សារព័ត៌មានបរទេសកាលពីថ្ងៃទី១៥ កក្កដា ២០១៧ ផ្សាយថា ការបាក់រណ្តៅដីលេបត្របាក់ផ្ទះចំនួន២ខ្នងនៅទីប្រជុំជន«លែនអូឡេក»ក្បែរទីក្រុងថាមប៉ា រដ្ឋកាលីហ្វ៊័រនីញ៉ា សហរដ្ឋអាមេរិក ។ ក្រុមជួយ
សារព័ត៌មានបរទេសកាលពីថ្ងៃទី១៥ កក្កដា ២០១៧ ផ្សាយថា ការបាក់រណ្តៅដីលេបត្របាក់ផ្ទះចំនួន២ខ្នងនៅទីប្រជុំជន«លែនអូឡេក»ក្បែរទីក្រុងថាមប៉ា រដ្ឋកាលីហ្វ៊័រនីញ៉ា សហរដ្ឋអាមេរិក ។ ក្រុមជួយសង្គ្រោះបានជួយពលរដ្ឋរងគ្រោះចេញពីតំបន់កើតហេតុ ។
រណ្តៅលេបត្របាក់ផ្ទះនោះកើតឡើងនៅវេលាម៉ោង៧ និង៣០នាទីព្រឹកថ្ងៃទី១៤ កក្កដា ២០១៧ ។ លោកណុន វ៉ៃ មន្ត្រីជួយសង្គ្រោះឱ្យដឹងថា មាត់រណ្តៅរីកធំត្របាក់ផ្ទះនៅក្បែរនោះ តែប៉ុន្មានវិនាទីប៉ុណ្ណោះ សំណាងល្អម្ចាស់ផ្ទះមិននៅ មានតែឆ្កែ២ក្បាលនៅបរិវេណកើតហេតុ ត្រូវក្រុមជួយសង្គ្រោះជួយទាន់ពេលវេលា ។
អាជ្ញាធរឱ្យដឹងថា រណ្តៅចាប់ផ្តើមរីកធំ និងបំផ្លាញផ្ទះទាំង២ខ្នង រួមទាំងរីកបន្តទៅបរិវេណក្បែរនោះតម្រូវឱ្យអាជ្ញាធរជម្លៀសពលរដ្ឋចំនួន១១គ្រួសារទៀតចាកចេញពីតំបន់កើតហេតុ ។
អ្នកធរណីវិទ្យាពីក្រុមការពារគ្រោះធម្មជាតិក្នុងរដ្ឋផ្លរីដា បញ្ជាក់ថារណ្តៅយក្សដែលលេបត្របាក់ផ្ទះកំពុងរីកកាន់តែធំទៅដល់បរិវេណបឹង ដែលនៅក្បែរតំបន់នោះ ។
រណ្តៅយក្សដែលកើតឡើង ជាធម្មតារមែងមានអង្កត់ផ្ចិតប្រហែលពី២០ម៉ែត្រដល់ជាង២០០ម៉ែត្រ ដោយកើតពីការរលាយថ្មកំបោរ ឬម្នាងសិលានៅខាងក្រោមដីធ្វើឱ្យដីនៅផ្នែកខាងលើស្រុតជារណ្តៅធំ ៕
ចែករំលែកព័តមាននេះ