បណ្តាតំណាងរាស្ត្រតៃវ៉ាន់វាយតប់គ្នាទៀតហើយ
ការជជែកដេញដោលគ្នាពិតជាតឹងសរសៃកខ្លាំងក្នុងសភាតៃវ៉ាន់ ។ ជាលើកទី៣ រយៈពេលតែ១សប្តាហ៍កាលពីថ្ងៃទី១៨ កក្កដា សភាតៃវ៉ាន់ប្រែក្លាយទៅជាទីលានវាយតប់គ្នា ហើយប្រភព
តៃវ៉ាន់ ៖ ការជជែកដេញដោលគ្នាពិតជាតឹងសរសៃកខ្លាំងក្នុងសភាតៃវ៉ាន់ ។ ជាលើកទី៣ រយៈពេលតែ១សប្តាហ៍កាលពីថ្ងៃទី១៨ កក្កដា សភាតៃវ៉ាន់ប្រែក្លាយទៅជាទីលានវាយតប់គ្នា ហើយប្រភពនៃជម្លោះគឺការពិនិត្យថវិកាសម្រាប់គម្រោងហេដ្ឋារចនាសម្ព័ន្ធដែលចម្រូងចម្រាស់ទាំងឡាយ ។
គម្រោងនេះស្ថិតក្នុងសំណើមួយក្នុងចំណោមសំណើរបស់ប្រធានាធិបតីតៃវ៉ាន់ លោកស្រី TSAI ING-WEN មកពីគណបក្សប្រជាធិបតេយ្យចម្រើនជឿនលឿន DPP ។
លោកស្រីគ្រោងបង្កើតខ្សែផ្លូវដែកថ្មីៗ បង្កើតការបង្ការទឹកជំនន់ ព្រមទាំងបណ្តាហេដ្ឋារចនាសម្ព័ន្ធទាក់ទិននឹងថាមពលបៃតង ។ បណ្តាអ្នកខ្វែងគំនិតលើគម្រោងនោះ ពិសេសមកពីគណបក្សប្រឆាំងគឺគណបក្សជាតិនិយមកូមីញតាំង KIM បានបរិហារជាពិសេសលើការចំណាយយ៉ាងមហាសាលដែលមានដល់ទៅ៤២០ពាន់លានដុល្លារតៃវ៉ាន់ (១២ពាន់លានអឺរ៉ូ) ។
កាលពីថ្ងៃទី១៣ និង១៤ កក្កដា ក្នុងសភាតៃវ៉ាន់មានការប្រទូស្តរ៉ាយគ្នារួចហើយ ខណៈនាយករដ្ឋមន្ត្រី លោក LIN CHUAN ប៉ុនប៉ងរាយការណ៍លម្អិតពីការចំណាយសម្រាប់គម្រោងនេះ ។ ត្រូវគេគប់គ្រាប់បែកទឹកត្រូវលោកត្រូវផ្អាកការពន្យល់ ចំណែកសមាជិកសភាប្រឆាំងគ្នា២រូប បានដាល់តប់គ្នា ហើយកិច្ចប្រជុំសភាក៏ត្រូវផ្អាក ។បន្ទាប់ពីនេះមក លោក LIN CHUAN ពុំអាចធ្វើការបកស្រាយបន្ថែមទៀត បាន ។
ពេលកំពូងប្រជុំបណ្តាសមាជិកសភាប្រឆាំងបានលើកកៅអីពួកគេគប់ ហើយប៉ះទង្គិចគ្នាជាមួយបណ្តាសមាជិកសភានៃគណបក្សកាន់អំណាច ដើម្បីរារាំងមិនឱ្យប្រមុខរដ្ឋាភិបាលនិយាយកើត ។ លើកនេះក្នុងការប្រវាយប្រតប់គ្នា សមាជិកសភាមួយរូបត្រូវបញ្ជូនទៅពេទ្យព្រោះសន្លប់ ៕
ចែករំលែកព័តមាននេះ