អាជ្ញាធរមូលដ្ឋានរាយការណ៍កាលពីថ្ងៃទី១៧ កក្កដា ថា ទឹកជំនន់ធ្ងន់ធ្ងរបណ្តាលមកពីភ្លៀងធ្លាក់ខ្លាំង បណ្តាលឱ្យមនុស្សស្លា.ប់៧៦នាក់នៅឥណ្ឌា ។
រដ្ឋដែលប៉ះពាល់ខ្លាំងជាងគេដោយគ្រោះទឹកជំនន់
ឥណ្ឌា ៖ អាជ្ញាធរមូលដ្ឋានរាយការណ៍កាលពីថ្ងៃទី១៧ កក្កដា ថា ទឹកជំនន់ធ្ងន់ធ្ងរបណ្តាលមកពីភ្លៀងធ្លាក់ខ្លាំង បណ្តាលឱ្យមនុស្សស្លាប់៧៦នាក់នៅឥណ្ឌា ។
រដ្ឋដែលប៉ះពាល់ខ្លាំងជាងគេដោយគ្រោះទឹកជំនន់គឺរដ្ឋ ARUNACHAL PRADESH និងរដ្ឋ ASSAM នាភាគឦសានប្រទេស ។ នៅរដ្ឋ ASSAM មនុស្ស៦០នាក់ស្លាប់ ហើយប្រតិបត្តិការជួយសង្គ្រោះត្រូវបានបង្កើតឡើងតាំងពីចាប់ផ្តើមរដូវភ្លៀងពីខែមេសាមក ។
លោក RAJIB PRAKASH BARUA អ្នកទទួលខុសត្រូវម្នាក់នៃភ្នាក់ងារជួយសង្គ្រោះថ្លែងថា មនុស្សជាច្រើនពាន់នាក់ត្រូវបានជួយសង្គ្រោះ ហើយបច្ចុប្បន្នស្នាក់នៅក្នុងជំរំបន្ទាន់១១៨កន្លែង បង្កើតឡើងដោយរដ្ឋាភិបាល ។ លោកបន្តថា ទន្លេសំខាន់៥ក្នុងរដ្ឋនេះនៅមានកម្ពស់ទឹកខ្ពស់គួរឱ្យព្រួយបារម្ភនៅឡើយ ។
ចំណែកតំបន់មួយចំនួននៃរដ្ឋ ARUNACHAL PRADESH ជួបប្រទះនឹងទឹកជំនន់យ៉ាងអាក្រក់ពុំធ្លាប់មានចាប់តាំងពីច្រើនឆ្នាំមកហើយ បន្ទាប់ពីភ្លៀងធ្លាក់មិនឈប់ឈរជាងមួយសប្តាហ៍ ។ មនុស្សយ៉ាងតិច៥នាក់ស្លាប់ដោយសារការហូរភក់កាលពីសប្តាហ៍មុន តាមបណ្តោយព្រំដែនជាមួយចិន ។
ភ្លៀងធ្លាក់ខ្លាំងនៅរដ្ឋ GUJARAT ភាគខាងលិចឥណ្ឌា បណ្តាលឱ្យមនុស្សស្លាប់៧នាក់ និងបាត់ខ្លួនច្រើននាក់ ។ ចំណែកមនុស្សច្រើនពាន់នាក់ក៏រងការប៉ះពាល់ដោយទឹកជំនន់ដែរ នៅរដ្ឋ ODISHA ភាគខាងកើតប្រទេស ។
រដ្ឋាភិបាលសហព័ន្ធបានអំពាវនាវដល់កងទ័ពឱ្យជួយធ្វើប្រតិបត្តិការសង្គ្រោះបន្ទាន់ក្នុងបណ្តាតំបន់រងការប៉ះពាល់ខ្លាំង ៕
ចែករំលែកព័តមាននេះ