នាំយកគ្រឿងឧបភោគ បរិភោគឧបត្ថម្ភដល់បងប្អូនកងទ័ព
ខេត្តព្រះសីហនុ ៖ ព្រឹកថ្ងៃទី១៥ ខែកក្កដា ឆ្នាំ២០១៧ កន្លងមកនេះលោក ស្រ៊ុន ស្រ៊ន់ ជាតំណាងឲ្យលោក យន្ត មីន អភិបាលនៃគណៈអភិបាលខេត្ត
ខេត្តព្រះសីហនុ ៖ ព្រឹកថ្ងៃទី១៥ ខែកក្កដា ឆ្នាំ២០១៧ កន្លងមកនេះលោក ស្រ៊ុន ស្រ៊ន់ ជាតំណាងឲ្យលោក យន្ត មីន អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពខេត្តព្រះសីហនុ និងលោក ឧត្តមសេនីយ៍ត្រី សុខ សាកល មេបញ្ជាការតំបន់ប្រតិបត្តិការសឹករងខេត្តព្រះសីហនុបានដឹកនាំក្រុមការងារចុះជួបសំណេះសំណាល និងនាំយកគ្រឿងឧបភោគ បរិភោគឧបត្ថម្ភដល់នាយ នាយរង និងពលទាហាន ប្រចាំការ ការពារនៅតំបន់ដីគម្របព្រៃឈើនៅពយម៉ាចូវ ស្ថិតក្នុងភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ ។
លោក ស្រ៊ុន ស្រ៊ន់ បានមានប្រសាសន៍ថា ដោយសារតែរដូវនេះជារដូវភ្លៀងធ្លាក់ខ្លាំងមានការពិបាកក្នុងការធ្វើដំណើរទៅកាន់ទីប្រជុំជនទីផ្សារ ទើបគណៈអភិបាលខេត្តឱ្យនាំយគ្រឿងឧបភោគ បរិភោគជួយឧបត្ថម្ភដល់បងប្អូនកងទ័ពដែលជាកម្លាំងគណៈបញ្ជាការឯកភាពខេត្តដែលប្រចាំការនៅចំណុចខាងលើ ដើម្បីជួយឧបត្ថម្ភជីវភាពប្រចាំថ្ងៃ ។ លោកបានបន្តឲ្យដឹងទៀតថា រដ្ឋបាលខេត្តតែងតែគិតគូរពីសុខទុក្ខរបស់កងទ័ពនគរបាល និងកងរាជអាវុធហត្ថរបស់យើងគ្រប់ពេលវេលា ព្រោះការអភិវឌ្ឍន៍ មានសុខសន្តិភាពអាស្រ័យដោយមានការចូលរួមពីកងកម្លាំងប្រដាប់អាវុធទាំងបីនេះដោយ មិនអាចខ្វះបានឡើយ ។
ក្នុងនោះលោកអភិបាលរងខេត្តបានបញ្ជាក់ថា ប្រសិនបើមានអ្នកណាមួយយកឈ្មោះថ្នាក់ដឹកនាំខេត្តយកមកប្រើដោយខុសច្បាប់ក្នុងការធ្វើសកម្មភាព កាប់ទន្ទ្រានដីព្រៃ នៅចំណុចខាងលើ ត្រូវតែឃាត់ខ្លួនភ្លាមៗកសាងសំណុំរឿងបញ្ជូនខ្លួនទៅតាមនីតិវិធីច្បាប់ដោយមិនទុកឱ្យជនខិលខូចទាំងនោះយកឈ្មោះថ្នាក់ដឹកនាំខេត្តមកប្រើប្រាស់ក្នុងការចាប់រានដីគម្របព្រៃឈើ សាងសង់សំណង់ផ្សេងៗនៅលើដីរបស់រដ្ឋនៅតំបន់ខាងលើនោះបានជាដាច់ខាត ៕
ចែករំលែកព័តមាននេះ