ខេត្តបាត់ដំបង ៖ សេចក្តីរាយការណ៍ឱ្យដឹងថា មានការបង្ក្រាបបទល្មើសព្រៃឈើមួយរបស់កម្លាំងសមត្ថកិច្ចចម្រុះមកពីក្រសួងស្ថាប័ន ដោយបានធ្វើការឆ្មក់ចុះចាប់បានជាក់ស្តែងតែម្តង កាលពីវេលាម៉ោង០៩ព្រឹកថ្ងៃទី២២ កក្កដា នេះ ស្ថិតនៅក្នុងផ្ទះមន្ត្រីយោធាម្នាក់នៅជិតច្រករបៀងពាមតា ស្ថិតក្នុងឃុំតាតោក ស្រុកសំឡូត ឈមនឹងស្រុកបររ៉ៃ ខេត្តត្រាត ប្រទេសថៃ ។
ខេត្តបាត់ដំបង ៖ សេចក្តីរាយការណ៍ឱ្យដឹងថា មានការបង្ក្រាបបទល្មើសព្រៃឈើមួយរបស់កម្លាំងសមត្ថកិច្ចចម្រុះមកពីក្រសួងស្ថាប័ន ដោយបានធ្វើការឆ្មក់ចុះចាប់បានជាក់ស្តែងតែម្តង កាលពីវេលាម៉ោង០៩ព្រឹកថ្ងៃទី២២ កក្កដា នេះ ស្ថិតនៅក្នុងផ្ទះមន្ត្រីយោធាម្នាក់នៅជិតច្រករបៀងពាមតា ស្ថិតក្នុងឃុំតាតោក ស្រុកសំឡូត ឈមនឹងស្រុកបររ៉ៃ ខេត្តត្រាត ប្រទេសថៃ ។
សេចក្តីរាយការណ៍បន្តថា ការបង្ក្រាបនេះ ត្រូវបានរកឃើញប្រភេទឈើគ្រញូងនិងឈើប្រណីតធំៗជាច្រើន ដែលលាក់ទុកក្នុងផ្ទះ រួមទាំងរថយន្តកាមរីបាឡែនមួយគ្រឿងទៀតមានសុទ្ធតែឈើគ្រញូងពេញ ។ ទោះបីជាយ៉ាងណា នៅមិនបង្ហាញអត្តសញ្ញាណមន្ត្រីយោធារូបនេះទេ គ្រាន់តែដឹងថា គាត់គឺជាមុខសញ្ញាដ៏ធំម្នាក់រកស៊ីបទល្មើសព្រៃឈើ ហើយក៏មិនទាន់ដឹងថា ឈើទាំងនេះត្រូវគេនាំមកពីទៅណាដែរ ដោយកម្លាំងកំពុងសួរនាំម្ចាស់ឈើដែលជាមន្ត្រីយោធាខាងលើ ។ នៅក្នុងប្រតិបត្តិការនេះ ដំបូងមានការប្រឈមមុខតឹងតែងរវាងកម្លាំងចម្រុះជាមួយម្ចាស់ឈើនេះ រហូតម្ចាស់ឈើបានហៅកម្លាំងផ្សេងមកតទល់ជាមួយកម្លាំងដែលចុះបង្ក្រាបនេះទៀត ប៉ុន្តែចុងក្រោយក៏សម្រួលគ្នាត្រូវ ទើបកម្លាំងចម្រុះចាប់ផ្ដើមត្រួតពិនិត្យតែម្តង ។
ប្រភពមួយបង្ហើបថា មន្ត្រីយោធារូបនេះមានអំណាចណាស់ និងនៅអង្គភាពកងអនុសេនាធំទី១ ហើយមានផ្ទះនៅក្បែរបន្ទាយកន្លែងបង្ក្រាបនេះតែម្ដង ។ ចំពោះច្រករបៀងដែលកម្លាំងចម្រុះរកឃើញនេះ គឺជាច្រកសំខាន់និងសកម្មបំផុត ក្នុងការដឹកជញ្ជូនឈើចេញ-ចូលពីថៃមកខ្មែរ ។
ចែករំលែកព័តមាននេះ