បង្ហាញមុខសញ្ញាជនសង្ស័យ៣នាក់ ជួញដូរអាវុធឆ្លងដែនខុសច្បាប់
ខេត្តបន្ទាយមានជ័យ ៖ មុខសញ្ញាជនសង្ស័យជួញដូរអាវុធឆ្លងដែនខុសច្បាប់ចំនួន៣នាក់ ត្រូវបានកម្លាំងនគរបាលខេត្តបន្ទាយមានជ័យ រៀបចំសំណុំរឿងបញ្ជូនទៅសាលាដំបូងខេត្
ខេត្តបន្ទាយមានជ័យ ៖ មុខសញ្ញាជនសង្ស័យជួញដូរអាវុធឆ្លងដែនខុសច្បាប់ចំនួន៣នាក់ ត្រូវបានកម្លាំងនគរបាលខេត្តបន្ទាយមានជ័យ រៀបចំសំណុំរឿងបញ្ជូនទៅសាលាដំបូងខេត្
ខេត្តបន្ទាយមានជ័យ ៖ មុខសញ្ញាជនសង្ស័យជួញដូរអាវុធឆ្លងដែនខុសច្បាប់ចំនួន៣នាក់ ត្រូវបានកម្លាំងនគរបាលខេត្តបន្ទាយមានជ័យ រៀបចំសំណុំរឿងបញ្ជូនទៅសាលាដំបូងខេត្ត នាថ្ងៃទី២៣ ខែកក្កដា ឆ្នាំ២០១៧នេះ។ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ មានប្រសាសន៍ថា បន្ទាប់ពីសមត្ថកិច្ចថៃចាប់បានមុខសញ្ញាជួញដូរអាវុធជាជាតិថៃចំនួន៥នាក់ មានឈ្មោះ ១-ឈ្មោះ ផាណា ឆៃឃុង ភេទប្រុស អាយុ៣៦ឆ្នាំ,២-ឈ្មោះ ប៊ុន ថាម ឆៃឆាក់ណាក់ ភេទប្រុស អាយុ៥២ឆ្នាំ,៣-ឈ្មោះ ឃុម សាន់ កិតថាវ៉នអាជីព ភេទប្រុស អាយុ៣០ឆ្នាំ ,៤-ឈ្មោះ អ៊ុថៃ ឆៃឆាក់ណាក់ ភេទប្រុសអាយុ៤៨ឆ្នាំ ,៥-ឈ្មោះ មីឆៃ ក្តាន់ប្រាក់ស៊ុម ភេទប្រុស អាយុ៣២ឆ្នាំ និងឆែកឆេររកឃើញវត្ថុតាងអាវុធ មួយចំនួនដូចជាកាំភ្លើង DK 82mm ចំនួន២ដើម, កាំភ្លើងDK81mm ចំនួន១ដើម,គ្រាប់ 82mmចំនួន៣គ្រាប់,ឧបករណ៍បង្កៃគ្រាប់បែកចំនួន៣ឈុតរួមជាមួយរថយន្តចំនួន៣គ្រឿង និងទូរស័ព្ទចំនួន៦គ្រឿង ដែលជនសង្ស័យអះអាងថាទិញពីខ្មែរនោះ។
ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានដាក់បទបញ្ជាឲ្យលោក ដឹកនាំកម្លាំងនគរបាលជំនាញការិយាល័យផែនព្រហ្មទណ្ឌ បើកការស៊ើបអង្កេតស្រាវជ្រាវលើកករណីជួញដូរអាវុធឆ្លងដែនទៅប្រទេសថៃ ក្នុងភូមិសាស្ត្រស្រុកម៉ាឡៃ ខេត្តបន្ទាយមានជ័យ។ ក្នុងរយៈពេល២ថ្ងៃដោយសហការជាមួយកម្លាំងនគរបាលខេត្តបាត់ដំបង និងមានការដឹកនាំសម្របសម្រួលពីលោក មាស ចាន់ពិសិដ្ឋ ព្រះរាជអាជ្ញា អមសាលាដំបូងខេត្តបន្ទាយមានជ័យ បានឈានដល់ការចាប់ឃាត់ខ្លួនមុខសញ្ញាជនជាតិខ្មែរចំនួន៣នាក់ នៅថ្ងៃទី២១ ខែកក្កដា ឆ្នាំ២០១៧ ក្នុងភូមិសាស្ត្រខេត្តបាត់ដំបង មានឈ្មោះ១-ជឹម លីន ភេទប្រុស អាយុ៣៦ឆ្នាំ នៅភូមិឈើទាល ឃុំសេរីមានជ័យ ស្រុកសំពៅលូន ខេត្តបាត់ដំបង ជាអ្នកទិញ និងនាំយកទៅលក់បន្តឲ្យជនជាតិថៃ ហើយក៏ធ្លាប់រកស៊ីជួញដូរអាវុធចំនួន២លើកមកហើយ,២-ឈ្មោះ យឹម សាវី ភេទប្រុស អាយុ៣៨ឆ្នាំ នៅភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង ជាអ្នកជួយជញ្ជូនចេញឆ្លងដែន,៣-ឈ្មោះ អប់ វីវៈ ហៅឡេង ភេទប្រុស អាយុ៤៨ឆ្នាំ មុខរបរជាបុគ្គលិកស៊ីម៉ាក់ រស់នៅភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង។ លោកឧត្តមសេនីយ៍ទោ អាត់ ខែម បានបញ្ជាក់ថា ជនសង្ស័យទាំង៣នាក់ ត្រូវបានកម្លាំងជំនាញ រៀបចំសំណុំរឿងបញ្ជូនទៅសាលាដំបូងខេត្តថ្ងៃនេះហើយដែរ៕
ចែករំលែកព័តមាននេះ