អាហារទាំងនេះអាចបង្កគ្រោះថ្នាក់ដល់ខួរក្បាល
មានអាហារមួយចំនួនដែលអាចប៉ះពាល់ដល់ខួរក្បាល ហើយអ្នកគួរតែចៀសវាងពីអាហារទាំងនោះ ។ របបអាហាររបស់អ្នកមិនត្រឹមតែអាចធ្វើឲ្យអ្នកមានក្បាលពោះនោះទេ វាថែមទាំងអាច
មានអាហារមួយចំនួនដែលអាចប៉ះពាល់ដល់ខួរក្បាល ហើយអ្នកគួរតែចៀសវាងពីអាហារទាំងនោះ ។ របបអាហាររបស់អ្នកមិនត្រឹមតែអាចធ្វើឲ្យអ្នកមានក្បាលពោះនោះទេ វាថែមទាំងអាចកាត់បន្ថយសមត្ថភាពរបស់ខួរក្បាលអ្នកផងដែរ ។ ដូច្នេះអ្នកត្រូវតែស្គាល់អាហារទាំងនោះឲ្យបានច្បាស់លាស់ និងមិនគួរទទួលទានពួកវាលើសលុបពេកទេដើម្បីការពារខួរក្បាលរបស់អ្នក ។
នៅក្នុងអត្ថបទនេះបង្ហាញពីអាហារមួយចំនួនដែលអាចប៉ះពាល់ដល់សមត្ថភាពខួរក្បាលរបស់អ្នក ។
១-តៅហ៊ូ
ការបង្កើនការទទួលទានតៅហ៊ូមានការទាក់ទងទៅនឹងហានិភ័យនៃការថយចុះការយល់ដឹង និងបាត់បង់ការចងចាំ ដោយសារតៅហ៊ូមានសារធាតុ phytoestrogens ដែលអាចប៉ះពាល់ដល់មុខងាររបស់ខួរក្បាល ។
២-អាហារសម្បូរជាតិសូដ្យូម (អំបិល)
ការទទួលទានជាតិសូដ្យូមក្នុងកម្រិតខ្ពស់មានការទាក់ទងទៅនឹងការថយចុះការធ្វើលំហាត់ប្រាណ និងផ្តល់ផលប៉ះពាល់អវិជ្ជមានលើសមត្ថភាពនៃការយល់ដឹងរបស់យើង។ លើសពីនេះ ការធ្វើលំហាត់ប្រាណទៀងទាត់អាចប្រឆាំងនឹងផលប៉ះពាល់នៃជាតិសូដ្យូមចំពោះខួរក្បាល ។ ដូច្នេះអ្នកគួរតែចៀសវាងការទទួលទានអាហារដែលសម្បូរជាតិសូដ្យូម ។
៣-អាហារដែលសម្បូរជាតិខ្លាញ់
អាហារប្រភេទនេះអាចប៉ះពាល់ដល់ការចងចាំរបស់អ្នកយ៉ាងខ្លាំង ។ ការទទួលទានអាហារដែលមានជាតិខ្លាញ់រៀងរាល់ថ្ងៃអាចប៉ះពាល់ដល់ការចងចាំរបស់អ្នក បន្តិចម្តងៗ។
៤-ត្រីធូណា
ត្រីធូណាអាចបន្ថយសមត្ថភាពនៃការគិតរបស់អ្នក ។ ការទទួលទានត្រីធូណាច្រើនជាង ៣ដងក្នុង១សប្តាហ៍អាចធ្វើឲ្យអ្នកប្រឈមនឹងហានិភ័យខូចមុខងារនៃការយល់ដឹង៕
ចែករំលែកព័តមាននេះ