ចិន ៖ អាជ្ញាធរមូលដ្ឋានរាយការណ៍កាលពីថ្ងៃទី១៧ កក្កដា ថា មនុស្ស១៨នាក់ស្លា.ប់ ហើយ១៨នាក់ទៀតបាត់ខ្លួន ក្រោយទឹកជំនន់នៅទីក្រុងជីលីន ភាគឦសានចិន ។
ភ្លៀងបានធ្លាក់យ៉ាងខ្លាំងនៅភាគកណ្តាល និងភាគខាងកើតខេត្តជីលីន កាលពី
ចិន ៖ អាជ្ញាធរមូលដ្ឋានរាយការណ៍កាលពីថ្ងៃទី១៧ កក្កដា ថា មនុស្ស១៨នាក់ស្លាប់ ហើយ១៨នាក់ទៀតបាត់ខ្លួន ក្រោយទឹកជំនន់នៅទីក្រុងជីលីន ភាគឦសានចិន ។
ភ្លៀងបានធ្លាក់យ៉ាងខ្លាំងនៅភាគកណ្តាល និងភាគខាងកើតខេត្តជីលីន កាលពីថ្ងៃទី១៣ និង១៤ កក្កដា រួចបង្កឱ្យមានទឹកជំនន់ក្នុងផ្នែកយ៉ាងធំនៃខេត្តនេះ ។ ទីក្រុងជីលីនជួបប្រទះទឹកជំនន់យ៉ាងអាក្រក់បំផុត រួចមនុស្សជាង១១០.០០០នាក់ត្រូវជម្លៀសចេញ ។ ក្រុមអ្នកជួយសង្គ្រោះមានកម្លាំងដល់ទៅ៣២.៣៦០នាក់ត្រូវបានដាក់ពង្រាយក្នុងទីក្រុងនេះ ដើម្បីជួយកាយភក់ និងប្រមូលបំណែកនានាចេញ ជួសជុលស្ពានទាំងឡាយ ព្រមទាំងបណ្តាញទូរគមនាគមន៍ និងអគ្គិសនី ។
ម្យ៉ាងទៀតប្រទេសចិននាថ្ងៃទី១៦ កក្កដា បានបង្កើនកម្រិតប្រកាសអាសន្ននៃព្យុះទីហ្វុងឈ្មោះ TALAS ដែលត្រូវបោកបក់លើខេត្តហៃណាន់ និងឈូងសមុទ្រ BEIBU ។ នាថ្ងៃទី១៦ កក្កដា វេលាម៉ោង១០ព្រឹក ភ្នែករបស់ព្យុះ TALAS ជាព្យុះទី៤ប្រចាំឆ្នាំស្ថិតនៅពីលើសមុទ្រចិនខាងត្បូង និងចម្ងាយប្រមាណ៦០គីឡូម៉ែត្រ ភាគនិរតីក្រុងសានយ៉ា ។
ក្នុងសេចក្តីប្រកាសមួយមជ្ឈមណ្ឌលឧតុនិយមជាតិចិនបានព្យាករណ៍ថា ព្យុះ TALAS នឹងបោកបក់ឆ្ពោះទៅភាគពាយ័ព្យសំដៅឈូងសមុទ្រ BEIBU ហើយនាព្រឹកថ្ងៃទី១៧ កក្កដា បោកបក់ដល់ឆ្នេរសមុទ្រភាគឦសានប្រទេសវៀតណាម ។
ព្យុះនេះអាចចុះថយកម្លាំងទៅវិញ ហើយរលាយបាត់យ៉ាងឆាប់ក្រោយបោកបក់ដល់ដែនដី ។
ព្យុះទីហ្វុង TALAS ពេលបោកបក់លើប្រទេសជប៉ុនបង្កការខូចខាតធ្ងន់ធ្ងរបំផុត ព្រមទាំងញ៉ាំងឱ្យមានទឹកជំនន់យ៉ាងអាក្រក់ ៕
ចែករំលែកព័តមាននេះ