ថៃចាប់ចេញសាលក្រមកាត់ទោសក្នុងរឿងក្តីធំមួយ
ថៃ ៖ ធ្វើសវនាការអស់រយៈពេល១ឆ្នាំកន្លះមកហើយ ជនជាប់ចោទដល់ទៅជាង១០០នាក់ ក្នុងនោះមាននាយទាហានជាន់ខ្ពស់មួយរូបផង តុលាការព្រហ្មទណ្ឌក្រុងបាងកកនាព្រឹក
ថៃ ៖ ធ្វើសវនាការអស់រយៈពេល១ឆ្នាំកន្លះមកហើយ ជនជាប់ចោទដល់ទៅជាង១០០នាក់ ក្នុងនោះមាននាយទាហានជាន់ខ្ពស់មួយរូបផង តុលាការព្រហ្មទណ្ឌក្រុងបាងកកនាព្រឹកថ្ងៃទី១៩ កក្កដា ចាប់ផ្តើមចេញសាលក្រមកាត់ទោសក្នុងរឿងរត់ពន្ធមនុស្សយ៉ាងធំមួយហើយ ។
ការរត់ពន្ធមនុស្សនេះដែលចាប់តាំងពីច្រើនឆ្នាំមកហើយ ត្រូវបានបរិហារដោយបណ្តាអង្គការក្រៅរដ្ឋាភិបាលនោះទើបតែលាតត្រដាងលើឆាកអន្តរជាតិកាលពីខែឧសភា ឆ្នាំ២០១៥ ជាមួយការរកឃើញរណ្តៅកប់សពរួមនានាក្នុងជំរំស្នាក់បណ្តោះអាសន្នទាំងឡាយសម្រាប់ពួកអន្តោប្រវេសន៍នៅកណ្តាលទ្រូងព្រៃប្រទេសថៃ ។
ការបង្ក្រាបក្រោយការរកឃើញនេះធ្វើឱ្យពួកអ្នករត់ពន្ធមនុស្សជ្រួលច្របល់ ហើយញ៉ាំងឱ្យពួកមេខ្យល់បោះបង់ចោលក្នុងសមុទ្រជនអន្តោប្រវេសន៍ច្រើនពាន់នាក់មកពីមីយ៉ាន់ម៉ា ឬបង់កា្លដែស ។ បណ្តាញរត់ពន្ធមនុស្សធំនោះជាប់ទាក់ទិនដូចសម្លកំពឹស មានទាំងពួកយោធាប៉ូលិស អ្នកនយោបាយ។ល។
ពួកជនជាប់ចោទ១០៣នាក់ពីបទរត់ពន្ធមនុស្ស ទារប្រាក់លោះ និងសម្លាប់មនុស្សអាចមានទោសរហូតដល់ប្រហារជីវិត ។ ក្នុងចំណោមជនជាប់ចោទទាំងនេះ មានឧត្តម MANAS KONGPAN សង្ស័យជាមេខ្លោងនៃការរត់ពន្ធមនុស្សនេះ ។
ពួកអន្តោប្រវេសន៍តាមបណ្តាញរត់ពន្ធមនុស្សនេះប៉ុនប៉ងឆ្លងកាត់ប្រទេសថៃ ចូលទៅកាន់ម៉ាឡេស៊ីដោយលួចលាក់ ។ ពួកគេជាជនជាតិបង់ក្លាដែសដែលចង់រត់គេចចេញពីភាពក្រីក្រ ព្រមទាំងបណ្តាសមាជិកសហគមន៍អ៊ិស្លាមរ៉ូហ៊ីញយ៉ា ដែលរងការធ្វើទុកបុកម្នេញនៅមីយ៉ាន់ម៉ា ។
របបយោធាថៃចង់ធ្វើឱ្យសវនាការកាត់ទោសធំនេះជាគំរូមួយ ប៉ុន្តែពួកអ្នកការពារសិទ្ធិមនុស្សរិះគន់ពីការប៉ុនប៉ងសម្លុតបំភ័យបណ្តាសាក្សី ហើយរឹតត្បិតដល់សារព័ត៌មានពេលធ្វើសវនាការកាត់ទោសនេះ ៕
ចែករំលែកព័តមាននេះ