តាមប្រភពព័ត៌មាន Shanghaiist បានឲ្យដឹងថា បុរសម្នាក់ដែលទើបតែបញ្ចប់ថ្នាក់សិក្សាថ្មីៗនេះនៅទីក្រុងណានជីង បានយកក្តាមស្ងោរ៩៩ប្រអប់ មករៀបធ្វើជាបេះដូង និងអក្សរ «LOVE» ដើម្បី
ចិន ៖ តាមប្រភពព័ត៌មាន Shanghaiist បានឲ្យដឹងថា បុរសម្នាក់ដែលទើបតែបញ្ចប់ថ្នាក់សិក្សាថ្មីៗនេះនៅទីក្រុងណានជីង បានយកក្តាមស្ងោរ៩៩ប្រអប់ មករៀបធ្វើជាបេះដូង និងអក្សរ «LOVE» ដើម្បីសារភាពស្នេហ៍ទៅកាន់តែមិត្តស្រី។ មូលហេតុដែលបុរសម្នាក់នេះ យកក្តាមស្ងោរមកសារភាពស្នេហ៍ ក៍ព្រោះតែគាត់ដឹងថា មិត្តស្រីចូលចិត្តញ៉ាំក្តាម។
នៅពេលនាងមកដល់ក្នុងកណ្តាលរង្វង់រាងបេះដូង បុរសម្នាក់នោះក៏និយាយទៅកាន់នាងថា៖ «បងទើបតែរៀនចប់ក្នុងឆ្នាំនេះ។ បងគ្មានលុយសម្រាប់ទិញឡាន ឬផ្ទះជូនអូនសម្លាញ់ទេ។ តែបងមានបេះដូងមួយសម្រាប់ដើរតាមអូនជារៀងរហូតអស់មួយជីវិត»។
បន្ទាប់ពីការសារភាពស្នេហ៍ដ៏រ៉ូមេនទិក ខាងស្រីក៏បានយល់ព្រម។ ពិតជារំភើបមែនទែន!
គេនៅមិនទាន់ដឹងថា អ្នកទាំងពីរយកក្តាមទាំង៩៩ប្រអប់ទៅផ្ទះទុកទទួលទានខ្លួនឯង ឬក៏ ចែកជូនដល់អ្នកឈរមើលទេ។
ពិតជារ៉ូមែនទិកម្យ៉ាងដែរ !
ចែករំលែកព័តមាននេះ