ពលរដ្ឋខ្វះគំនិតនៅតែបន្តដឹកសំរាមទៅចាក់ចោលជាប់ផ្លូវជាតិលេខ៧
ខេត្តត្បូងឃ្មុំ ៖ នៅជាប់នឹងផ្លូវជាតិលេខ៧ ក្នុងឃុំស្រឡប់ ស្រុកត្បូងឃ្មុំ មានគំនរសំរាមចំនួន២កន្លែងដោយចេះតែកើនឡើងច្រើនទៅៗ
ខេត្តត្បូងឃ្មុំ ៖ នៅជាប់នឹងផ្លូវជាតិលេខ៧ ក្នុងឃុំស្រឡប់ ស្រុកត្បូងឃ្មុំ មានគំនរសំរាមចំនួន២កន្លែងដោយចេះតែកើនឡើងច្រើនទៅៗ
ខេត្តត្បូងឃ្មុំ ៖ នៅជាប់នឹងផ្លូវជាតិលេខ៧ ក្នុងឃុំស្រឡប់ ស្រុកត្បូងឃ្មុំ មានគំនរសំរាមចំនួន២កន្លែងដោយចេះតែកើនឡើងច្រើនទៅៗ ហើយរដូវវស្សានេះថែមតែមានក្លិនស្អុយអសោចថែមទៀតផង។ ទោះបីជាមន្ទីរបរិស្ថានខេត្តបានយកស្លាកសញ្ញាមកដាក់ហាមមិនឲ្យចាក់សំរាមយ៉ាងណាក្តី តែពលរដ្ឋដែលខ្វះគំនិតមួយចំនួននូវតែបន្តដឹកតាមម៉ូតូមកចាក់ដដែល ចង់ផាកប៉ុន្មានក៏ផាកទៅមិនខ្លាចទេ។ ប្រជាពលរដ្ឋម្នាក់សូមមិនបញ្ចេញឈ្មោះ ប្រាប់កោះសន្តិភាព ឲ្យដឹងនៅព្រឹកថ្ងៃទី២០ កក្កដា ២០១៧ថាអ្វីដែលគាត់បានសង្កេតនោះឃើញថា ទីតាំងចាក់សំរាមជាប់នឹងផ្លូវជាតិចំនួន២កន្លែង ត្រូវបានប្រជាពលរដ្ឋរស់នៅមិនឆ្ងាយប៉ុន្មានទីកន្លែងនោះទេ ឲ្យនៅពេលព្រលប់ៗបានដឹកសំរាមតាមម៉ូតូទាំងថង់ៗលុះពេលដែលមកដល់ត្រង់ម្តុំបណ្តុះកូនស្វាយចន្ទីលក់ ក៏ទម្លាក់ចោលហើយបានជិះម៉ូតូត្រលប់មកទិសខាងលិចវិញយ៉ាងរំភើយតែម្តង។
ប្រជាពលរដ្ឋដដែលមិនបានបញ្ចេញឈ្មោះ ប្រាប់បន្តថា នៅពេលដែលគាត់មកធ្វើការត្រង់ម្តុំនោះស្របពេលដែលមានខ្យល់បក់មកម្តងៗ ក្លិនសំរាមស្អុយបានជិះមកលើគាត់ពិបាកនឹងដកដង្ហើមផងដែរ។ ម្យ៉ាងទៀតពេលដែលមានភ្ញៀវជាតិ និងអន្តរជាតិ ធ្វើដំណើរកាត់តាមផ្លូវជាតិនេះនឹងបានឃើញគំនរសំរាមទាំង២កន្លែងដែលមានក្លិនស្អុយអសោច។ ដូច្នេះក្នុងនាមគាត់ជាប្រជាពលរដ្ឋមួយរូបសូមសំណូមពរដល់អាជ្ញាធរពាក់ព័ន្ធគ្រប់ស្ថាប័ន មេត្តាមានវិធានការជាមួយនឹងពលរដ្ឋមួយក្រុមតូចដែលខ្វះគំនិតយកសំរាមមកចាក់ចោលបែបនេះ សូមកុំឲ្យមានគំនរសំរាមបន្តទៀត ដើម្បីធ្វើយ៉ាងណាកុំឲ្យប៉ះពាល់សុខភាពទាំងរូបគាត់ ក៏ដូចជាអ្នកដ៏ទៃផ្សេងទៀត។
លោក ហួរ ពិសិដ្ឋ ប្រធានមន្ទីរបរិស្ថានខេត្តបានប្រាប់ឲ្យដឹងដែរថា កន្លងមកនេះរូបលោកបានចុះទៅផ្សព្វផ្សាយដល់ប្រជាពលរដ្ឋអាជីវករ នគរបាលប៉ុស្តិ៍រដ្ឋបាលឃុំស្រឡប់ និងលោកមេឃុំ ឲ្យបានយល់ដឹង និងត្រូវចេះអនាម័យដែរ។ ស្លាកសញ្ញាប្រការ៤បានចែងថា ការបោះចោល ឬចាក់ចោលសំរាម សំណល់រឹងរាយប៉ាយមតាមផ្លូវ ទីសាធារណៈ ទីប្រជុំជន ទីផ្សារកន្លែងកម្សាន្ត មណ្ឌលទេសចរណ៍ រមណីយដ្ឋាន បូជនីយដ្ឋាន ទីវាលស្រែចម្ការ ប្រព័ន្ធប្រឡាយកសិកម្ម ត្រូវហាមឃាត់ជាដាច់ខាត។ ក្នុងករណីដែលពលរដ្ឋមុខដដែលៗ បន្តយកទៅសំរាមទៅចាក់ចោលនោះ ពេលចាប់បាននឹងត្រូវផាកពិន័យ ធ្វើយ៉ាងណាឲ្យរាងចាលតែម្តង៕
ចែករំលែកព័តមាននេះ