ខេត្តមណ្ឌលគិរី ៖ បុរសពនេចរពីខេត្តព្រៃវែងម្នាក់ត្រូវសមត្ថកិច្ចខេត្តមណ្ឌលគិរីឃាត់ខ្លួនធ្វើកិច្ចសន្យា ដើម្បីបញ្ឈប់សកម្មភាពបោកប្រាស់ប្រជាពលរដ្ឋ ក្រោយមានសេចក្តីរាយការណ៍ថា ជនម្នាក់នេះបានដើរដឹកទឹកឃ្មុំក្លែងក្លាយលក់។
ខេត្តមណ្ឌលគិរី ៖ បុរសពនេចរពីខេត្តព្រៃវែងម្នាក់ត្រូវសមត្ថកិច្ចខេត្តមណ្ឌលគិរីឃាត់ខ្លួនធ្វើកិច្ចសន្យា ដើម្បីបញ្ឈប់សកម្មភាពបោកប្រាស់ប្រជាពលរដ្ឋ ក្រោយមានសេចក្តីរាយការណ៍ថា ជនម្នាក់នេះបានដើរដឹកទឹកឃ្មុំក្លែងក្លាយលក់។
សមត្ថកិច្ចបានឲ្យដឹងថា កាលពីវេលាម៉ោង១២ថ្ងៃត្រង់ ថ្ងៃទី២៣ កក្កដា ២០១៧ បានឃាត់ខ្លួនបុរសម្នាក់ឈ្មោះ វ៉ឺន កាវ អាយុ៣៦ឆ្នាំ នៅចំណុចផ្ទះប្រជាជនមួយកន្លែងក្នុងភូមិពូរាំង ឃុំសែនមនោរម្យ ស្រុកអូររាំង ដើម្បីសាកសួរពីសកម្មភាពលក់ទឹកឃ្មុំ ព្រោះមានអ្នកភូមិរាយការណ៍ថា បុរសម្នាក់នេះ បានបោកប្រាស់លក់របស់ក្លែងក្លាយ។
តាមការសារភាពរបស់អ្នកលក់ទឹកឃ្មុំបានឆ្លើយថា នៅថ្ងៃទី២២ កក្កដា ខ្លួនបានចេញពីផ្ទះនៅភូមិព្រៃខ្លា ឃុំព្រៃខ្លា ស្រុកស្វាយអន្ទរ ខេត្ត ព្រៃវែង នៅម៉ោង៦និង៣០នាទីព្រឹក ដោយជិះរថយន្តឈ្មួល ហើយនៅវេលាថ្ងៃដដែលបានទៅដល់ស្រុកកែវសីមា ក៏ចូលសម្រាក១យប់សិន។ បន្ទាប់ពីសម្រាកមួយយប់រួច បានជិះម៉ូតូដោយដាក់ទឹកឃ្មុំក្លែងក្លាយចំនួន២០លីត្រទៅដើរលក់តាមផ្លូវឆ្ពោះទៅក្រុងសែនមនោរម្យ ស្រាប់តែទៅដល់ភូមិ-ឃុំកើតហេតុ ខ្លួនក៏ចូលទៅសួរផ្ទះពូម្នាក់មិនស្គាល់ឈ្មោះ ដើម្បីឲ្យគាត់ជួយទិញទឹកឃ្មុំ។ មួយសន្ទុះក្រោយស្រាប់តែឃើញសមត្ថកិច្ចជិះម៉ូតូទៅសាកសួរ រួចបញ្ជូនខ្លួនទៅអធិការដ្ឋាននគរបាលស្រុកអូររាំងតែម្តង។ ដោយទឹកឃ្មុំនោះមានលាយជាមួយស្ករសចំនួន១០គីឡូក្រាម ទឹក៥បោយ(ប្រហែល១០លីត្រ) សរុបទាំងអស់ស្មើរ២០លីត្រ។
ក្រោយឃាត់ខ្លួនសាកសួរ អប់រំ នឹងធ្វើកិច្ចសន្យាបញ្ឈប់ការដើរលក់របស់ក្លែងក្លាយ បុរសខាងលើត្រូវបាននគរបាលដោះលែងឲ្យមានសេរីភាពវិញនៅរសៀលថ្ងៃដដែល៕
ចែករំលែកព័តមាននេះ