តើទឹកនោមមានពណ៌ដិតជារោគសញ្ញាអ្វី ?
ពេលទឹកនោមមានពណ៌ដិតខ្លាំង វាហាក់ដូចជាមានលក្ខណៈមិនប្រក្រតី ហើយនោះគឺនៅពេលដែលអ្នកអាចមានអារម្មណ៍ភិតភ័យ ។ ពេលខ្លះវាអាចកើតឡើងដោយសារតែហេតុផលសាមញ្ញដូចជាការខ្វះជាតិទឹក ប៉ុន្តែ
ពេលទឹកនោមមានពណ៌ដិតខ្លាំង វាហាក់ដូចជាមានលក្ខណៈមិនប្រក្រតី ហើយនោះគឺនៅពេលដែលអ្នកអាចមានអារម្មណ៍ភិតភ័យ ។ ពេលខ្លះវាអាចកើតឡើងដោយសារតែហេតុផលសាមញ្ញដូចជាការខ្វះជាតិទឹក ប៉ុន្តែ បញ្ហាសុខភាព ចម្បងៗដូចជាការរលាកតាមផ្លូវបង្ហូរនោម ជំងឺមហារីក ក្រួសក្នុងតម្រងនោម ក្រួសក្នុងប្រមាត់ និងការខូចថ្លើមក៏អាចធ្វើឲ្យទឹកនោមមានពណ៌ដិតផងដែរ ។ ដូច្នេះវាសំខាន់ក្នុងការដឹងអំពីមូលហេតុដែលបណ្តាលឲ្យមានបញ្ហានេះ ។
មូលហេតុទី១ ការខ្សោះជាតិទឹកអាចជាមូលហេតុមួយដែលនៅពីក្រោយការប្រែពណ៌ទឹកនោម ។ រោគសញ្ញាផ្សេងទៀតដូចជាការស្ងួតមាត់ អស់កម្លាំង មានអារម្មណ៍ថាឈឺក្បាលសុទ្ធតែជាមូលហេតុនៃការខ្វះជាតិទឹក ។ ប្រសិនបើដោយសារបញ្ហានេះ ការពិសាទឹក រឺទឹកផ្លែឈើអាចជួយអ្នកបាន ។ ភេសជ្ជៈដែលអាចជួយបំពេញបន្ថែមជាតិអេឡិចត្រូលីតក៏អាចជួយបានដែរ ។
មូលហេតុទី២ សូម្បីតែថ្នាំផ្សះ និងថ្នាំបន្ទន់លាមកក៏អាចប៉ះពាល់ដល់ពណ៌នៃទឹកនោមរបស់អ្នកបានដែរ ។ ប្រសិនបើអ្នកប្រើប្រាស់ថ្នាំគ្រាប់វីតាមីន B ទឹកនោមរបស់អ្នកនឹងមានពណ៌ភ្លឺនៅកន្លែងម្លប់។
មូលហេតុទី៣ ទឹកនោមដែលមានពណ៌ដិតក៏អាចកើតឡើងដោយសារតែបញ្ហាថ្លើម ។ ជំងឺរលាកថ្លើម ក្រិនថ្លើម និងបញ្ហាមួយចំនួនផ្សេងទៀតក៏អាចមានឥទ្ធិពលដល់ពណ៌នៃទឹកនោមនេះបានដែរ ។ សូមទៅពិគ្រោះជាមួយគ្រូពេទ្យ ភ្លាមៗដើម្បីធ្វើរោគវិនិច្ឆ័យរកមើលមូលហេតុឲ្យបានច្បាស់លាស់ ។
មូលហេតុទី៤ ក្រួសក្នុងថង់ទឹកប្រមាត់ក៏អាចជាមូលហេតុមួយផងដែរ ។ ប្រសិនបើមានការឈឺចាប់ធ្ងន់នៅក្នុងពោះអមជាមួយនឹងការប្រែប្រួលទឹកនោមនេះ វាអាចបង្កឡើងដោយក្រួសក្នុងថង់ទឹកប្រមាត់ ។
មូលហេតុទី៥ បញ្ហាជម្ងឺមួយចំនួនអាចបណ្តាលឲ្យមានឈាមនៅក្នុងទឹកនោម ។ ក្នុងករណីដូចនោះ ទឹកនោមរបស់អ្នកនឹងមានពណ៌ដិតដោយសារតែវត្តមានរបស់ឈាម ។ ការឆ្លងមេរោគប្លោកនោម ការរលាកផ្លូវនោម ក្រពេញប្រូស្តាតរីកធំ និងក្រួសក្នុងតម្រងនោមសុទ្ធតែអាចធ្វើឲ្យមានការដូរពណ៌នៃទឹកនោម ៕
ចែករំលែកព័តមាននេះ