កាសែតថៃកាលពីថ្ងៃទី១០ កក្កដា ២០១៧ ផ្សាយថា បុរសអាយុ២៣ឆ្នាំម្នាក់តាមទាក់ទងស្នេហាអ្នកគ្រូបង្រៀនម្នាក់ ប៉ុន្តែត្រូវនាងបដិសេធ ។ ដោយខឹងពេកគេបាញ់នាងស្លាប់នៅចំពោះមុខក្រុមគ្រួសារ ។
ហេតុការណ៍កើតឡើងកាលពីថ្ងៃទី៨ កក្កដា ២០១៧នៅឃុំមេម៉ុក ស្រុកធើន ខេត្តឡាំប៉ាង ប្រទេសថៃ ។
ប៉ូលិសត្រួតពិនិត្យនៅខាងក្រោមផ្ទះមានថ្លុកឈាម រួមទាំងសម្បកគ្រាប់ជាច្រើន ។ ចំពោះនារីរងគ្រោះឈ្មោះឈានថារ៉ាត ជុងមុល អាយុ២៣ឆ្នាំ ជាគ្រូបង្រៀននៅសាលាមួយក្នុងស្រុកមេស៊ត ខេត្តត្រាត ត្រូវក្រុមគ្រួសារនាំទៅសង្រេ្គោះបន្ទាន់នៅមន្ទីរពេទ្យ ប៉ុន្តែបានស្លាប់ក្នុងពេលបន្ទាប់ ។
ឃុងសុវណ្ណ ទីបប៉ាសុន អាយុ៣៥ឆ្នាំ ក្រោយពេលបាញ់សម្លាប់នារីដែលបដិសេធស្នេហ៍រូបគេរួចមក ត្រូវសាច់ញាតិរបស់នាងចោមរោមវាយរបួសធ្ងន់ ។ បច្ចុប្បន្នជនរបួសកំពុងសម្រាកព្យាបាលនៅមន្ទីរពេទ្យ«ធើន» ។
ឃុងសុវណ្ណ ទីបប៉ាសុន ធ្លាប់មានប្រពន្ធ ប៉ុន្តែបានលែងលះគ្នា ។ គេស្រឡាញ់នារីរងគ្រោះខ្លាំង ប៉ុន្តែនាងមិនព្រម ។
សមត្ថកិច្ចចោទប្រកាន់បុរសនោះពីបទមានគម្រោងសម្លាប់មនុស្សគិតទុកជាមុន និងប្រើអាវុធខុសច្បាប់ ៕
ចែករំលែកព័តមាននេះ