ជិះម៉ូតូរត់គេច សមត្ថកិច្ចស្រែកថាចោរដេញចាប់វាយឡើងទ្រមខ្លួន
រាជធានីភ្នំពេញ ៖ បុរសពីរនាក់បែកមុខបែកមាត់ហូរឈាមស្រោចពេញខ្លួន រងរបួសយ៉ាងធ្ងន់ធ្ងរ ខណៈដែលជិះម៉ូតូមួយគ្រឿងគ្មានស្លាកលេខ
រាជធានីភ្នំពេញ ៖ បុរសពីរនាក់បែកមុខបែកមាត់ហូរឈាមស្រោចពេញខ្លួន រងរបួសយ៉ាងធ្ងន់ធ្ងរ ខណៈដែលជិះម៉ូតូមួយគ្រឿងគ្មានស្លាកលេខ
រាជធានីភ្នំពេញ ៖ បុរសពីរនាក់បែកមុខបែកមាត់ហូរឈាមស្រោចពេញខ្លួន រងរបួសយ៉ាងធ្ងន់ធ្ងរ ខណៈដែលជិះម៉ូតូមួយគ្រឿងគ្មានស្លាកលេខ គ្មានកញ្ចក់ និងមួកសុវត្ថិភាពត្រឹមត្រូវ បានឌុបគ្នាជួបនឹងកម្លាំងសន្តិសុខនៅលើវាលខ្សាច់បឹងកក់ ស្មានតែកម្លាំងមានសម្ថកិច្ចនាំគ្នាជិះម៉ូតូរត់គេចជិះដេញតាមស្រែកថា ចោរៗ…! ធ្វើឲ្យមានការភ្ញាក់ផ្អើលកើតឡើងប្រជាពលរដ្ឋចាប់បានវាយម្នាក់មួយដៃ មួយជើងឡើងទ្រមខ្លួន។ ហេតុការណ៍នេះបានកើតឡើឡើងកាលពីវេលាម៉ោង៤ និង១៥នាទីល្ងាច ថ្ងៃទី២១ ខែកក្កដា ឆ្នាំ ២០១៧ នៅតាមបណ្តោយផ្លូវលេខR6 (ផ្លូវក្នុងវាលខ្សាច់បឹងកក់) ក្នុងសង្កាត់ស្រះចក ខណ្ឌដូនពេញ។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសជាជនសង្ស័យដែលបានឃាត់ខ្លួនទាំង២នាក់មានទី១-ឈ្មោះ អន វង អាយុ២១ឆ្នាំ មុខរបរដាំបន្លែ និងទី២-ឈ្មោះ សយ សារាជ្យ អាយុ១៩ឆ្នាំ មុខរបរជាងដែក ទាំងពីរនាក់មានទីលំនៅក្នុងសង្កាត់ព្រែកលៀប ខណ្ឌឫស្សីកែវ។ មុនពេលកើតហេតុ បុរសទាំងពីរនាក់បានជិះម៉ូតូម៉ាក HAYATE ពណ៌ស គ្មានស្លាកលេខមួយគ្រឿង ឌុបគ្នាលុះមកដល់ចំណុចខាងលើ ក៏បានជួបនឹងក្រុមសន្តិសុខរបស់ម្ចាស់ក្រុមហ៊ុនគ្រប់គ្រងនៅលើវាលខ្សាច់បឹងកក់។
តាមប្រភពដដែលបានប្រាប់បន្តទៀតថា ពេលនោះដោយម៉ូតូរបស់គេគ្មានស្លាកលេខ កញ្ចក់ និងពាក់មួកសុវត្ថិភាពត្រឹមត្រូវ នឹកស្មានតែកម្លាំងមានសម្ថកិច្ចនោះក៏នាំគ្នាព្យាយាមជិះម៉ូតូរត់គេច ហើយក្រុមសន្តិសុខទាំងនោះបាននាំគ្នាជិះម៉ូតូដេញតាម ដោយស្រែកថា ចោរៗ…! ធ្វើឲ្យមានការភ្ញាក់ផ្អើលកើតឡើងទៅដល់អ្នកដំណើរតាមផ្លូវនាំគ្នាដេញចាប់បានវាយម្នាក់មួយដៃមួយជើង បណ្តាលឲ្យបែកមុខបែកមាត់ហូរឈាមស្រោចពេញខ្លួនទើបប្រេគល់ឲ្យកម្លាំងមានសម្ថកិច្ចមូលដ្ឋាន។
ក្រោយពេលកើតហេតុ ដោយមិនមានជនរងគ្រោះណាម្នាក់ចេញមុខមកធ្វើការអះអាងថាពួកគេទាំងពីរនាក់បានធ្វើសកម្មភាពឆក់ ឬក៏លួចទ្រព្យសម្បត្តិពីអ្នកណាម្នាក់ឡើយ ហើយក៏បាននាំខ្លួនមកធ្វើការសាកសួរនៅនគរបាលប៉ុស្តិ៍ស្រះចក ដើម្បីធ្វើការណែនាំ និងតម្រូវឲ្យទៅយកឯកសារពាក់ព័ន្ធម៉ូតូមួយចំនួន និងធ្វើការដោះលែងឲ្យមានសេរីភាពវិញផងដែរ៕
ចែករំលែកព័តមាននេះ