មនុស្សដេកពេញផ្ទះ ចោរចូលលួចម៉ូតូ២គ្រឿងទៅបាត់ដោយសុវត្ថិភាព
ខេត្តកំពង់ស្ពឺ ៖ ម៉ូតូ២គ្រឿងដែលម្ចាស់ទុកនៅក្នុងផ្ទះត្រូវចោរលួចយកទៅបាត់ដោយសុវត្ថិភាពមិនរំខានម្ចាស់ផ្ទះដែលដេកត្រៀបត្រានោះឡើយ។
ខេត្តកំពង់ស្ពឺ ៖ ម៉ូតូ២គ្រឿងដែលម្ចាស់ទុកនៅក្នុងផ្ទះត្រូវចោរលួចយកទៅបាត់ដោយសុវត្ថិភាពមិនរំខានម្ចាស់ផ្ទះដែលដេកត្រៀបត្រានោះឡើយ។
ខេត្តកំពង់ស្ពឺ ៖ ម៉ូតូ២គ្រឿងដែលម្ចាស់ទុកនៅក្នុងផ្ទះត្រូវចោរលួចយកទៅបាត់ដោយសុវត្ថិភាពមិនរំខានម្ចាស់ផ្ទះដែលដេកត្រៀបត្រានោះឡើយ។ ក្រោយចោរលួចយកម៉ូតូទៅបាត់អស់ទើបមានកាភ្ញាក់ផ្អើល និងរាយការណ៍មកសមត្ថកិច្ចសុំអន្តរាគមន៍តាមចាប់ក្រុមចោរ តែហាក់បីដូចជាយឺតពេលទៅហើយ។ លោកអនុសេនីយ៍ឯក ឡេង ថៃ នាយប៉ុស្តិ៍ពេជ្រមុនី បានប្រាប់ថា ករណីនេះកើតឡើងកាលពីវេលាទាបភ្លឺថ្ងៃទី២១ កក្កដា ២០១៧ នៅចំណុចផ្ទះឈ្មោះ គាំ គឿន ភេទប្រុស អាយុ៥៦ឆ្នាំ នៅភូមិផ្ចឹកជ្រំ ឃុំពេជ្រមុនី ស្រុកគងពិសី ខេត្តកំពង់ស្ពឺ។
ម៉ូតូដែលក្រុមចោរលួចយកទៅ២គ្រឿង រួមមាន ម៉ាកឌ្រីមសេ១២៥ ស៊េរី២០១៥ ពណ៌ខ្មៅ ពាក់ស្លាកលេខ ភ្នំពេញ 1DG-៤៣៣៩ និងមួយគ្រឿងទៀត ម៉ាកឌ្រីមសេ១២៥ ស៊េរី ២០១៦ ពណ៌ខ្មៅ ពាក់ស្លាកលេខ ភ្នំពេញ 1AZ-៣៣៥៣។ តាមការរៀបរាប់របស់ម្ចាស់ផ្ទះបានឲ្យដឹងថាមុនពេលបាត់គឺរូបគាត់បានអូសម៉ូតូយកទៅទុកនៅក្នុងផ្ទះតៀមទាំង២គ្រឿង ហើយក៏បាននាំគ្នាដេកលង់លក់នៅក្បែរនោះយ៉ាងស្កប់ស្កល់ដោយមិនមាននរណាម្នាក់ដឹងថាចោរចូលធ្វើសកម្មភាពលួចតាំងពីពេលណានោះទេ។ លោក ឡេង ថៃ នាយប៉ុស្តិ៍រដ្ឋបាលពេជ្រមុនី បានបញ្ជាក់ថា ផ្អែកតាមការស្រាវជ្រាវនៅកន្លែងកើតហេតុគឺក្រុមចោរធ្វើសកម្មភាពចន្លោះម៉ោង១ដល់៤ ទាបភ្លឺ។
ក្រុមចោរបានគាស់ចម្រឹងបង្អួច ហើយចូលលួចយកម៉ូតូដែលម្ចាស់បានចតទុកដោយសុវត្ថិភាពអស់២គ្រឿង។ លោកនាយប៉ុស្តិ៍ក៏បានបញ្ជាក់ប្រាប់ទៀតថា នៅផ្ទះកើតហេតុគឺមានអ្នកឆ្លងទន្លេ ហើយក៏មានបងប្អូនមកដេកពេញក្រោមផ្ទះផងដែរ។ លោកវរសេនីយ៍ត្រី ទុយ ថេន អធិការរងនគរបាលស្រុកបានប្រាប់ផងដែរថា ករណីនេះគឺសមត្ថកិច្ចរបស់លោកកំពុងស្តាប់ការបំភ្លឺពីម្ចាស់ផ្ទះដើម្បីស្វែងរកមុខសញ្ញាក្រុមចោរដែលធ្វើសកម្មភាពទាំងនេះយកមកផ្តន្ទាទោសតាមច្បាប់៕
ចែករំលែកព័តមាននេះ