តើអ្នកធ្លាប់ឆ្ងល់ទេថាជាតិផ្អែមដែលអ្នកបរិភោគប្រចាំថ្ងៃអាចបង្កឲ្យមានបញ្ហាដល់ជីវិតផ្លូវភេទរបស់អ្នក0x017d7 ការទទួលទានជាតិស្ករក្នុងកម្រិតខ្ពស់ធ្វើឱ្យកម្រិតអ៊័រម៉ូនតេស្តូស្តេរ៉ូន និងចំណង់ផ្លូវភេទរបស់អ្នកថយចុះ ។
ខាងក្រោមនេះគឺជាបញ្ហាមួយចំនួនដែលជាតិស្ករអាចសម្លាប់ចំណង់ផ្លូវភេទ និងប៉ះពាល់ដល់ជីវិតផ្លូវភេទរបស់អ្នក ។
១-បន្ថយអ៊័រម៉ូនតេស្តូស្តេរ៉ូន
ជាតិស្ករច្រើនពេកបណ្តាលឱ្យរាងកាយមានភាពស៊ាំទៅនឹងអាំងស៊ុយលីន ហើយវានឹងបន្ថយកម្រិតអ៊័រម៉ូនតេស្តូស្តេរ៉ូនដែលជួយពង្រឹងចំណង់រួមភេទ និងធ្វើឱ្យលិង្គឡើងរឹង ។ ការសិក្សាមួយដែលចេញផ្សាយនៅក្នុងព្រឹត្តបត្រ Clinical Endocrinology បានបង្ហាញថាជាតិស្ករអាចបង្កឱ្យមានការថយចុះកម្រិតអ៊័រម៉ូនតេស្តូស្តេរ៉ូន ។
២-បង្កឲ្យមានភាពស៊ាំនឹងអ៊័រម៉ូនលិបទីន
លិបទីនគឺជាអ៊័រម៉ូនដែលធ្វើឲ្យអ្នកឃ្លាន ហើយវាក៏មានតួនាទីត្រួតពិនិត្យពីជីវិតផ្លូវភេទផងដែរ ។ ហេតុដូច្នេះប្រសិនបើអ្នកទទួលទានជាតិស្ករច្រើនពេក វាអាចនាំឱ្យមានភាពស៊ាំនឹងអ៊័រម៉ូនមួយនេះ ដែលអាចប៉ះពាល់ដល់សុខភាពផ្លូវភេទរបស់អ្នកដោយបន្ថយកម្រិតអ៊័រម៉ូនតេស្តូស្តេរ៉ូននៅក្នុងរាងកាយ ។
៣-ប៉ះពាល់ដល់ការផលិតអ៊័រម៉ូនលូតលាស់
អ៊័រម៉ូនលូតលាស់ដែលត្រូវបានបញ្ចេញដោយក្រពេញអ៊័រម៉ូនមេជួយក្នុងការរក្សានូវចំណង់ផ្លូវភេទល្អបំផុត ។ ប៉ុន្តែការទទួលទានជាតិស្ករច្រើនពេកមិនត្រឹមតែនាំឱ្យអ្នកធាត់នោះទេ វាក៏បណ្តាលឱ្យមានភាពស៊ាំនឹងអាំងស៊ុយលីន និងប៉ះពាល់ដល់មុខងារផ្លូវភេទផងដែរ ។
៤-ធ្វើឱ្យអ្នកអស់កម្លាំង
អាហារដែលមានជាតិស្ករខ្ពស់មិនត្រឹមតែធ្វើឲ្យជាតិស្ករក្នុងឈាមរបស់អ្នកប្រែប្រួលនោះទេ ប៉ុន្តែវាក៏នាំឱ្យមានភាពឃ្លាន និងអស់កម្លាំងផងដែរ ។ លើសពីនេះជាតិស្ករច្រើនពេកបណ្តាលឱ្យថយចុះកម្រិតណឺរ៉ូន orexin ដែលជាណឺរ៉ូនសរសៃប្រសាទជួយគ្រប់គ្រងអាកប្បកិរិយា និងភាពរំជើបរំជួល ដែលបណ្តាលឱ្យអ្នកអស់កម្លាំងនិងរំខានដល់ជីវិតផ្លូវភេទរបស់អ្នក ៕
ចែករំលែកព័តមាននេះ