វិធីសម្រាកល្អបំផុតក្នុងពេលឈឺក្បាល
បញ្ហាឈឺក្បាលគឺជាជំងឺទូទៅបំផុតដែលមនុស្សគ្រប់រូបអាចនឹងកើតមាន ។ ភាគច្រើនបំផុត អ្នកអាចមានបញ្ហាឈឺក្បាលដោយសារតែភាពតានតឹងខ្លាំងពេក ដែលអាចកើតឡើងដោយសារតែ
បញ្ហាឈឺក្បាលគឺជាជំងឺទូទៅបំផុតដែលមនុស្សគ្រប់រូបអាចនឹងកើតមាន ។ ភាគច្រើនបំផុត អ្នកអាចមានបញ្ហាឈឺក្បាលដោយសារតែភាពតានតឹងខ្លាំងពេក ដែលអាចកើតឡើងដោយសារតែហេតុផលមួយចំនួន ។ នៅពេលដែលយើងឈឺក្បាល យើងតែងតែជ្រើសយកការប្រើប្រាស់ថ្នាំបំបាត់ការឈឺចាប់ និងសម្រាក។ ប៉ុន្តែអំពើនេះអាចនឹងមិនល្អចំពោះសុខភាព ។ ការទទួលទានថ្នាំបំបាត់ការឈឺចាប់គ្រប់ពេលដែលអ្នកមានបញ្ហាឈឺក្បាល វាអាចមានគ្រោះថ្នាក់ចំពោះសុខភាពរបស់អ្នក ។
ដើម្បីបំបាត់បញ្ហាឈឺក្បាលដែលកើតឡើងដោយសារភាពតានតឹង ដំណោះស្រាយល្អបំផុតគឺការសម្រាក ។
ខាងក្រោមនេះគឺជាវិធីមួយចំនួនដែលអាចជួយអ្នកបាននៅពេលដែលអ្នកមានបញ្ហាឈឺក្បាលខ្លាំង ។
១-ចេញឲ្យឆ្ងាយពីប្រភពនៃភាពតានតឹង
រឿងដំបូងដែលអ្នកត្រូវធ្វើនៅពេលដែលមានបញ្ហាឈឺក្បាលដោយសារតែភាពតានតឹងគឺត្រូវចាកចេញពីប្រភពនៃភាពតានតឹង ។ ប្រសិនបើនរណាម្នាក់ស្រែកដាក់អ្នក ជំនួសឱ្យការស្រែកត្រឡប់ទៅវិញ អ្នកគ្រាន់តែចាកចេញពីកន្លែងនោះ ហើយដើរលំហែកាយ !
២-បិទភ្នែក ហើយស្រមើស្រមៃ
ការស្រមើស្រមៃអាចជួយបំបាត់ភាពតានតឹងបានយ៉ាងមានប្រសិទ្ធភាព ។ ទោះបីជាមនុស្សជាច្រើននឹងមិនយល់ស្រប ប៉ុន្តែអ្នកពិតជាអាចបាត់ឈឺក្បាលប្រសិនបើអ្នកមានទេពកោសល្យក្នុងការស្រមើស្រមៃ ។ នៅពេលដែលអ្នកឈឺក្បាលខ្លាំង អ្នកគ្រាន់តែបិទភ្នែក ហើយស្រមើស្រមៃនឹងដល់រឿងសំណព្វរបស់អ្នក ។ វាអាចជាដំណើកម្សាន្តទៅកាន់ទីក្រុងប៉ារីស ។ វាគួរតែជារឿងដែលអាចធ្វើឲ្យអ្នករីករាយរហូតអាចបំបាត់ភាពតានតឹងនេះ ។
៣-បញ្ឈប់ការសម្លឹងទៅអេក្រង់
ភ្នែករបស់អ្នកជាសរីរាង្គដំបូងដែលទទួលរងផលប៉ះពាល់នៅពេលដែលអ្នកមានភាពតានតឹងដែលទាក់ទងនឹងការឈឺក្បាល ។ ប៉ុន្តែប្រសិនបើអ្នកចង់បំបាត់ការឈឺក្បាលដោយការសម្លឹងមលើទៅអេក្រង់កុំព្យូទ័រ វានឹងធ្វើឲ្យអ្នកអស់កម្លាំងលឿនជាងមុន ។ ការមើលភាពយន្តនៅពេលដែលអ្នកមានភាពតានតឹង និងឈឺក្បាលក៏មិនមែនជាវិធីដ៏ល្អក្នុងការបំបាត់ការឈឺក្បាលនោះទេ ។ ទោះបីវាជាវិធីល្អបំផុតក្នុងការសម្រាក ប៉ុន្តែវានឹងប៉ះពាល់ដល់ភ្នែករបស់អ្នក ។
៤-ម៉ាស្សា
ការម៉ាស្សាបន្តិចបន្តួចនៅជុំវិញថ្ងាស និងសៀតផ្កាអាចជួយក្នុងការបន្ធូរបន្ថយសាច់ដុំ និងបំបាត់ភាពតានតឹង ព្រមទាំងបញ្ហាឈឺក្បាលបានយ៉ាងលឿន ។ ជំនួសឱ្យការទទួលទានថ្នាំបំបាត់ការឈឺចាប់ អ្នកគ្រាន់តែអង្គុយ ហើយម៉ាស្សាយឺតៗនៅតំបន់សៀតផ្កា និងថ្ងាសរបស់អ្នក វាពិតជាមានប្រសិទ្ធភាព ៕
ចែករំលែកព័តមាននេះ