រាជធានីភ្នំពេញ ៖ ក្នុងចំណោមភ្លើងស្តុបចំនួន១០០គ្រឿងដែលជាជំនួយរបស់ជប៉ុននោះ រហូតមកដល់ពេលនេះបានដាក់ឲ្យដំណើរការចំនួន៤៦ទីតាំងហើយនៅសល់៥៤ទីតាំងទៀត ក្រុមការងារបាននិងកំពុងជំរុញដាក់ឱ្យដំណើរការជាបន្តបន្ទាប់ និងកំពុង
រាជធានីភ្នំពេញ ៖ ក្នុងចំណោមភ្លើងស្តុបចំនួន១០០គ្រឿង ដែលជាជំនួយរបស់ជប៉ុននោះ រហូតមកដល់ពេលនេះបានដាក់ឲ្យដំណើរការចំនួន៤៦ទីតាំងហើយ នៅសល់៥៤ទីតាំងទៀត ក្រុមការងារបាននិងកំពុងជំរុញដាក់ឱ្យដំណើរការជាបន្តបន្ទាប់ និងកំពុងខិតខំឲ្យបានដំណើរការជាបន្តបន្ទាប់ និងកំពុងខិតខំឲ្យបានដំណើរការ១៨០ស្តុបនៅទូទាំងរាជធានីភ្នំពេញ នាចុងឆ្នាំ២០១៧នេះ ។
លោកសាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញបានឲ្យដឹងថា ភ្លើងស្តុបដែលកំពុងប្រើប្រាស់រាល់ថ្ងៃនេះ មានចំនួន៩០ទីតាំង ក្នុងខណ្ឌ៤កណ្តាលក្រុង មាន៦៤ទីតាំង នៅពេលដំឡើងស្តុបរបស់ជប៉ុនរួច មានការបន្ថែម៤៣ទីតាំងទៀត គឺសរុបទាំងអស់១៨០ទីតាំង ដែលក្រុមការងារកំពុងខិតខំឲ្យបានរួចរាល់នៅចុងឆ្នាំ២០១៧នេះ ។
ក្នុងចំណោមស្តុប១០០ទីតាំងរបស់ជប៉ុននោះ បានដាក់ឲ្យដំណើរការចំនួន៤៦កន្លែង នៅសល់៥៤កន្លែងទៀតក្រុមការងារបាននិងកំពុងជំរុញឲ្យដាក់ដំណើរការជាបន្តបន្ទាប់ទៀត ។ លោកបន្តថា ប្រព័ន្ធភ្លើងស្តុបអាចដាក់ឲ្យដំណើរការបាន លុះត្រាណាតែមានការរៀបចំឲ្យបានស្រួលបួលជាមុនសិន ជាពិសេសប្រព័ន្ធគំនូសចរាចរណ៍និងការដំឡើងឬតភ្ជាប់ប្រព័ន្ធខ្សែភ្លើងពីទីតាំងភ្លើងស្តុបទៅទូរបញ្ជារួម ព្រមទាំងមានការភ្ជាប់ប្រព័ន្ធកាមេរ៉ាសុវត្ថិភាពទៀតផង ។
លោកសាំ ពិសិដ្ឋ បានឲ្យដឹងទៀតថា ដោយស្ថានភាពចរាចរណ៍កាន់តែកើនឡើងទាំងកណ្តាល និងនៅតំបន់ជាយក្រុង និងការរៀបចំសណ្តាប់ធ្នាប់លំហូរចរាចរណ៍ឲ្យបានល្អប្រសើរឡើងនោះ រដ្ឋបាលរាជធានីភ្នំពេញ បាននិងកំពុងខិតខំស្ថាបនា និងជួសជុលផ្លូវ ដំឡើងភ្លើងស្តុបថ្មី គូសគំនូសចរាចរណ៍ ដាក់ស្លាកសញ្ញាចរាចរណ៍ និងដាក់របាំងចែកទ្រូងផ្លូវជាដើម ក្នុងគោលបំណងជួយសម្រួលឲ្យការធ្វើចរាចរណ៍របស់ប្រជាពលរដ្ឋកាន់តែប្រសើរឡើង ។ ប៉ុន្តែទន្ទឹមនឹងការខិតខំរបស់អាជ្ញាធរនោះ សូមឲ្យប្រជាពល រដ្ឋមានការចូលរួម ជាពិសេសការគោរពច្បាប់ចរាចរណ៍ឲ្យបានគ្រប់ៗគ្នា ៕
ចែករំលែកព័តមាននេះ