រាជធានីភ្នំពេញ ៖ បុរសម្នាក់ជិះរថយន្តម៉ាក ហាយឡេនឌឺ ពណ៌ស បើកថយក្រោយមិនបានប្រយ័ត្ន ក៏ជ្រុលទៅប៉ះរថយន្តស៊េរីទំនើបម៉ាក រ៉េនរ៉ូវើល ពណ៌ខ្មៅ ចំពេញទំហឹង បណ្តាលរងការខូចខាតទាំងសងខាងយ៉ាងដំណំ ។
រាជធានីភ្នំពេញ ៖ បុរសម្នាក់ជិះរថយន្តម៉ាក ហាយឡេនឌឺ ពណ៌ស បើកថយក្រោយមិនបានប្រយ័ត្ន ក៏ជ្រុលទៅប៉ះរថយន្តស៊េរីទំនើបម៉ាក រ៉េនរ៉ូវើល ពណ៌ខ្មៅ ចំពេញទំហឹង បណ្តាលរងការខូចខាតទាំងសងខាងយ៉ាងដំណំ ។ ហេតុការណ៍នេះ បានកើតឡើងកាលពីវេលាម៉ោង១២និង២០នាទីរំលងអធ្រាត្រ ឈានចូលថ្ងៃទី២២ ខែកក្កដា ឆ្នាំ២០១៧ តាមបណ្តោយផ្លូវព្រះមុនីវង្សកែងផ្លូវ២៣២ ស្ថិតនៅក្នុងសង្កាត់បឹងព្រលឹត ខណ្ឌ៧មករា ។
តាមប្រភពព័ត៌មានពីសាក្សីដែលឃើញហេតុការណ៍ បានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្តបង្កម៉ាក ហាយឡេនឌើ ពណ៌ស ពាក់ស្លាកភ្នំពេញ ២Q-៧៨៦៥ ចតនៅលើចញ្ចើមផ្លូវព្រះមុនីវង្សកែងផ្លូវ២៣២ ខណៈពេលដែលកើតហេតុ គាត់បានបើកថយក្រោយបម្រុងនឹងបើកចេញ ប៉ុន្តែអត់បានប្រយ័ត្នមើលក្រោយនោះទេ ក៏ជ្រុលទៅបុកផ្នែកខាងស្តាំរថយន្តមួយគ្រឿងស៊េរីទំនើបម៉ាក រ៉េនរ៉ូវើល ពណ៌ខ្មៅ ពាក់ស្លាកលេខ ភ្នំពេញ ២AH-៨២៦១ ដែលគេស្គាល់ថា ជាមេបញ្ជាការរងខណ្ឌចំការមន បើកបរតាមបណ្តោយផ្លូវព្រះមុនីវង្ស ក្នុងទិសដៅពីជើងទៅត្បូង ចំពេញទំហឹង បណ្តាលឲ្យរងការខូចខាតខ្ទេចរថយន្ត 0រ៉េនរ៉ូវើល បែកស្តុបខាងស្តាំ និងកាងមុខ ។ ឬឯរថយន្ត ហាយឡេនឌើ វិញហើបកាងមុខ និងខាងក្រោយបែកស្តុបខាងស្តាំយ៉ាងដំណំ ។
ក្រោយពេលកើតហេតុ រថយន្តបង្កម៉ាក ហាយឡេនឌើ គាត់មិនចង់មានរឿងរ៉ាវច្រើន ក៏សុខចិត្តយករថយន្តរងគ្រោះយកទៅជួសជុល ។
ចែករំលែកព័តមាននេះ