តាយាយជរា២នាក់ប្ដីប្រពន្ធ កំពុងដង្ហោយរកសប្បុរសជន
ខេត្តតាកែវ ៖ នៅព្រឹកថ្ងៃទី១៩ ខែកក្កដា ឆ្នាំ២០១៧ នេះ ភ្នាក់ងារ កោះសន្តិភាព បានទៅជួបផ្ទាល់ជាមួយលោកតា និងលោកយាយចាស់ជរា២នាក់ រស់នៅយ៉ាងកម្សត់ឯកា
ខេត្តតាកែវ ៖ នៅព្រឹកថ្ងៃទី១៩ ខែកក្កដា ឆ្នាំ២០១៧ នេះ ភ្នាក់ងារ កោះសន្តិភាព បានទៅជួបផ្ទាល់ជាមួយលោកតា និងលោកយាយចាស់ជរា២នាក់ រស់នៅយ៉ាងកម្សត់ឯកា
ខេត្តតាកែវ ៖ នៅព្រឹកថ្ងៃទី១៩ ខែកក្កដា ឆ្នាំ២០១៧ នេះ ភ្នាក់ងារ កោះសន្តិភាព បានទៅជួបផ្ទាល់ជាមួយលោកតា និងលោកយាយចាស់ជរា២នាក់ រស់នៅយ៉ាងកម្សត់ឯកា ដែលកំពុងដង្ហោយហៅរកជំនួយពីសប្បុរសជនជួយឧបត្ថមដល់ពួកគាត់នៅដង្ហើមចុងក្រោយ។ សូមបញ្ជាក់ថា លោកតាឈ្មោះ ពិល ប៉ាន់ អាយុ៨៨ឆ្នាំ លោកយាយឈ្មោះ ជួប ណាំ អាយុ៨៧ឆ្នាំ បើតាមសម្តីលោកតាបានឲ្យដឹងថា គាត់រស់ជាមួយយាយរបស់គាត់តាំងពីចាប់ដៃគ្នាមកម្លេះ លោកតាគាត់ពិការភ្នែកម្ខាង លោកយាយឈឺទើបតែដកសេរ៉ូមចេញ ថែមទាំងងងឹតភ្នែកទៀតផង គាត់បានបន្តថា គាត់ក៏មានកូនដែរ តែកូនគាត់ឈឺជាប់ហើយពិការជើងផងដែរ។
បច្ចុប្បន្ននេះ ពួកគាត់រស់នៅ ភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ បើតាមសម្តី លោក ប៉ុក ប៉ុនរិទ្ធ ដែលជាអ្នករស់នៅជិតខាងបានឲ្យដឹងថា ខ្ទមដ៏តូចកម្សត់មួយនេះ ពេលភ្លៀងមកម្តងៗ រកកន្លែងជ្រកមិនឃើញនោះទេ ហើយខាងក្រោមផ្ទះខ្ទម នេះពីមុនមកពេលមានភ្លៀងលិចទឹកតែម្តង ដោយឃើញលំបាកភ្នែកពេកលោក ប៉ុក ប៊ុនរិទ្ធ ក៏បានទិញដីចាក់ឲ្យគាត់ទៅ។ សូមរំលឹកផងដែរថា កោះសន្តិភាពយើងបានធ្វើការអំពាវឲ្យបងប្អូនជនរួមជាតិទាំងក្នុង និងក្រៅប្រទេស ប្រសិនបើមានសទ្ធាចង់ជួយជនទីទ័លក្រ ជនពិការ ចាស់ជរា កុមារកំព្រា តាមរយៈ កោសន្តិភាពយើងនឹងនាំយកអំណោយរបស់សប្បុរសជនទាំងអស់នឹងទៅដល់ដៃដល់ចាស់ជរា ក្មេងកំព្រា និងជនទីទ័លជាមិនខានឡើយ៕
ចែករំលែកព័តមាននេះ