ជាតិសំណើមក្នុងរដូវវស្សាអាចប៉ះពាល់ដល់សុខភាពសក់របស់អ្នក ! សក់សំពោងក្លាយជាបញ្ហាដ៏លំបាក ហើយអ្នកបញ្ចប់ដោយការចងសក់របស់អ្នកឡើងទាំងអស់ ។
ខាងក្រោមនេះគឺជាគន្លឹះ ខ្លះៗ ដើម្បីធ្វើឱ្យសក់របស់អ្នកមានសុខភាពល្អ និងមានភាពរស់រវើកក្នុងរដូវវស្សា ដូច្នេះអ្នកនឹងមិនមានបញ្ហាទាក់ទងនឹងសក់ទៀតទេ ។
១-ដើម្បីឲ្យសក់រឹងមាំ
ការទទួលទានអាហារដែលល្អចំពោះសុខភាពគឺសំខាន់ដើម្បីថែរក្សាឫសសក់ឲ្យរឹងមាំ ។ វាជាការល្អបំផុតក្នុងការទទួលទានអាហារសម្បូរជាតិប្រូតេអ៊ីន និងជាតិដែកនៅក្នុងរដូវវស្សា ។ ចូរបរិភោគស៊ុត ត្រី ការ៉ុត គ្រាប់ធញ្ញជាតិ និងបន្លែស្លឹកបៃតងដើម្បីធ្វើឲ្យសក់មានភាពរឹងមាំ ។
២-ដើម្បីចៀសវាងការកើតអង្គែ
លាយប្រេងដូង២ស្លាបព្រាជាមួយទឹកក្រូចឆ្មារ២ផ្លែ និងទឹកក្រូចឃ្វិច១ផ្លែ ហើយរុំកន្សែងពោះគោលើក្បាលបន្ទាប់ពីលាបទឹកខាងលើលើស្បែកក្បាល ។ ទុកវាចោល១៥ទៅ ២០នាទី បន្ទាប់មកលាងសក់របស់អ្នកដោយប្រើសាប៊ូកក់សក់ធម្មតា ។ ស្របគ្នានេះដែរកុំចងសក់របស់អ្នកតឹងខ្លាំងពេក ឬប្រើឧបករណ៍សម្ងួតសក់ ឬកៀបសក់ ដោយសារកម្តៅដែលចេញពីឧបករណ៍ទាំងនេះអាចធ្វើឱ្យសក់របស់អ្នកខូច ។
៣-ដើម្បីចៀសវាងការជ្រុះសក់
ចៀសវាងការប្រើក្រែមបន្ទន់សក់ និងផលិតផលថែរក្សាសក់ ផ្សេងៗដែលមានសារធាតុគីមីច្រើនខ្លាំង ។ អ្នកមិនចាំបាច់ប្រើប្រាស់ក្រែមបន្ទន់សក់រាល់ពេលដែលអ្នកកក់សក់នៅរដូវវស្សា ទេ ។ ខ្យល់មូសុងក្នុងរដូវវស្សាធ្វើឱ្យសក់អ្នកស្ងួត ហើយធ្វើឲ្យអ្នកជ្រុះសក់ច្រើន ។ ស្របគ្នានេះដែរ សូមចៀសវាងការលាបពណ៌សក់ពីព្រោះវានឹងធ្វើឱ្យសក់កាន់តែស្ងួត ។ ចៀសវាងការសិតសក់ពេលសក់សើម និងគួរប្រើក្រាសសិតសក់ឈើជំនួសឱ្យក្រាសប្លាស្ទិក ។
៤-ដើម្បីកុំឲ្យបាត់បង់ជាតិទឹក
ចូរទទួលទានទឹកឱ្យបានយ៉ាងហោចណាស់ ៧ទៅ៨កែវក្នុងមួយថ្ងៃ ។ វាមិនត្រឹមតែល្អសម្រាប់ស្បែករបស់អ្នកទេ ប៉ុន្តែវាក៏ល្អសម្រាប់សក់របស់អ្នកផងដែរ ។
៥-គេងឱ្យបានគ្រប់គ្រាន់
ការគេងរយៈពេល៦ទៅ៧ម៉ោងជួយពង្រឹងឫសសក់ ព្រោះការគេងមិនគ្រប់គ្រាន់អាចបង្កឱ្យមានភាពតានតឹង ហើយភាពតានតឹងគឺជាមូលហេតុចម្បងនៃការជ្រុះសក់ ៕
ចែករំលែកព័តមាននេះ