រុស្ស៊ី ៖ វិទ្យាស្ថានភូគម្ភសាស្ត្រអាមេរិក USGS រាយការណ៍កាលពីថ្ងៃទី១៧ កក្កដា ថា ការរញ្ជួយដីយ៉ាងខ្លាំងមួយមានកម្លាំង៧,៨រីស្ទ័រកើតមាននៅភាគខាងជើងមហាសមុទ្រប៉ាស៊ីហ្វ៊ិក
រុស្ស៊ី ៖ វិទ្យាស្ថានភូគម្ភសាស្ត្រអាមេរិក USGS រាយការណ៍កាលពីថ្ងៃទី១៧ កក្កដា ថា ការរញ្ជួយដីយ៉ាងខ្លាំងមួយមានកម្លាំង៧,៨រីស្ទ័រកើតមាននៅភាគខាងជើងមហាសមុទ្រប៉ាស៊ីហ្វ៊ិក ចន្លោះប្រជុំកោះ ALEOUTIENNES ក្នុងដែនទឹកអាឡាស្កា និងឧបទ្វីប KAMTCHATKA រុស្ស៊ី ។
ការរញ្ជួយដីនេះកើតមាននាវេលាម៉ោង១១និង៣៤នាទីម៉ោងក្នុងស្រុកនៅកន្លែងមួយចម្ងាយ២០០គីឡូម៉ែត្រ ពីទីក្រុង NIKOLSKOYE លើកោះ BERING ។ ចំណុចកណ្តាលរបស់វាស្ថិតនៅភាគខាងលិចប្រជុំកោះភ្នំភ្លើងអាេមរិក ALEOUTIENNES ។ វាកើតមានក្នុងជម្រៅរាក់ត្រឹម៦គីឡូម៉ែត្រប៉ុណ្ណោះ ក្រោមបាតសមុទ្ររួចការរញ្ជួយដីខ្លាំងបែបនេះអាចបង្កផលវិបាកធ្ងន់ធ្ងរបំផុត បើវាកើតឡើងមិនឆ្ងាយពីដែនដីនោះ ។
មជ្ឈមណ្ឌលប្រកាសអាសន្នស៊ូណាមីនៅមហាសមុទ្រប៉ាស៊ីហ្វិកព្យាករណ៍ថា រលកយក្សស៊ូណាមីប្រកបដោយគ្រោះថ្នាក់អាចកើតមាននៅតំបន់ឆ្នេរសមុទ្រទាំងឡាយចម្ងាយ៣០០គីឡូម៉ែត្រ ពីចំណុចកណ្តាលនៃការរញ្ជួយដីនេះ ។
ទោះបីយ៉ាងណា រលកយក្សទាំងនេះនឹងពុំអាចទៅដល់ KAMTCHATKA ចម្ងាយដល់៥០០គីឡូម៉ែត្រពីចំណុចកណ្តាលនៃការរញ្ជួយដីនោះឡើយ ៕
ចែករំលែកព័តមាននេះ