កាលពីថ្ងៃព្រហស្បតិ៍កន្លងមកនេះ តារាចម្រៀងវ័យក្មេង Justin Bieber ត្រូវបានប៉ូលីសចរាចរព្រមាន ព្រោះតែមិនបានពាក់ខ្សែក្រវាត់ ពេលដែលបើកបររថយន្តខ្លួនក្នុង Beverly Hills ។
ប៉ូលីសម្នាក់នោះបានជិះម៉ូតូដេញតាមរថយន្តរបស់តារាចម្រៀងខាងលើ រួចផ្តល់ការព្រមានផ្ទាល់មាត់ ប៉ុន្តែ Justin មិនបានស្រែកគំហកដាក់ប៉ូលីសម្នាក់នោះ ដូចពីមុនៗមកទេ និងបង្ហាញថាគេពិតជាបានធំដឹងក្តីច្រើនពិតមែន ។
យ៉ាងណាក្តី ហេតុការណ៍នេះ កើតមានឡើងរយៈពេល៤ថ្ងៃបន្ទាប់ពី Justin ត្រូវបានពិន័យ ព្រោះតែចុចទូរស័ព្ទបណ្តើរបើករថយន្តបណ្តើរក្នុង Beverly Hills ដោយមានការផាកពិន័យប្រមាណយ៉ាងតិច ក៏ ១៦២ដុល្លារដែរ ។
ប៉ុន្តែប្រភពពត៌មានបានបញ្ជាក់ថា តារាចម្រៀងរូបនេះ មិនបានបង្កជាបញ្ហា និងទទួលយកការពិន័យដោយស្ងៀមស្ងាត់ ខុសពីប៉ុន្មានឆ្នាំមុនដែល Justin បានបំផ្លាញកិត្តិយសរបស់ខ្លួន ដោយវាយប្រហារលើអ្នកថតរូប និងគប់ពងមាន់ទៅកាន់ផ្ទះអ្នកដទៃជាដើម ។
ចែករំលែកព័តមាននេះ