មន្ត្រីជំនាញចុះត្រួតពិនិត្យមើល សុវត្ថិភាពចំណីអាហារ
ខេត្តមណ្ឌលគិរី ៖ ដើម្បីការពារសុខភាព សុវត្ថិភាពចំណីអាហារជូនប្រជាពលរដ្ឋទូទៅ ថ្មីៗនេះមន្ត្រីកាំកុងត្រូល បានសហការណ៍ជាមួយមន្ទីរពាណិជ្ជកម្មខេត្ត
ខេត្តមណ្ឌលគិរី ៖ ដើម្បីការពារសុខភាព សុវត្ថិភាពចំណីអាហារជូនប្រជាពលរដ្ឋទូទៅ ថ្មីៗនេះមន្ត្រីកាំកុងត្រូល បានសហការណ៍ជាមួយមន្ទីរពាណិជ្ជកម្មខេត្ត
ខេត្តមណ្ឌលគិរី ៖ ដើម្បីការពារសុខភាព សុវត្ថិភាពចំណីអាហារជូនប្រជាពលរដ្ឋទូទៅ ថ្មីៗនេះមន្ត្រីកាំកុងត្រូល បានសហការណ៍ជាមួយមន្ទីរពាណិជ្ជកម្មខេត្ត និងនគរបាលប្រឆាំងបទល្មើសសេដ្ឋកិច្ច ចុះត្រួតពិនិត្យទំនិញ និងចំណីអាហារ ដែលអាជីវករដាក់តាំងលក់នៅតាមផ្ទះ តូបលក់ចាហួយតាមដងផ្លូវ ស្ថិតនៅឃុំសែនមនោរម្យ ស្រុកអូររាំង កាលពីថ្ងៃទី១៥ ខែកក្កដា ឆ្នាំ២០១៧នេះ។ ក្នុងចុះត្រួតពិនិត្យទំនិញនេះ លោក ចាន់ វាសនា ប្រធានសាខាកាំកុងត្រូលខេត្ត បានឲ្យដឹងថា គោលបំណងសំខាន់គឺដើម្បីការពារផលប្រយោជន៍ និងសុខភាពអ្នកប្រើប្រាស់ ព្រោះកន្លងមកក្រោយពីមន្ត្រីកាំកុងត្រូលធ្វើការណែនាំឃើញថា អាជីវករ និងប្រជាពលរដ្ឋមានការយល់ដឹងច្រើន ពាក់ព័ន្ធនឹងការប្រើប្រាស់ និងការដាក់តាំងលក់ទំនិញ តែក៏នៅមានអាជីវករមួយចំនួនតូចនៅមិនទាន់យល់ដឹងផងដែរ។
លោកបានបន្តថា ការត្រួតពិនិត្យនេះបានផ្តោតសំខាន់ទៅលើទំនិញ វេចខ្ចប់ស្រាប់ ទំនិញហួសកាលបរិច្ឆេទប្រើប្រាស់ទំនិញគ្មានអនាម័យ គ្មានសុវត្ថិភាព និងទំនិញដែលមានលាយសារធាតុគីមីហាមឃាត់។ ក្នុងនោះដែរ មន្ត្រីជំនាញកាំកុងត្រូល បានធ្វើតេស្តរកសាធាតុគីមីបូរ៉ាក់ទៅលើប្រហិតសាច់គោ ត្រីងៀត សរសៃមីលឿង សរសៃគុយទាវ និង ណែម ជាលទ្ធផលពុំមានសារធាតុគីមីហាមឃាត់នោះទេ។ បន្ទាប់ពីធ្វើតេស្តរួចមក មន្ត្រីកាំកុងត្រូលបានបន្តស្វែងរក ទំនិញដែលមិនមានគុណភាព ក៏ដូចជាទំនិញហួសកាលបរិច្ឆេទប្រើប្រាស់ ដែលអាជីវករដាក់តាំងលក់នៅតាមផ្ទះ ជាលទ្ធផលការត្រួតពិនិត្យនេះ ក៏បានរកឃើញ នំស្រួយម៉ាកQUE ចំនួនពីរកញ្ចប់ ស្មើនឹងកន្លះគីឡូក្រាម ហួសកាលបរិច្ឆេទ (ផលិតនៅប្រទេសវៀតណាម) ត្រូវបានមន្ត្រីជំនាញសាខាកាំកុងត្រូលធ្វើការដកហូតយកទៅរក្សាទុកដើម្បីធ្វើការដុតកម្ទេចចោលនៅពេលក្រោយ។
ទន្ទឹមនឹងការចុះត្រួតពិនិត្យទំនិញនេះដែរ មន្ត្រីកាំកុងត្រូល បានធ្វើការណែនាំបន្ថែម ដល់អាជីវករពាណិជ្ជករឲ្យមានយល់ដឹង និងមានការប្រុងប្រយ័ត្នចំពោះទំនិញទាំងឡាយណាដែលមិនមានគុណភាព និងហួសកាលបរិច្ឆេទប្រើប្រាស់ ដូចជាកំប៉ុងក្រពឹត ប៉ោង ច្រេះស៊ី ទំនិញដែលមានសារធាតុគីមីហាមឃាត់ និងត្រូវរៀបចំទំនិញលក់ដូរទុកដាក់ឲ្យមានសណ្តាប់ធ្នាប់ល្អ និងបានបិទរូបភាព ដែលរៀបចំដោយ អគ្គនាយកដ្ឋានកាំងកុងត្រូល ជូនដល់អ្នកលក់ និងអ្នកប្រើប្រាស់ឲ្យបានយល់ដឹងពីរូបភាពជាបឋមនូវទំនិញណាដែលគួរប្រើ និងទំនិញណាមិនគួរប្រើប្រាស់៕
ចែករំលែកព័តមាននេះ