយនឹងវត្ថុតាងមួយចំនួនទៀតនិងបាននាំយកទៅធ្វើការសាកសួរ កាលពីវេលាម៉ោង៣ និង៤០នាទីរសៀល ថ្ងៃទី២១ ខែកក្កដា ឆ្នាំ២០១៧ នៅក្នុងភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្តាល។ ជនសង្ស័យទាំង២នាក់នោះ ម្នាក់ឈ្មោះ ឈឹម វ៉ាន់នី អាយុ១៨ឆ្នាំ ជនជាតិខ្មែរ មុខរបរបើកបររថយន្ត នៅភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្តាល។
ជនសង្ស័យម្នាក់នោះក៏មានដីកាកោះហៅ របស់អយ្យការអមសាលាដំបូងខេត្តកណ្តាល លេខ៣១២៩.ចុះថ្ងៃទី១៨ ខែកក្កដា ឆ្នាំ២០១៧ ឲ្យជននេះចូលទៅកាន់សវនាការ នៅថ្ងៃទី២៥ ខែកក្កដាខាងមុខនេះ ពីបទជួញដូរដោយខុសច្បាប់នូវសារធាតុញៀន ដែលបានប្រព្រឹត្តទៅកាលពីថ្ងៃទី៩ ខែមករា ឆ្នាំ២០១៧ នៅក្នុងភូមិព្រៃគោ ឃុំលំហាច ស្រុកអង្គស្នួល ខេត្តកណ្តាល។ ចំណែកម្នាក់ទៀតឈ្មោះ ប៉ុង ប៉េង អាយុ២០ឆ្នាំ ជនជាតិខ្មែរ មុខរបរមិនពិត មានទីលំនៅក្នុងភូមិពងទឹក ឃុំដំណាក់អំពិល ស្រុកអង្គស្នួល ខេត្តកណ្តាល។ នគរបាលដកហូតបានវុត្ថុតាង មួយចំនួនមានម្សៅក្រាមពណ៌សថ្លា សង្ស័យជាសារធាតុញៀនចំនួន២កញ្ចប់តូច,ដែកកេះចំនួន៤, ថង់សម្រាប់វេចខ្ចប់គ្រឿងញៀនមួយចំនួនទៀតផងដែរ។
នគរបាលបានឲ្យដឹងថា នៅវេលាម៉ោងខាងលើ កម្លាំងប៉ុស្តិ៍នគរបាលរដ្ឋបាលដំណាក់អំពិល និងនគរបាល ស្រុកអង្គស្នួល បានទទួលព័ត៌មានពីមហាជនថា មានមនុស្សមួយក្រុមកំពុងប្រើប្រាស់ថ្នាំញៀន នៅក្នុងភូមិខាងលើ ខណៈនោះកម្លាំងបានចុះទៅកាន់ទីនោះ ហើយបានឃើញជនសង្ស័យទាំងពីរនាក់នោះមែន។ លុះពេលធ្វើការត្រួតពិនិត្យ រកឃើញវត្ថុតាងខាងលើក៏បានធ្វើការចាប់ខ្លួន នាំទៅធ្វើការសាកសួរ និងកសាងសំណុំរឿងដើម្បីចាត់ការតាមច្បាប់ ហើយតាមចម្លើយសារភាព របស់ជនសង្ស័យឈ្មោះ ប៉ុង ប៉េង បានសារភាពថាខ្លួនបានទិញថ្នាំញៀននោះពីម្តុំផ្សារអង្គ ស្ថិតនៅក្នុងស្រុកសំរោងទង ខេត្តកំពង់ស្ពឺ ពីជនមិនស្គាល់ឈ្មោះម្នាក់ក្នុងតម្លៃ៦ម៉ឺនរៀល ដើម្បីយកមកប្រើប្រាស់ មិនមែនដើម្បីលក់នោះឡើយ៕
ចែករំលែកព័តមាននេះ