តាមប្រភពព័ត៌មាន by433.com បានឲ្យដឹងថា កីឡាករ Dani Alves បានបង្ហើបថាក្លឹបចាស់របស់ខ្លួនដែលទើបតែដើរចេញ Juventus មិនយល់ពីរូបខ្លួន ។ សូម្បីតែ Alves ចង់ស្តាប់តន្ត្រីក្នុងបន្ទប់ផ្លាស់ខោអាវក៏មិនបានដែរ ។
កីឡាកររូបនេះ បានចាកចេញពីក្លឹប Juventus នាពេលថ្មីៗនេះ ហើយទៅចុះកុងត្រាជាមួយនឹងក្លឹបកំពូលរបស់បារាំង Paris Saint-Germain កាលពីអាទិត្យមុន ដែលបានធ្វើឲ្យគ្រប់គ្នាមានការភ្ញាក់ផ្អើលយ៉ាងខ្លាំង ។
Alves បាននិយាយថា ៖ “ ជាដំបូងឡើយខ្ញុំមានរឿងច្រើនណាស់នៅក្នុងក្លឹប Juventus ព្រោះពូកគេមិនយល់ពីខ្ញុំទាំងនៅលើតារាង និងនៅក្រៅតារាងប្រកួត ។ វាទាមទារពេលវេលា ដើម្បីឲ្យពួកយើងអាចយល់គ្នាបានខ្លះ ហើយពេលនេះគឺជាលទ្ធផលដែលពួកយើងយល់គ្នាបាន ។ ”
លោកបានបន្តថា ៖ “ ពួកគេបានហាមឃាត់មិនឲ្យកីឡាករស្តាប់តន្ត្រីនៅក្នុងបន្ទប់ផ្លាស់ខោអាវ ។ ខ្ញុំមិនអាចរស់ដោយគ្មានតន្ត្រី និងការរាំសប្បាយបានឡើយ ។ ខ្ញុំមិនមែនជាមនុស្សគិតឆ្កួតៗ ថាចង់ប្តូរច្បាប់របស់ក្លឹបទេ ។ មនុស្សផ្សេងគ្នា មានរបៀបផ្សេងៗគ្នាក្នុងការកំសាន្តអារម្មណ៍ ។ ខ្ញុំសុខចិត្តដើរចេញ ។ ”
គួរបញ្ជាក់ផងដែរថា Alves បាននៅក្នុងក្លឹប Juventus បានត្រឹមតែមួយរដូវកាលប៉ុណ្ណោះ ។ នាពេលនេះ រូបគេបានចាកចេញទៅក្លឹបបារាំងវិញហើយ ៕
ចែករំលែកព័តមាននេះ