រាជធានីភ្នំពេញ ៖ ស្រីម៉ុច គឺជាតារាសម្តែងស្រីដែលមានវ័យជិត៤០ឆ្នាំ និងមានកូនដល់ទៅ៣នាក់ក៏ពិតមែន ប៉ុន្តែតារាសិចស៊ីក្នុងបទ «ជីដូនកាកី» នៅតែមានសម្រស់ស្រស់ស្អាតមិនចាញ់តារាជំនាន់ក្រោយប៉ុន្មានោះទេ។
ទោះបីមានភាពស្រស់ស្អាតពីកំណើតក៏ពិតមែន ប៉ុន្តែស្រីម៉ុច នាងក៏មិនបណ្តោយឱ្យសម្រស់របស់នាងធ្លាក់ចុះនោះដែរ ជាក់ស្តែងកាលពីម្សិលមិញនេះ តារាសិចស៊ីស្រីម៉ុច ក៏បានជិះយន្តហោះពីសិង្ហបុរីមកធ្វើជំនួញ និងធ្វើការថែរក្សាសម្រស់របស់នាង ពិសេសគឺនាងបានកែត្របកភ្នែក (កិបភ្នែក) ដើម្បីបង្កើនភាពស្រស់ស្អាតថែមមួយកំរិតទៀត។
ស្រីម៉ុច បានបោះបង់ចោលសិល្បៈជិត១០ឆ្នាំមកហើយ ហើយនាងនៅស្ថិតក្នុងការចង់ចាំរបស់មិត្តអ្នក ដែលភាគច្រីននាងត្រូវបានទស្សនិកជនស្គាល់តាមរយៈការសម្ដែងរឿង «កាកី» និងកាយវិការសម្ដែងសិចស៊ីក្នុងបទចម្រៀង «ជីដូនកាកី» របស់ លោក ហេង ប៊ុនលាភ នៅអំឡុងឆ្នាំ២០០៥-២០០៦ ៕
ចែករំលែកព័តមាននេះ