រាជធានីភ្នំពេញ ៖ ប្រធានសមាគមសិល្បករ អ្នកនាងចន ច័ន្ទលក្ខិណា បានបង្ហាញគោលការណ៍៦ចំណុចសម្រាប់អាណត្តិដឹកនាំថ្មីរបស់ខ្លួន ។
គោលការណ៍ទាំង៦ចំណុចដែលបានដាក់ចេញនោះត្រូវ
រាជធានីភ្នំពេញ ៖ ប្រធានសមាគមសិល្បករ អ្នកនាងចន ច័ន្ទលក្ខិណា បានបង្ហាញគោលការណ៍៦ចំណុចសម្រាប់អាណត្តិដឹកនាំថ្មីរបស់ខ្លួន ។
គោលការណ៍ទាំង៦ចំណុចដែលបានដាក់ចេញនោះត្រូវអ្នកនាងចន ច័ន្ទលក្ខិណា ចាត់ទុកជាគោលការណ៍គ្រឹះមួយដ៏សំខាន់សម្រាប់រូបនាង ហើយនាងបានប្តេជ្ញាចិត្តនឹងធ្វើវាឲ្យបាន ។
គោលការណ៍ទាំង៦ចំណុចនោះរួមមាន ទី១-មានគោលការណ៍បង្កើតទិវាសិល្បករខ្មែរ ថ្នាក់ជាតិ ដើម្បីជាឱកាសជួបជុំគ្នារវាងសិល្បករចាស់ក្មេង បង្ហាញពីសាមគ្គីភាព ការយកចិត្ត ទុកដាក់ និងជាការគោរពដឹងគុណចំពោះវរសិល្បករផងដែរ ។
ទី២-បង្កើតឲ្យមានប័ណ្ណសម្គាល់ខ្លួនសិល្បករស្របច្បាប់ចេញដោយសមាគម និងទទួលស្គាល់ដោយក្រសួងវប្បធម៌ និងវិចិត្រសិល្បៈ ។ តាមរយ:ប័ណ្ណសម្គាល់ខ្លួនសិល្បករ នឹងទទួលស្គាល់ដោយស្ថាប័នជាតិនានា ក៏ដូចជាការបញ្ចុះតម្លៃពីស្ថាប័នដៃគូរដ្ឋ និងឯកជន ។
ទី៣-បង្កើតមជ្ឈមណ្ឌលសិល្ប:ខ្មែរ ដើម្បីសិល្បករជើងចាស់អាចផ្ទេរចំណេះដឹង ជំនាញទៅដល់កូនចៅ ឬសិល្បករជំនាន់ក្រោយ ក៏ដូចជាផ្តល់ការងារដល់សិល្បករចាស់ជរាដែលបាត់បង់សមត្ថភាពការងារ ។
ទី៤-បន្តប្រារព្ធកម្មវិធីមូលនិធិសិល្បៈចាស់ជរាមួយឆ្នាំម្តងដើម្បីប្រមូលថវិកាជួយដល់សិល្បករចាស់ជរាដែលបាត់បង់សមត្ថភាពការងារ និងជីវភាពខ្សត់ខ្សោយ ។
ទី៥-ផ្តល់សេវាមេធាវី និងគាំពារផ្លូវច្បាប់ដល់សិល្បករ មិនថាមានឈ្មោះល្បីល្បាញ ឬទើបប្រឡូកចូលក្នុងសិល្ប: ។
ទី៦-បង្កើតឲ្យមានព្រឹតិ្តបត្រព័ត៌មានប្រចាំខែដើម្បផ្សព្វផ្សាយការងារសមាគមលើគេហទំព័រនិង Facebook Page ផ្លូវការ ។
ជាការកត់សម្គាល់ក្រៅអំពីការដាក់ចេញគោលការណ៍ទាំង៦ចំណុចនោះ ប្រធានសមាគមសិល្បករខ្មែរអាណត្តិថ្មី អ្នងនាងចន ច័ន្ទលក្ខិណា បានសន្យាក្នុងឱកាសជាប់ជាប្រធានសមាគមសិល្បករខ្មែរថា «បើទោះបីជាខ្លួនឡើងដល់កម្រិតណាក្តី រស់នៅក្នុងកម្រិតណាក៏នាងខ្ញុំនឹងមិនបោះបង់ចោលឈាមជ័រជាសិល្បៈ និងការងារជាអ្នកសិល្បៈរបស់នាងខ្ញុំជាដាច់ខាត ។ ទន្ទឹមនឹងនោះឪពុកម្តាយ បងប្អូនដែលមានឈាមជ័រជាអ្នកសិល្បៈដូចគ្នា ដាច់ខាតខ្ញុំនឹងមិនឲ្យអ្នកណាម្នាក់មើលងាយពួកគាត់ និងទុកឲ្យពួកគាត់នៅឯកោឡើយ» ៕
ចែករំលែកព័តមាននេះ