អង់តាក់ទិក ៖ យោងតាមការពិនិត្យកាលពីថ្ងៃទី១២ កក្កដា របស់ពួកអ្នកស្រាវជ្រាវនៃសាកលវិទ្យាល័យ SWANSEA ចក្រភពអង់គ្លេសថា ផ្ទាំងទឹកកកយ៉ាងធំមួយមានទម្ងន់ប្រមាណជា១.០០០ពាន់លានតោន ជាផ្ទាំងទឹកកកយ៉ាងធំពុំធ្លាប់ឃើញលើពិភពលោកនោះទើបតែកកើតក្រោយពីការផ្តាច់ខ្លួនស្ទើរទាំងស្រុងពីមហាសមុទ្រទឹកកកអង់តាក់ទិក ។
ផ្ទាំងទឹកកកនេះមានទំហំដល់ទៅ៥.៨០០គីឡូម៉ែត្រក្រឡា ពោលមានទំហំប៉ុនខេត្ត GARD ឬខេត្ត TARN បារាំងគឺ៥៥ដងធំជាងក្រុងប៉ារីស ។
បណ្តាអ្នកវិទ្យាសាស្ត្រដែលតាមដានការវិវត្តន៍នៃផ្ទាំងទឹកកកយ៉ាងធំនេះគូសបញ្ជាក់ថា ការកកើតរបស់វាគឺរវាងពីថ្ងៃទី១០ ទៅ១២ កក្កដា ។ មានកម្រាស់៣៥០ម៉ែត្រ ផ្ទាំងទឹកកកយក្សដែលគេអាចហៅឈ្មោះថា «A68» នឹងពុំមានផលប៉ះពាល់ដល់កម្រិតទឹកនៃបណ្តាមហាសមុទ្រឡើយ ព្រោះវាអណ្តែតរួចហើយលើផ្ទៃទឹកផ្ទុយទៅវិញវាជាផ្នែកមួយនៃរបាំងទឹកកកមានឈ្មោះថា «LARSEN C» ៕
ចែករំលែកព័តមាននេះ