មនុស្សក្រៅភព ៖ យានធំមួយសង្ស័យជារបស់មនុស្សក្រៅភពត្រូវចាប់ឃើញក្នុងវីដេអូមួយថតពីស្ថានីយអវកាសអន្តរជាតិ ISS ។ លើកនេះនាំឱ្យពួកអ្នកសិក្សាពីថាសហោះយល់ឃើញជាឯកច្ឆ័ន្ទថា ពិតជាមានពួកមនុស្សក្រៅភពធ្វើដំណើរតាមយានអវកាសធំមួយ ។
នាថ្ងៃទី១៧ កក្កដា ពួកអ្នកសិក្សាពីថាសហោះបានចេញផ្សាយតាម YOUTUBE នូវវីដេអូមួយថតបាននៅស្ថានីយ ISS ។ ក្នុងវីដេអូឃ្លីបគេឃើញរបស់ធំមួយហោះហើរមានទាំងភ្លើងផងនៅប្លង់ខាងក្រោយនៃស្ថានីយ ISS ។ ពីដំបូងវាហាក់ដូចជាខ្សែពន្លឺពណ៌ទឹកក្រូចមួយ បន្ទាប់មករបស់នេះដែលគេមិនស្គាល់អត្តសញ្ញាណចាប់ផ្តើមលេចរូបរាង ។ ពេលវីដេអូនេះឈានដល់ចប់ ពន្លឺទាំងនោះហាក់ធ្លាក់ចូលក្នុងបរិយាកាសបាត់ ។ រូបភាពវីដេអូនេះមានរយៈពេលជាង៩នាទី ។
ពួកអ្នកសិក្សាពីថាសហោះនិយាយថា បណ្តាថាសហោះដែលមនុស្សធ្លាប់ឃើញនៅភពផែនដីតាមពិតទៅជាយានស៊ើបការណ៍តូចៗ ដែលចេញមកពីយានធំៗ ដូចយានដែលគេឃើញក្នុងវីដេអូថ្មីនេះ ៕
ចែករំលែកព័តមាននេះ